Yob
34 Elihu taki tu:
2 „Un koni man, yere san mi abi fu taki.
Un man di sabi sani, arki mi.
4 Meki wi srefi bosroiti san reti.
Meki wi sabi gi wisrefi san bun.
6 Unu e denki taki mi e lei, soso fu di mi wani taki a krutu mi na wan reti fasi?
Mi no sondu, ma toku mi kisi hebi mankeri di no man dresi.’+
10 Fu dati ede, un man di e si sani krin,+ arki mi.
A no tru kwetikweti taki Gado e du ogri!+
Noiti na Almaktiwan e du kruktu sani!+
11 Bika Gado e pai+ libisma gi san den e du.
A o sorgu taki libisma kisi pai fu a fasi fa den e libi.
12 Iya, a de so trutru, taki Gado no e du ogri,+
Èn na Almaktiwan no e krutu sani na wan kruktu fasi.+
13 Suma gi en a frantwortu fu tiri grontapu?
Suma gi en a wroko fu sorgu gi heri grontapu?
16 Sobun, efu yu man frustan sani krin, dan arki den sani disi.
Yere san mi abi fu taki.
17 Taigi mi, efu wan sma no lobi retidu, a man tiri bun?+
Efu wan sma di abi makti lobi retidu, yu ben o taki dati a ogri?+
18 Wan sma ben o taigi wan kownu: ’Na fu soso yu e tiri’?
A ben o taigi den heihei man: ’Unu na ogriman’?+
19 Gado no e feni den granman moro bun leki tra sma.
A no e poti moro prakseri na den heihei man leki na den mofinawan,+
Bika na en meki den alamala.+
20 Fosi yu pingi yu ai, den dede,+ iya, srefi na mindrineti den e dede.+
A pipel e degedege èn den e lasi gowe.
Den maktiwan e gowe sondro taki wan sma puru den.+
23 Gado no poti wan spesrutu ten gi libisma
Fu den kon na en, so taki a kan krutu den.
27 Bika den drai baka gi en èn den no e waka na en baka moro.+
Den no waka na tapu nowan fu den pasi fu en.+
29 Ma te a e puru den na ini a nowtu, dan suma kan krutu en?
Te a e tapu en fesi,+ suma kan si en?
Awinsi na wan heri pipel,+ noso awinsi na wán sma nomo, a srefi sani a e du nanga den alamala.
30 Na so den wan di drai baka gi Gado no e tiri doronomo+
Èn nowan sani o de leki wan trapu+ gi a pipel.
33 Ma yu denki taki Gado o meki sani kon bun baka gi yu, fu di yu no e agri nanga en?
A no mi, ma na yu feni taki a no e du sani bun.
Ma efu yu sabi sani moro mi, taigi mi san yu sabi.