Yesaya
12 Na a dei dati+ yu musu fu taki: „Mi e taki yu tangi, Yehovah. Yu ati ben bron nanga mi, ma safrisafri yu ati kon kowru baka,+ dan yu trowstu mi.+ 2 Luku fa Gado frulusu mi!+ Mi e frutrow na en tapu èn mi no e frede.+ Bika Yah Yehovah gi mi krakti+ èn a kibri mi.+ Na en tron mi frulusuman.”+
3 Nanga bigi prisiri unu o puru watra na ini a peti fu frulusu.+ 4 Na a dei dati unu o taki: „Un pipel, taki Yehovah tangi!+ Kari en nen.+ Meki den pipel sabi san a du.+ Fruteri taki en nen bigi trutru.+ 5 Meki poku gi Yehovah,+ bika a du den moro kefalek sani.+ Heri grontapu musu kon sabi dati.
6 Uma di e tan na Sion, bari nanga wan tranga sten èn bari fu prisiri, bika a Santawan fu Israel+ di de nanga yu bigi srefisrefi.”