Yob

 2 „Hori pikinso pasensi nanga mi ete,

Dan mi o taigi yu moro bun sani fu Gado.

 3 Den sani di mi sabi, kon fu farawe èn mi o fruteri den finifini.

Mi o sori yu taki mi Mekiman e du san reti.+

 4 Den sani di mi e taki a no lei.

A sma di abi ala koni+ de nanga yu.

 5 Gado abi furu makti+ èn a no o drai baka gi libisma.

A abi bun furu koni.

 6 A no o meki nowan ogri sma tan na libi.+

A o krutu den mofinawan na wan reti fasi.+

 7 A o tan luku den reti-ati sma.+

A o poti kownu na tapu kownusturu.+

A o meki den tiri fu ala ten èn den o abi furu makti.

 8 Te sma poti bui na den anu fu den reti-ati sma+

Èn den tai den nanga titei fu banawtu,

 9 Dan a o taki nanga den fu a fasi fa den e tyari densrefi

Èn fu den sondu fu den, bika den kisi bigifasi.

10 A o opo den yesi meki den arki te a e gi den piri-ai,+

Dan a o taigi den taki den no musu du ogri moro.+

11 Efu den e gi yesi na en èn den e dini en,

Dan den o abi wan bun libi teleki den dede.

Den o abi wan switi libi.+

12 Ma efu den no gi yesi na en, wan peiri+ o kiri den.+

Sondro sabi den o dede.

13 Den wan di drai baka gi Gado na ini den ati, e meki Gado ati bron moro nanga moro.+

Srefi te a tai den, den no o bari suku yepi.

14 Den o dede yonguyongu.+

Den o dede makandra nanga den man di teki en leki wroko fu abi seks nanga trawan na ini a tempel.+

15 A o frulusu den mofinawan fu a pina di den e pina.

A o opo den yesi meki den arki en te den de na ini banawtu.

16 Dan a o puru yu na ini banawtu!+

Na presi fu dati yu o de na wan bigi presi+ pe nowan sani e kwinsi yu.

Trowstu o de na tapu yu tafra leki furu gosontu nyanyan.+

17 Nanga yu eigi ai yu o si fa Gado e krutu den ogriwan.+

A o krutu ala sani na wan reti fasi.

18 Luku bun taki yu atibron+ no kori yu, so taki yu go naki anu gi en fu spotu en.

No meki tyuku+ meki yu lasi pasi.

19 Yu denki taki yu o kisi yepi te yu e bari?+ Nôno. Srefi te yu de na ini banawtu, yu no o kisi yepi,

Awinsi omeni muiti yu e meki.+

20 Yu no musu angri fu neti kon,

Te sma e drai go baka na den presi.

21 Luku bun taki yu no du ogri,+

Bika na dati yu wani du na presi fu nyan pina.+

22 Gado e du ala sortu kefalek sani nanga a krakti fu en.

Suma de wan leriman leki en?

23 Suma man aksi en frantwortu fu den sani di a du?+

Suma man taigi en: ’Yu du wan sani di no bun’?+

24 Hori na prakseri taki yu musu prèise en fu den sani di a e du.+

Sma e meki singi+ fu den sani dati.

25 Ala libisma e si den sani dati.

Fu farawe den e luku den.+

26 Nowan fu wi kan sabi o hei Gado de.+

Nowan sma kan sabi o langa a de na libi kaba.+

27 A e hari den dropu watra kon na loktu,+

Èn safrisafri den e saka kon baka leki alen èn leki dow.

28 Den wolku e dropu.+

Den e meki furu watra fadon na tapu libisma.

29 Iya, suma man frustan fa den wolku e go na ala sei?

Suma man frustan a bigi babari di e komoto na en kampu?+

30 Luku! A panya en leti go na ala sei fu hemel,+

Èn a tapu a gron fu a se nanga watra.

31 Nanga den sani disi a e koti krutu gi den pipel,+

Èn a e gi den bogobogo nyanyan.+

32 Na ini en anu a e kibri a faya di e koti na hemel.

A e seni en go na a presi pe a musu doro.+

33 A dondru+ e fruteri fu Gado,

Èn srefi den osometi e taki fu a sma di e kon.