Psalm
Wan maskil* fu Etan, wan Esrasma.+
89 Fu ala ten mi wani singi fu a fasi fa Yehovah e sori sma bun-ati.+
Fu têgo mi o opo mi mofo fu fruteri sma taki yu e du ala ten san yu pramisi.+
2 Mi taki: „Bun-ati de leki wan tranga oso di e tan fu ala ten.+
Srefi na ini hemel yu e sori taki yu e du ala ten san yu pramisi.”+
4 ’Mi o meki den bakapikin fu yu tan fu ala ten+
Èn mi o meki a kownukondre+ fu yu tan fu têgo.’” Sela.
5 Yehovah, hemel srefi o prèise yu gi den bigi sani di yu du.+
Iya, den santawan fu yu di kon makandra o prèise yu, fu di yu e du ala ten san yu pramisi.
6 Suma de na hemel di sma kan teki gersi nanga Yehovah?+
Sortuwan fu den manpikin fu Gado de leki Yehovah?+
7 Ala den santawan di de krosibei fu Gado musu abi lespeki gi en.+
Gado bigi èn a e meki taki ala den wan di de lontu en, kisi bigi lespeki gi en.+
10 Yu meki Rahab*+ lasi a strei. A kon de neleki wan sma di den kiri na ini wan feti.+
Nanga a krakti fu yu, yu panya yu feanti go na ala sei.+
12 Na yu meki noordsei nanga zuidsei.+
Tabor-bergi+ nanga Hermon-bergi+ e bari fu prisiri èn den e prèise yu nen.+
14 A fondamenti fu yu kownusturu na retidu nanga a reti fasi fa yu e koti krutu.+
Ala ten yu e sori sma bun-ati èn ala ten yu e du san yu pramisi.+
15 Koloku fu den sma di sabi san a wani taki fu bari fu prisiri.+
Yehovah, den e tan waka na ini a leti di e skèin komoto fu yu fesi.+
19 Na a ten dati yu ben taki na ini wan fisyun nanga den sma di tai hori na yu.+
Yu ben taki:
„Mi yepi wan tranga man.+
Mi teki wan sma na mindri a pipel èn mi poti en moro hei leki den.+
23 Leti na en fesi mi broko den feanti fu en pisipisi.+
Den wan di no lobi en kwetikweti, mi ben naki doronomo.+
24 Ala ten mi o du san mi pramisi en èn mi o tan sori en bun-ati.+
Na mi nen o meki taki a kon tranga srefisrefi.+
31 Iya, efu den gowe libi den markitiki fu mi
Èn den no hori den komando fu mi,
32 Dan mi o poti prakseri na den sondu fu den èn mi o fon den nanga wan tiki.+
Mi o wipi den gi den fowtu fu den.+
36 Den bakapikin fu en o tiri fu ala ten.+
A kownusturu fu en o tan na mi fesi, neleki fa a son o tan.+
37 A kownukondre fu en o tan fu ala ten, leki a mun,
Iya, leki wan kotoigi di de na loktu ala ten.” Sela.
38 Ma yu fu yu sei, gowe libi a salfuwan fu yu èn yu tan si en leki wan soso sani.+
Yu ati bron srefisrefi nanga yu salfuwan.+
39 Yu no luku a frubontu moro di yu meki nanga yu futuboi.
Yu trowe en kownu-ati na gron, so taki a no warti noti moro.+
41 Ala den sma di e waka pasa na tapu a pasi, fufuru den sani fu en tyari gowe.+
Den birtisma fu en teki en leki spotupopki.+
42 Yu meki taki den sma di ben e gens en, kon tranga moro en.+
Yu meki taki den feanti fu en firi prisiri.+
48 Suma de na grontapu di no o dede noiti?+
Wan sma de di kan frulusu ensrefi* puru na a anu fu Grebi?*+ Sela.
49 Yehovah, fu san ede yu no e sori wi bun-ati moro,
Soleki fa yu ben sweri gi David, di yu pramisi en fu du san yu taki?+
50 Yehovah, memre fa sma teki yu futuboi leki spotupopki.+
Iya, na soso syen mi e firi,* fu di someni sma e teki mi leki spotupopki.+