Hebrewsma
13 Tan lobi makandra leki brada.+ 2 No frigiti fu lobi fu gi sma wan switikon,+ bika na fu di son sma du dati, meki sondro fu den sabi, den kari engel kon na ini den oso.+ 3 Tan prakseri den sma di de na strafu-oso,+ neleki unu de na strafu-oso makandra nanga den.+ Tan prakseri den sma tu di trawan e du ogri nanga den,+ fu di unu srefi abi wan libisma skin ete. 4 Un alamala musu si a trowlibi leki wan lespeki sani. Un no musu doti a trowlibi fu unu,+ bika Gado o krutu huruman nanga sutaman.+ 5 No meki a fasi fa unu e libi sori taki unu lobi moni.+ Ma un musu breiti+ nanga den sani di unu abi now,+ bika Gado taki: „Mi no o libi yu kwetikweti èn noiti mi o gowe fu yu.”+ 6 Na so fasi wi kan abi deki-ati+ èn wi kan taki: „Yehovah na mi yepiman. Mi no o frede. San libisma kan du mi?”+
7 Memre den wan di e teki fesi na un mindri+ èn di fruteri unu a wortu fu Gado. Poti prakseri na a fasi fa a libi fu den e waka, so taki unu kan teki wan eksempre+ na a bribi fu den.+
8 Esde, tide èn fu ala ten Yesus Krestes na a srefi.+
9 No meki sma drai un ede nanga ala sortu leri di unu no sabi.+ A moro betre fu meki den bun di Gado du gi wi,+ gi wi krakti, leki fu meki nyanyan+ gi wi krakti, fu di den sani dati no e tyari wini gi den sma di e poti prakseri na dati wawan.
10 Den sma di e du santa wroko na a tenti no abi a reti fu nyan san de na tapu na altari di wi abi,+ 11 bika baka te a granpriester tyari a brudu fu meti go na ini a santa presi leki wan sondu-ofrandi, den e tyari den skin fu den meti dati go bron na dorosei fu a kampu.+ 12 Dati meki Yesus ben pina dorosei fu a portu+ fu a foto tu, so taki a ben kan meki a pipel kon santa+ nanga en eigi brudu.+ 13 Sobun, meki wi go na en na dorosei fu a kampu èn meki wi tyari a syen di en ben tyari.+ 14 Wi sabi taki wi no abi wan foto dyaso di e tan fu ala ten,+ ma wi e angri fu si a foto di musu kon ete.+ 15 Meki wi prèise Gado ala ten nanga yepi fu Yesus.+ Na so fasi wi e tyari wan ofrandi gi Gado nanga wi mofo,*+ te wi e fruteri ala sma fu a nen fu en.+ 16 Boiti dati, un no musu frigiti fu du bun+ èn fu prati san unu abi nanga trawan, bika Gado e prisiri nanga den sortu ofrandi dati.+
17 Gi yesi na den wan di e teki fesi na un mindri+ èn saka unsrefi na den ondro,+ bika na den e luku unu leki sma di o abi fu gi Gado frantwortu+ fu san den e du. Dan den o sorgu unu nanga prisiri èn no nanga geme, bika disi no ben o bun gi unu.+
18 Tan begi+ gi wi, bika wi sabi taki wi abi wan krin konsensi, fu di wi wani du ala sani nanga wan krin ati.+ 19 Ma mi wani gi unu deki-ati spesrutu fu begi taki mi kan drai kon baka na unu moro esi.+
20 A Gado fu freide+ gi wi Masra Yesus wan opobaka.+ Yesus abi a brudu fu wan têgo frubontu+ na en èn a de a gran skapuman.+ We, meki a Gado disi 21 gi unu ala bun sani, so taki unu kan du en wani. A meki Yesus Krestes yepi wi fu du ala san a feni bun.+ Na Gado musu kisi glori fu têgo,+ iya, fu ala ten. Amen.
22 Now mi e begi unu, mi brada, de nanga pasensi te unu e leisi den sani di mi skrifi fu gi unu deki-ati, fu di mi skrifi unu wan syatu brifi.+ 23 Sabi taki wi brada Timoteyus+ komoto na strafu-oso kaba. Efu a kon dya esi, dan mi nanga en o kon luku unu.
24 Taki ala den wan di e teki fesi+ na un mindri odi gi mi èn sosrefi ala den tra santawan. Den wan di de na Italiakondre+ e seni taki unu odi.