148 Prèise Yah, un pipel!+
Prèise Yehovah, un alamala di e libi na ini hemel.+
Prèise en, unu di de na den moro hei presi.+
2 Prèise en, ala un engel fu en.+
Prèise en, ala un legre fu en.+
3 Prèise en, un son nanga mun.+
Prèise en, ala un brenki stari.+
4 Prèise en, un hemel nanga den moro farawe pisi fu hemel+
Èn sosrefi un watra di de na tapusei fu hemel.+
5 Meki den prèise a nen fu Yehovah,+
Bika na fu di a taki so, meki den kon de.+
6 A e poti den steifi, so taki den e tan fu têgo, iya, fu ala ten.+
A poti wan wèt di no o kon na wan kaba.+
7 Prèise Yehovah, un alamala di e libi na grontapu,+
Iya, un bigi meti di e libi na ini se èn ala un dipi watra.+
8 Faya nanga pisipisi ijs di e fadon komoto na hemel, snew nanga deki smoko, un alamala prèise en.+
Prèise en, yu bigi winti di e du san a taki.+
9 Un bergi nanga ala un pikin bergi,+
Un froktubon nanga ala un sedrebon,+
10 Un busimeti nanga ala un osometi,+
Un meti di e kroipi na gron nanga fowru di e frei,+
11 Un kownu fu grontapu nanga ala den sma fu den difrenti kondre fu grontapu,+
Un granman+ nanga ala un krutuman fu grontapu,+
12 Un yonkuman+ nanga ala un yonguwenke,+
Un man di owru kaba,+ makandra nanga den boi,+ un alamala prèise en.
13 Meki den prèise a nen fu Yehovah,+
Bika en nen wawan hei moro ala tra nen.+
A glori fu en hei moro grontapu nanga hemel.+
14 A o meki en pipel kisi moro makti.+
Ala den sma di e tai hori na en, a o gi moro glori.+
Iya, a o gi glori na den Israelsma, a pipel di de krosibei fu en.+
Prèise Yah, un pipel!+