Romesma
8 Fu dati ede, Gado no sa krutu den sma di de wán nanga Krestes Yesus.+ 2 Bika a wèt+ fu a yeye+ di e gi libi+ na den sma di de wán nanga Krestes Yesus, meki unu kon fri+ fu a wèt fu sondu nanga dede.+ 3 A sondufasi fu libisma ben meki a Wèt kon swaki+ èn a no ben man frulusu sma.+ Ma san a Wèt no ben man du, na dati Gado du. A seni en eigi Manpikin+ na ini wan skin di gersi di fu sondu libisma,+ fu puru sondu.+ Na so a krutu a sondu di de na ini libisma skin, 4 so taki wi kan du bun soleki fa a Wèt e aksi fu wi.+ Sobun, wi no musu du san a skin wani, ma wi musu du san a yeye wani.+ 5 Bika den sma di e du san a skin wani, e prakseri soso den sani di abi fu du nanga a skin.+ Ma den sma di e du san a yeye wani, e prakseri soso den sani di abi fu du nanga a yeye.+ 6 Te wan sma e poti prakseri na sani di a skin wani, dan a bakapisi fu dati na dede.+ Ma te wan sma e poti prakseri na sani di abi fu du nanga a yeye,+ dan a bakapisi fu dati na libi nanga freide. 7 Te wan sma e poti prakseri na sani di a skin wani, dan en na wan feanti+ fu Gado, fu di a skin no e gi yesi+ na a wèt fu Gado. Fu taki en leti, a no man gi yesi na a wèt. 8 Fu dati ede, den sma di e du san a skin wani,+ no man plisi Gado.
9 We, efu a yeye fu Gado e tan na ini unu trutru,+ dan unu no o du san a skin wani, ma unu o du san a yeye wani.+ Ma efu wan sma no abi a denki* fu Krestes,+ dan a sma disi no de fu Krestes. 10 Ma efu Krestes de wán nanga unu+ èn un skin dede fu di a abi sondu, dan a yeye e gi libi+ fu di unu e du san bun. 11 Gado ben gebroiki en yeye fu gi Krestes Yesus wan opobaka.+ Sobun, efu a yeye fu en e tan na ini unu, dan a o gebroiki dati fu meki un skin di o dede, libi tu.+
12 We dan mi brada, wi abi wan plekti, ma a no fu gi yesi na a skin èn fu du san a wani.+ 13 Bika efu unu e libi soleki fa a skin wani, dan unu o dede seiker.+ Ma efu unu e meki a yeye yepi unu fu tapu krinkrin nanga den sani di a skin wani unu fu du,+ dan unu o libi. 14 Bika ala den sma di a yeye fu Gado e tiri, na manpikin fu Gado.+ 15 A yeye fu Gado no e meki wi tron srafu èn a no e meki wi frede+ baka. Ma a yeye+ meki taki Gado teki+ unu leki en manpikin èn a e meki wi bari: „Abba,+ Tata!” 16 A yeye+ fu Gado srefi e sori+ wi krin taki wi na pikin fu Gado.+ 17 Fu dati ede, efu wi na pikin fu Gado, dan wi o kisi wan gudu fu en tu. Iya, wi o kisi wan gudu fu Gado,+ ma wi o kisi en makandra nanga Krestes. Ma dan wi musu nyan pina+ neleki en, so taki wi kan kisi glori tu neleki en.+
18 Dati meki mi denki taki a pina+ di wi e nyan nownowde, na noti te mi teki en gersi nanga a glori+ di wi o kisi. 19 Bika ala den sani di Gado meki,+ e wakti fayafaya+ te a glori fu den manpikin fu Gado o de fu si.+ 20 Bika den sani di Gado meki tron soso sani,+ a no fu di densrefi wani, ma na fu di Gado meki den kon de so. Ma toku howpu de+ 21 taki den sani di Gado meki,+ kon fri fu wan skin di e dede. Na so den o kon fri+ na wan tumusi moi fasi leki pikin fu Gado. 22 Bika wi sabi taki ala den sani di Gado meki, e geme doronomo èn den alamala abi pen te now ete. 23 Boiti dati wi di kisi a santa yeye di de a fosi pisi fu a gudu+ di Gado gi wi, iya, wisrefi e geme+ tu na ini wi ati. Wi e wakti fayafaya te Gado o teki wi leki en manpikin+ èn te a o gebroiki a lusu-paiman fu fri wi fu a skin fu wi. 24 Di wi kisi frulusu, wi ben abi a howpu disi.+ Ma te wan sma e howpu fu kisi wan sani èn a kisi a sani dati trutru, dan a no o howpu moro, a no so? Wi kan taki dan, dati wan sma e howpu fu kisi wan sani, efu a kisi a sani dati kaba? 25 Ma efu wi e howpu+ fu kisi wan sani di wi no kisi ete,+ dan wi o tan wakti a sani dati fayafaya, aladi wi e horidoro.+
26 A yeye+ e yepi wi tu te wi swaki.+ Son leisi a de fanowdu fu begi, ma wi no sabi fu san wi musu begi.+ We, na den ten dati a yeye+ srefi e taki gi wi te wi e geme èn te wi no sabi san fu taki. 27 Gado e ondrosuku na ati+ èn a e frustan san a yeye+ wani taki, bika a yeye e taki gi den santawan,+ soleki fa Gado feni bun.
28 Wi sabi taki Gado e meki ala sani wroko makandra, so taki den wan di lobi en èn di a wani kari, kan feni bun.+ 29 A seti sani na fesi+ so taki den fosiwan di a ben abi na prakseri,+ ben o kon de leki en Manpikin+ èn na so a Manpikin ben o de a fosi pikin+ na mindri furu brada.+ 30 Boiti dati, a kari+ den sma di a ben abi na prakseri.+ Den sma di a kari, na sma di a e si leki reti-ati sma.+ Te fu kaba, den sma di a e si leki reti-ati sma, na den sma di a gi glori tu.+
31 We, san wi o taki fu den sani disi dan? Efu Gado de nanga wi, dan suma sa man du wi wan sani?+ 32 En eigi Manpikin srefi a no kibri,+ ma a libi en meki a dede gi wi alamala.+ We, dan fu san ede en nanga en Manpikin no ben sa gi wi ala tra sani tu fu sori wi bun-ati?+ 33 Suma sa man tyari den wan di Gado teki gi ensrefi, na fesi krutu?+ Gado na a sma di taki dati den na reti-ati sma.+ 34 Suma o krutu den? Nowan sma, bika Krestes Yesus dede èn a kisi wan opobaka. Na en de na a reti-anusei+ fu Gado èn na en e taki gi wi.+
35 Suma sa man prati wi fu a lobi fu Krestes?+ Banawtu, pina, frufolgu, angri, sososkin, ogri, noso feti-owru o man du dati?+ 36 A de soleki fa Gado Buku taki: „Na fu yu ede, meki ala ten baka sma kiri wi. Den si wi leki skapu di sma e tyari go srakti.”+ 37 Ma awansi ala den sani disi e pasa nanga wi, toku wi o wini+ krinkrin nanga yepi fu a sma di lobi wi. 38 Bika mi de seiker taki noti no sa man prati wi fu a lobi fu Gado. Dede no sa man du dati èn libi no sa man du dati.+ Nowan engel,+ nowan tirimakti,+ nowan sani fu a ten disi noso fu a ten di e kon, nowan krakti,+ 39 nowan sani di hei, nowan sani di dipi, èn nowan enkri tra sani di Gado meki, sa man prati wi fu a lobi fu Gado, di wi Masra Krestes Yesus abi tu.+