Romesma
11 Ma disi wani taki dan dati na drai Gado drai en baka gi en pipel?+ Kwetikweti! Bika misrefi na wan Israelsma,+ wan bakapikin fu Abraham èn mi de fu a lo fu Benyamin.+ 2 Gado no drai en baka gi en pipel di ben de den fosiwan di a teki.+ Unu no sabi san Gado Buku e taki fu Elia? Di Elia ben e fruteri Gado fu den ogri di Israel du,+ 3 a taki: „Yehovah, den kiri den profeiti fu yu, èn den broko den altari fu yu. Mi wawan tan abra èn now den e wani kiri mi.”+ 4 Ma san Gado taigi+ en? „Mi abi seibi dusun man ete di de na libi, fu di den no boigi gi Bâal.”+ 5 Na so wan tu sma tan abra+ tu na ini a ten disi, fu di Gado sori den bun-ati di a teki+ den. 6 Sobun, efu na bun-ati+ meki taki Gado e teki sma, dan disi no abi fu du moro nanga san wan sma e du.+ Bika efu dati ben de so, dan a bun-ati di Gado sori no ben o de trutru bun-ati.+
7 We, san wi sa taki dan? Den Israelsma no ben kisi a sani di den ben suku fayafaya,+ ma den wan di Gado teki+ kisi a sani dati. Den trawan kon tranga-ede.+ 8 A de soleki fa Gado Buku taki: „Gado meki den tron leki sma di e sribi dipi.+ A gi den ai di no man si èn yesi di no man yere, te na a dei fu tide.”+ 9 David ben taki tu: „Meki den fesa fu den tron wan krafana gi den, wan trapu, wan sani di e meki den fadon èn wan sani di o meki den kisi strafu.+ 10 Meki den ai fu den kon dungru, so taki den no man si, èn meki a baka fu den kon kron fu ala ten.”+
11 Ma disi wani taki dati na stotu den stotu den futu fadon+ na so wan fasi taki den no man opo moro? Kwetikweti! Ma fu di den sondu+ meki den trakondre sma kan kisi frulusu now+ èn dati meki den Dyu kon dyarusu.+ 12 We, efu den sondu fu den Dyu meki taki grontapu kisi blesi, èn efu den trakondre sma kisi blesi+ fu di den Dyu kon moro mendri, dan moro blesi o kon te den alamala+ de makandra.
13 We, now mi o taki nanga unu di de trakondre sma. Mi na wan apostel+ gi den trakondre sma,+ èn dati meki mi e du a diniwroko+ fu mi na wan lespeki fasi.+ 14 Na so mi e howpu taki na wan noso tra fasi disi o meki mi eigi pipel kon dyarusu, so taki mi kan frulusu+ wan tu fu den.+ 15 Di Gado no ben wani den Dyu moro,+ den sma fu grontapu kisi na okasi fu kon bun nanga Gado.+ We, efu dati de so, dan fa a o de te Gado teki den baka? A o de neleki den kisi wan opobaka èn kon na libi baka. 16 Efu a fosi pisi fu blon+ santa fu di a gi leki ofrandi na Gado, dan a tra pisi fu a blon santa tu. Efu a rutu fu wan bon santa,+ dan den taki fu a bon santa tu.
17 Gado broko wan tu taki puru fu na olèifbon, dan a teki yu di komopo fu wan busi-olèifbon èn a fasi yu na mindri+ den tra taki fu na olèifbon,+ so taki a rutu fu na olèifbon kan gi yu bun nyanyan tu.+ 18 We dan yu no musu denki taki yu bun moro den taki di broko puru. Ma efu toku yu denki taki yu bun moro den,+ no frigiti taki a no yu e tyari a rutu,+ ma na a rutu e tyari yu.+ 19 Kande yu o taki: „Gado broko den taki puru+ fu fasi mi na a bon.”+ 20 Dati tru! A broko den taki dati puru fu di den no ben e bribi,+ ma yu tan fu di yu e bribi.+ Yu no musu abi bigimemre.+ Luku bun.+ 21 Bika efu Gado ben man puru den taki di de fu a bon srefi, dan a sa man puru yu tu.+ 22 Fu dati ede, hori na prakseri taki Gado abi bun-ati,+ ma a e strafu sma tu.+ Gado e strafu den wan di fadon gowe.+ Ma solanga yu e tyari yusrefi na wan fasi di a feni bun, a o sori yu bun-ati.+ Efu yu no e du dati, dan a o koti yu puru.+ 23 Ma efu den e bribi baka, dan Gado o fasi den na a bon,+ fu di a man fasi den baka na a bon. 24 Bika efu a koti yu puru fu a busi-olèifbon èn a fasi+ yu na a olèifbon di sma e kweki, aladi dati no de a gwenti, dan a de seiker taki a man fasi den taki baka na den eigi olèifbon!+
25 We mi brada, a no bun taki unu e prakseri fu unsrefi taki unu koni. Sobun, mi o fruteri unu a santa kibritori+ disi: Son Israelsma kon tranga-ede+ èn disi o tan so teleki a heri grupu+ fu den trakondre sma kon na inisei.+ 26 Na so fasi heri Israel+ o kisi frulusu. A de soleki fa Gado Buku taki: „A frulusuman o komoto na Sion+ èn a o puru ala den ogri di Yakob du.+ 27 Disi na a frubontu di mi meki nanga den,+ te mi o puru den sondu fu den.”+ 28 A tru taki den na feanti fu Gado, fu di den no wani arki a bun nyunsu èn unu kisi wini fu dati.+ Ma na fu den afo fu den ede meki a kari wan tu fu den fu di a lobi den.+ 29 Bika Gado no o sari taki a gi unu den grani èn taki a gi unu a kari.+ 30 A ben de so, taki unu ben trangayesi+ Gado fosi, ma now a abi sari-ati+ gi unu, fu di den trangayesi.+ 31 Sobun, na a trangayesi fu den meki taki Gado sori unu sari-ati,+ èn na dati o meki tu dati Gado kan sori den sari-ati. 32 Gado libi ala sma meki den tan trangayesi en,+ so taki a kan abi sari-ati gi ala sma.+
33 Ai, den blesi,+ a koni+ nanga a sabi+ fu Gado, furu trutru! Wi no man frustan fa a e krutu+ sani èn wi no man kon sabi fa den pasi fu en de! 34 Bika Gado buku taki: „Suma kon sabi fa Yehovah e denki,+ èn suma kan gi en rai?”+ 35 Noso: „Suma ben gi Gado wan sani, taki Gado musu pai en baka?”+ 36 Bika ala sani komoto fu en, na en meki taki ala sani de èn gi en ala sani de.+ Na en musu kisi glori fu têgo.+ Amen.