Psalm
Gi a fesiman fu den sma di e prei „No kiri mi”-poku. Wan psalm fu David. Miktam.*
58 Fa unu kan taki fu retidu, efu unu no e taki noti?+
Un libisma, unu man krutu sani na wan reti fasi trutru?+
2 Na presi fu du san reti, unu e waka e du bigi ogri na grontapu, fu di un ati furu soso nanga den sani dati.+
Ibri yuru unu e suku wan fasi fu du ogri!+
3 Sensi di den mama meki den, den ogriwan e du ogri.+
Sensi di den komoto na den mama bere, den e waka wan takru pasi.
Na soso lei den e lei.+
4 A vergif fu den de leki a vergif fu wan takru sneki.+
Den dofu neleki a kobrasneki di e tapu en yesi,+
6 Gado, mi e begi yu, naki den tifi puru na ini den mofo.+
Yehovah, broko a kakumbe fu den yongu lew.
7 Meki den kon tron noti èn lasi gowe leki a watra fu wan liba di e lon gowe esi-esi.+
Meki Gado span en bo fu sutu den peiri fu en, so taki den fadon na en fesi.+
8 Den e waka leki wan pakro di e drei* gowe.
Den no sa si a leti fu son, neleki wan pikin di e dede na ini en mama bere.+
9 Fosi den patu fu unu e firi a waran fu a makabon di teki faya,+
Dan neleki wan tranga winti Gado o wai ala den tiki gowe, den grunwan nanga den wan di e bron kaba.+