Deuteronomium
5 Baka dati Moses kari ala den Israelsma+ kon makandra, èn a taki: „Un Israelsma, arki den wèt nanga den komando+ di mi e taigi unu tide. Un musu leri den èn un musu du finifini san den e taki.+ 2 Yehovah wi Gado ben meki wan frubontu nanga wi na Horeb.+ 3 Yehovah no meki a frubontu disi nanga den afo fu wi, ma nanga wi a meki en, wi alamala di de dyaso tide. 4 Yehovah ben taki langalanga nanga unu. Na tapu a bergi unu ben yere en sten na ini a faya.+ 5 Na a ten dati, mi ben e tanapu na mindri unu nanga Yehovah+ fu fruteri unu san Yehovah taki (bika unu ben e frede a faya èn unu no ben wani go na tapu a bergi).+ A ben taki:
6 ’Mi na Yehovah un Gado+ di tyari unu komoto fu Egepte pe unu ben de srafu.+ 7 Noiti unu musu anbegi tra gado, boiti mi.+
8 Un no musu meki wan popki+ di gersi wan sani+ di de na hemel, na grontapu, noso na ini a watra di de na grontapu. 9 Un no musu boigi gi den, èn un no musu meki sma kori unu fu dini den.+ Bika mi, Yehovah un Gado, na wan Gado di wani taki sma musu anbegi en wawan.+ Mi e strafu den wan di no lobi mi kwetikweti. A strafu fu a sondu di den papa du, o kon tapu den manpikin, den granpikin, nanga den pikin fu den granpikin.+ 10 Ma mi e du bun gi den wan di lobi mi èn di e hori den komando fu mi, iya, mi e du bun srefi gi ala den dusundusun bakapikin fu den di musu kon ete.+
11 Un no musu gebroiki a nen fu Yehovah un Gado na wan fasi di no fiti,+ bika Yehovah sa strafu iniwan sma di e gebroiki en nen na wan fasi di no fiti.+
12 A Sabat-dei na wan santa dei.+ Dati meki Yehovah un Gado ben taigi unu 13 taki unu musu du ala un wroko na ini siksi dei.+ 14 Ma na a di fu seibi dei un musu hori Sabat gi Yehovah un Gado.+ Un no musu du nowan wroko.+ Boiti dati, un manpikin, un umapikin, den man nanga den uma di unu abi leki srafu, un kaw, un buriki, un osometi, nanga den trakondre sma di e tan na ini un foto,+ no musu du nowan wroko tu. Na so fasi den man nanga den uma di unu abi leki srafu, kan rostu tu.+ 15 Un musu memre fa unu ben tron srafu na ini Egepte,+ èn fa Yehovah un Gado gebroiki en makti nanga krakti fu puru unu na ini Egepte.+ Fu dati ede Yehovah un Gado taigi unu fu hori Sabat-dei.+
16 Lespeki un papa nanga un mama,+ soleki fa Yehovah un Gado taigi unu. Efu unu du dati, unu o libi langa èn sani o go bun nanga unu+ na a presi di Yehovah un Gado gi unu.
20 Un no musu lei te unu de wan kotoigi na ini wan krutu-afersi.+
21 Un no musu angri fu abi a wefi fu wan tra sma.+ Un no musu abi bigi-ai gi na oso noso a gron fu wan tra sma. Boiti dati, un no musu angri fu abi en mansrafu, en umasrafu, en mankaw, en buriki, noso iniwan tra sani di de fu en.’+
22 Disi na den Komando di Yehovah gi un alamala na a bergi. Unu ben yere en tranga sten na ini a faya+ nanga a wolku di ala sani ben dungru pikapika. Gado no gi unu moro komando boiti den wan disi. Dan a skrifi den Komando na tapu tu plata ston èn a gi mi den.+
23 Di faya ben de na tapu a bergi èn unu yere a sten na ini a dungru,+ dan unu kon na mi. Ala den edeman na ini den lo fu unu, nanga den owru man kon na mi. 24 Dan unu taki: ’Yehovah wi Gado sori wi en glori nanga en makti èn wi yere en sten na ini a faya.+ Tide wi si taki wan sma kan tan na libi te Gado taki nanga en.+ 25 Ma wi frede taki a bigi faya disi o bron wi kiri.+ Boiti dati, efu wi yere a sten fu Yehovah ete wan leisi, dan na dede wi o dede.+ 26 Sortu libisma boiti wi, tan na libi di a yere a sten fu a libilibi Gado+ na ini wan faya? 27 Na yu musu go moro krosibei fu arki ala san Yehovah wi Gado o taki. Dan yu musu fruteri wi ala san Yehovah wi Gado taigi yu.+ Wi o arki yu èn wi o du san yu taki.’
28 Yehovah yere di unu taki nanga mi. Dati meki Yehovah taigi mi: ’Mi yere san a pipel disi taigi yu. Na bun sani den taki.+ 29 Mi winsi taki den leri fu abi lespeki gi mi+ èn taki ala ten den gi yesi na ala den komando fu mi.+ Dan ala ten sani sa waka bun gi den nanga den pikin fu den.+ 30 Go taigi den taki den kan drai go baka na den tenti fu den. 31 Ma yu musu tanapu dyaso meki mi taigi yu san na den komando, den wèt, nanga den krutubosroiti di yu musu taigi den.+ Den musu du ala den sani disi te den de na ini a kondre di mi gi den.’ 32 Un musu luku taki unu du ala san Yehovah un Gado taigi unu fu du.+ Sorgu taki unu du ala den sani disi.+ 33 Efu unu gi yesi na ala den komando di Yehovah un Gado gi unu,+ dan unu o tan na libi, sani o waka bun gi unu,+ èn unu sa libi langa na ini a kondre pe unu o go tan.