Yob
12 Dan Yob taki:
4 Now sma e teki mi leki spotupopki,+
Fu di mi e kari Gado èn mi wani taki a piki mi.+
Iniwan reti-ati sma di e du soso bun, na wan spotupopki gi trawan.
5 Den wan di no abi broko-ede e wisiwasi den wan di de na ini banawtu,+ fu di den e denki
Taki na soso den wan di no e tanapu steifi e kisi den problema disi.+
6 Den sma na ini den tenti fu den ogri-ati fufuruman no abi broko-ede.+
Noti no e pasa nanga den wan di e meki Gado ati bron.
Den de leki den wan di e anbegi falsi gado.+
7 Ma grantangi, aksi den osometi, dan den o gi yu leri.+
Aksi den fowru di e frei na loktu, dan den o taigi yu.+
14 Te a broko wan sani, dan noiti sma man bow en baka.+
Te a e tapu wan sani gi libisma den no man opo en.+
16 Na en abi krakti nanga koni.+
Den wan di e meki fowtu èn den wan di e meki trawan lasi pasi,+ na fu en.
19 A e meki priester waka sosofutu,+
Èn a e trowe den wan di ben e tanapu steifisteifi.+
20 A e meki den raiman di de fu frutrow tapu den mofo,
Èn a e puru a koni fu den owru man.
22 Den sani di de dipi na ini a dungru, a e tyari kon na krin.+
A e meki leti skèin na den presi di dungru pikapika.
23 A e meki pipel kon makti, dan a e figi den puru.+
A e meki pipel kon so bigi, taki den de na ala sei, dan a e tyari den go na ini katibo.