1 Petrus
3 Un uma, na so a musu de tu nanga unu.+ Saka unsrefi na ondro+ un eigi masra, so taki te sonwan fu den no wani du san Gado wortu e taki,+ dan a fasi fa unu e tyari unsrefi kan meki den teki a bribi+ sondro fu unu taigi den wan sani,+ 2 bika den si nanga den eigi ai fa unu e tyari unsrefi na wan krin fasi+ èn nanga bigi lespeki. 3 A moi fu unu no musu de den sani di sma ai man si, soleki a brei di unu e brei un wiwiri+ èn den gowtu sani+ noso krosi di unu e weri. 4 Ma a moi fu unu musu de a sma di unu de dipi na ini un ati,+ fu di unu abi wan tiri èn safri fasi+ di de leki wan krosi di no e pori+ èn di warti srefisrefi gi Gado. 5 Na so den uma fu fositen di ben e dini Gado fayafaya èn di ben e howpu tapu Gado, ben gwenti fu moi densrefi tu, aladi den ben e saka densrefi na den eigi masra ondro. 6 Na so Sara ben e du. A ben e gi yesi na Abraham èn ben e kari en „masra”.+ Efu unu tan du bun èn unu no e meki sani frede unu,+ dan unu tron pikin fu Sara.
7 Un masra, tan libi nanga un wefi na wan fasi+ di e sori taki unu e frustan den bun.+ Umasma moro swaki èn den de leki wan prapi di kan broko makriki. Sobun, gi den grani,+ bika na a bun-ati fu Gado meki taki unu kisi libi neleki den.+ Du dati, so taki nowan sani tapu den begi fu unu.+
8 Wan lasti sani di mi wani taigi unu na disi: un alamala musu abi a srefi denki,+ sori taki unu e firi gi tra sma, lobi den brada fu unu, de klariklari fu sori sari-ati gi trawan+ èn abi sakafasi.+ 9 No pai ogri nanga ogri,+ noso no kosi sma te den e kosi unu.+ Na presi fu dati un musu taki nanga den na wan switi fasi, bika Gado kari unu fu blesi trawan.+ Na so fasi a kan blesi unu tu.
10 Bika, „a sma di lobi a libi èn di wani taki en libi waka bun,+ musu basi en tongo+ fu no taki ogri èn en mofobuba fu no taki bedrigi sani.+ 11 A no musu du ogri moro,+ ma a musu du san bun. A musu suku freide èn a musu du muiti fu feni en,+ 12 bika den ai fu Yehovah e si den reti-ati sma èn den yesi fu en e yere den fayafaya begi fu den.+ Ma Yehovah e drai baka gi den wan di e du ogri.”+
13 Iya, suma sa du unu ogri efu unu de fayafaya fu du san bun?+ 14 Srefi efu unu ben sa musu pina fu di unu e du san bun, toku unu o de koloku.+ No frede san tra sma e frede+ èn no bruya tu.+ 15 Na ini un ati un musu sabi taki Krestes na Masra èn taki a de wan santa sma.+ Ala ten un musu de srekasreka fu opo taki gi unsrefi+ na fesi ala sma di e aksi unu sani di abi fu du nanga a howpu fu unu, ma du dati na wan safri fasi+ èn nanga bigi lespeki.
16 Tan abi wan bun konsensi,+ so taki den wan di e taki ogri fu unu fu di unu na bakaman fu Krestes, o kisi syen+ te den e taki sani fu unu di no tru.+ 17 A moro bun te Gado gi pasi taki unu e pina fu di unu e du bun,+ leki te unu e pina fu di unu e du ogri,+ 18 bika Krestes srefi di ben de wan reti-ati sma, dede wán leisi nomo gi sma di no bun+ èn a frulusu den fu den sondu fu den.+ Na so a tyari unu go na Gado.+ Den kiri en di a ben de wan libisma,+ ma a kon na libi leki wan yeye.+ 19 Leki wan yeye a gowe tu èn a go preiki gi den yeye di de na strafu-oso.+ 20 Fosi, den ben trangayesi+ Gado di a ben e wakti nanga pasensi+ na ini a ten fu Noa. Na a ten dati Noa ben e meki na ark+ di ben tyari wan tu sma nomo. Iya, aiti sma* pasa na ini a watra libilibi.+
21 Now a dopu e frulusu unu na wan srefi sortu fasi.+ A dopu no wani taki dati wan sma e wasi doti puru fu en skin, ma taki a e begi Gado fu kisi wan bun konsensi.+ Unu dopu fu di unu ben bribi na ini Yesus Krestes di kisi wan opobaka.+ 22 A go na hemel èn now a de na Gado en reti-anusei.+ Gado meki den engel,+ den wan di abi makti nanga den wan di abi krakti, saka densrefi na en ondro.+