Psalm
Gi a fesiman fu den sma di e prei pokusani di gersi harpu. Maskil.* Wan psalm fu David.
55 Mi Gado, mi e begi yu, poti prakseri na a begi fu mi.+
No tapu yu yesi te mi e begi yu fu du bun gi mi.+
2 Poti prakseri na mi èn piki mi.+
Fu di sani kon hebi gi mi srefisrefi, meki mi ati de na dyompo.+
Doronomo mi e broko mi ede,
3 Fu den sani ede di den feanti fu mi e taki èn fu a kwinsi di den ogri sma e kwinsi mi.+
Den e tan poti someni hebi na mi tapu fu pina mi+
Èn fu di den ati e bron nanga mi, meki den wani du mi ogri.+
6 Doronomo mi e taki: „Mi winsi taki mi ben abi frei leki wan doifi!+
Dan mi ben o frei go tan na wan tra presi.+
9 Yehovah, mi e begi yu, bruya den, so taki den no man frustan makandra,+
Bika na soso ogridu nanga trobi mi si na ini a foto.+
10 Dei nanga neti den e waka lontu na tapu den skotu fu a foto.+
Na soso ogri nanga problema de na ini a foto.+
12 A no wan feanti ben e gi mi porinen,+
Noso mi ben o man teki en.
A no wan sma di no lobi mi kwetikweti ben e gi mi bigitaki,+
Noso mi ben kan go kibri gi en.+
Mi nanga yu ben gwenti waka go na ini na oso fu Gado, makandra nanga den ipi-ipi sma.+
15 Meki den feanti fu mi kisi pori!+
Meki den saka go na ini Grebi* libilibi,+
Bika na a ten di den ben kon libi dyaso leki trakondre sma, na soso ogri den ben e prakseri.+
17 Na netiyuru, na mamanten èn na brekten na broko mi e broko mi ede nomo èn mi e geme.+
A e yere mi sten.+
18 A o frulusu mi èn a o kibri mi libi, te sma kon feti nanga mi,+
Bika den sma di kon feti nanga mi furu srefisrefi.+
19 Gado di e sidon na tapu en kownusturu, soleki fa a ben e du ala ten kaba,+
O yere den èn a o strafu den.+—Sela—
Iya, Gado o piki den sma di no wani kenki a fasi fu den+
Èn di no sori lespeki gi en.+
21 Den wortu fu en mofo grati moro botro,+
Ma na soso feti a e prakseri.+
Den wortu fu en switi moro oli,+
Ma den na srapu feti-owru.+