Psalm
A DI FU DRI BUKU
(Psalm 73 – 89)
Wan singi fu Asaf.+
73 Fu tru, Gado e du bun gi Israel, iya, gi den wan di ati krin.+
3 Bika mi ben kon dyarusu na tapu den sma di ben e dyaf.+
Mi ben e dyarusu di mi si a switi libi fu den ogri sma.+
6 Na fu dati ede bigifasi kon de leki wan keti na den neki.+
Ogridu kon de leki wan krosi na den skin.+
7 Den fatu so te, taki den ai fu den pusu kon na doro.+
Den kon abi moro leki san den ben prakseri na ini den ati.+
9 A dyaf di den e dyaf, e doro te na hemel srefi.+
Den e waka lontu na grontapu e taki ala sortu sani nanga den tongo.+
10 Dati meki a e tyari a pipel fu en kon baka.
Den e kanti bun furu watra puru gi den.
11 Den taki: „Fa a kan taki Gado sabi a tori?+
Fa a du kon taki a Moro Heiwan sabi ala den sani disi?”+
13 Na fu soso mi du muiti fu kon abi wan krin ati.+
Na fu soso mi wasi mi anu fu sori taki mi no du noti.+
14 Heri dei a sani disi ben e moro mi.+
Ibri mamanten mi musu taki nanga misrefi fu kan kisi misrefi baka.+
15 Efu mi ben taki: „Mi o fruteri tra sma a tori disi”,
Dan mi no ben o du bun+
Nanga den manpikin fu yu.
16 Na so mi tan prakseri a tori disi.+
A hati mi,
17 Teleki mi go na ini a gran santa presi fu Gado.+
Mi ben wani kon sabi fa sani o waka nanga den bakaten.+
19 Ala sma fruwondru fu si san kon pasa nanga den wantronso.+
Den no de moro. Na den ogri di miti den, puru den na pasi wantronso!
20 Yehovah, leki wan dren di wan sma e frigiti te a wiki,+
Na so yu o frigiti den tu te yu wiki èn yu o wisiwasi den.+
22 Mi no ben man denki krin moro èn mi no ben sabi fa sani ben de trutru.+
Gi yu, mi ben kon de leki wan meti di no abi frustan.+
26 Mi heri skin nanga mi ati kon swaki.+
Gado na wan stonbergi di mi e frutrow nanga mi heri ati. Fu ala ten, en na a gudu fu mi.+