Psalm
Gi a fesiman fu Yedutun. Wan singi fu David.
2 Ai, en na mi stonbergi èn a e frulusu mi. En na wan bergi pe mi kan lon go kibri.+
Mi no o naki futu na so wan fasi taki mi fadon.+
3 O langa unu o pruberi fu du ogri nanga a sma di unu wani kiri?+
Un alamala de leki wan skotu di de fu fadon, iya, wan ston skotu di sma e suku fu pusu trowe.+
4 Ai, den e gi sma rai fu kori den fu go du sani di o meki den kisi syen.+
Den lobi fruteri lei.+
Nanga den mofo den e blesi sma, ma na ini den ati den e fluku den.+ Sela.
6 Ai, en na mi stonbergi èn a e frulusu mi. En na wan bergi pe mi kan lon go kibri.+
Mi no o naki futu.+
7 Na Gado e frulusu mi èn na en e gi mi glori.+
Gado na wan tranga stonbergi gi mi. En na mi kibripe.+
8 Un pipel, frutrow tapu Gado ala ten.+
Fruteri en ala san de na tapu un ati.+
Gado na wi kibripe.+ Sela.
9 Ai, a libi fu libisma syatu leki wan blo.+
Yu no man frutrow libisma.+
Awinsi yu ben o poti den alamala na tapu wan wegi, toku den ben o lekti moro a winti.+