Romesma
13 Ibri sma musu saka ensrefi+ na ondro den tiriman,+ bika nowan tiriman+ kan de efu Gado no gi en na okasi.+ Na Gado gi den na okasi fu tiri na difrenti+ fasi.+ 2 Fu dati ede, efu wan sma e gens den tiriman, dan a de teige a seti fu Gado. Den sma di de teige a seti disi, o kisi den strafu.+ 3 Den sma di e du bun no abi fu frede den tiriman, ma na den sma di e du ogri abi fu frede den.+ Yu no wani frede den tiriman, a no so? We, tan du bun+ èn den tiriman sa prèise yu. 4 Bika den na Gado futuboi di a poti, so taki yu kan feni bun.+ Ma efu yu e du ogri,+ dan yu abi fu frede den, bika a no fu soso den e tyari feti-owru. Den na den futuboi fu Gado di a poti fu strafu+ a sma di e du ogri.
5 Fu dati ede a de tranga fanowdu fu saka unsrefi na den ondro, a no soso fu di den man strafu sma, ma sosrefi fu un konsensi ede.+ 6 Na fu dati ede unu e pai belasting-moni tu, bika den na futuboi fu Gado di e tan du a wroko disi. 7 Gi ala sma san den abi reti na tapu. Efu yu musu pai wan sma belasting-moni, dan pai a belasting-moni.+ Efu yu musu pai wan sma lantimoni, dan pai a lantimoni. Efu wan sma wani taki yu musu lespeki en, dan lespeki en.+ Efu wan sma wani taki yu musu gi en grani, dan gi en grani.+
8 Un no musu abi nowan paiman na nowan sma,+ boiti a lobi di unu musu sori gi makandra.+ A sma di lobi trawan e du san a Wèt taki.+ 9 Den komando „un no musu du sutadu,+ un no musu kiri sma,+ un no musu fufuru,+ un no musu abi bigi-ai”,+ èn ala tra komando di de, unu kan feni na ini a wán komando disi: „Un musu lobi tra sma leki fa unu lobi unsrefi.”+ 10 Efu unu abi lobi,+ dan unu no o du tra sma ogri.+ Fu dati ede, te unu abi lobi, dan unu man du san a Wèt+ e taki.
11 Du den sani disi tu fu di unu sabi na ini sortu ten wi e libi. Unu sabi taki a yuru doro kaba taki un musu wiki.+ Now a frulusu fu wi de moro krosibei leki di wi ben tron bribiman.+ 12 Neti pasa moi fara kaba èn dyonsro dei+ o broko. Fu dati ede, wi no musu du den sani moro di sma gwenti du na ini a dungru,+ ma wi musu weri den fetisani+ fu a leti. 13 Meki wi waka na wan fasi di fiti, soleki fa sma gwenti waka na deiten.+ No go na bradyari fesa èn no kon drungu.+ No du hurudu, no de sma di no e syen fu den ogri di den e du,+ no meki trobi+ èn no dyarusu na trawan tapu. 14 Ma teki den fasi fu Masra Yesus Krestes,+ èn no sidon prakseri na fesi fa yu o du den sani di a sondu skin wani.+