Mateyus

23 Baka dati, Yesus bigin taki nanga den sma èn nanga den disipel fu en.+ A taki: 2 „Den leriman fu Wèt+ nanga den Fariseiman poti densrefi na a presi fu Moses.+ 3 Fu dati ede, du ala san den e taigi+ unu. Ma no du soleki fa den e du,+ bika den e taki, ma den no e du. 4 Den e tai hebi lai poti na tapu sma skowru,+ ma den srefi no wani fasi a lai nanga wan finga.+ 5 Ala sani di den e du, den e du fu meki sma si den.+ Bika den e meki den pikin dosu di abi pisi fu Gado Buku na ini kon moro bradi+ èn den e weri den leki wan tapu. Boiti dati den e meki den franya fu den krosi kon moro langa.+ 6 Den lobi sidon na den moro prenspari presi+ na den fesa èn den lobi sidon na fesisei na ini den snoga.+ 7 Den lobi te sma na wowoyo e gi den odi+ èn te sma e kari den Leriman.+ 8 Ma un no musu meki sma kari unu Leriman, bika wán sma nomo na un Leriman+ èn un alamala na brada. 9 Sosrefi, no kari nowan sma na grontapu un Tata, bika wán sma nomo na un Tata,+ dati na a wan di de na hemel. 10 Un no musu meki sma kari unu fesiman tu,+ bika wán sma nomo na un Fesiman, dati na Krestes. 11 Ma a moro bigiwan na un mindri musu de un dinari.+ 12 Gado o saka a sma di e hei ensrefi+ èn a o hei a sma di e saka ensrefi.+

13 Helu fu unu, un leriman fu Wèt nanga Fariseiman, un hoigriman! Bika unu e tapu+ a Kownukondre fu hemel gi sma, fu di unu+ srefi no e go na ini, èn den sma di de fu go na inisei, unu no e gi pasi fu go. 14 ——

15 Helu fu unu, un leriman fu Wèt nanga Fariseiman, un hoigriman!+ Bika unu e abra se èn unu e waka lontu heri grontapu fu feni wán sma nomo fu meki a drai en libi. Te a drai en libi, dan unu e meki a tron wan sma di bun fu go na ini Gehena* èn a ogri tu tron moro unu srefi.

16 Helu fu unu, un breniman di wani sori trawan a pasi+ èn di e taki: ’Efu wan sma e sweri na a tempel, dan dati na noti. Ma efu wan sma e sweri na a gowtu fu a tempel, dan a musu fu du san a sweri.’+ 17 Un donman, un breniman! San moro prenspari? A gowtu noso a tempel di meki a gowtu kon santa?+ 18 Unu e taki tu: ’Efu wan sma e sweri na a altari, dan dati na noti. Ma efu wan sma e sweri na a ofrandi di de na en tapu, dan a musu fu du san a sweri.’ 19 Un breniman! San moro prenspari? Na ofrandi noso na altari+ di e meki na ofrandi kon santa? 20 Fu dati ede, a sma di e sweri na a altari, e sweri na a altari èn na ala den sani di de na tapu. 21 A sma di e sweri na a tempel, e sweri na a tempel èn na a sma di e libi na ini a tempel.+ 22 A sma di e sweri na hemel, e sweri na a kownusturu fu Gado+ èn na a sma di e sidon na en tapu.

23 Helu fu unu, un leriman fu Wèt nanga Fariseiman, un hoigriman! Bika unu e gi a di fu tin pisi+ fu a menti-wiwiri nanga a dille-wiwiri nanga a dyira, ma unu e frigiti den moro prenspari sani fu a Wèt di e taki dati un musu krutu sani na wan reti fasi,+ un musu abi sari-ati+ èn un musu tai hori na Gado.+ Na den sani disi sma ben musu du sondro fu frigiti fu du den tra sani tu. 24 Un breniman di wani sori trawan a pasi,+ unu e seif a maskita puru,+ ma unu e swari a kameili!+

25 Helu fu unu, un leriman fu Wèt nanga Fariseiman, un hoigriman! Bika unu e krin dorosei fu a kan+ èn fu a preti, ma na inisei den lai nanga fufuru+ èn nanga gridi lostu. 26 Un breni+ Fariseiman, krin inisei fu a kan+ èn fu a preti fosi, so taki dorosei kan kon krin tu.

27 Helu fu unu, un leriman fu Wèt nanga Fariseiman, un hoigriman!+ Bika un gersi grebi di sma meki kon weti+ èn di moi na dorosei, ma na inisei den lai nanga dede sma bonyo nanga ala sortu sani di no krin. 28 Na so a de tu nanga unu. Gi sma a gersi leki unu bun,+ ma na ini un ati unu e hoigri kefalek èn unu e prakseri soso kruktudu.

29 Helu fu unu, un leriman fu Wèt nanga Fariseiman, un hoigriman!+ Bika unu e meki den grebi fu den profeiti èn unu e moi den grebi fu den reti-ati sma.+ 30 Unu e taki: ’Efu wi ben e libi na ini a ten fu wi afo, dan wi no ben o teki prati nanga den na a kiri di den kiri den profeiti.’+ 31 Na so unu srefi e taki dati unu na manpikin fu den sma di kiri den profeiti.+ 32 We, un klari a wroko dan di un afo ben du.

33 Un sneki! Un snekipikin,+ fa unu o man lowe gi a krutu fu Gehena?+ 34 Luku, dati meki mi e seni+ profeiti nanga koniman nanga leriman kon gi unu.+ Unu o kiri+ sonwan fu den, noso spikri den na wan postu, èn sonwan fu den unu o wipi+ na ini den snoga fu unu, èn na ini ibri foto unu o frufolgu den. 35 Na fu dati ede unu o abi fu pai gi a brudu fu ala den reti-ati sma di den kiri na grontapu.+ Iya, unu o abi fu pai gi a brudu fu Abel+ nanga ala den reti-ati sma+ di den kiri te na a ten fu Sakaria, a manpikin fu Berekia, di unu kiri na mindri a tempel nanga na altari.+ 36 Fu tru, mi e taigi unu: Ala den sani disi o kon na tapu den sma fu a ten disi.+

37 Yerusalem, Yerusalem, di e kiri den profeiti+ èn di e trowe ston+ kiri den sma di Gado seni kon na unu.+ Someni leisi mi ben wani tyari den pikin fu yu kon makandra, neleki fa wan umafowru e tyari den pikin fu en kon makandra na ondro den frei fu en!+ Ma unu no ben wani.+ 38 Luku, Gado o gowe libi+ a tempel disi.+ 39 Bika mi e taigi unu: Unu no o si mi moro, teleki unu o taki: ’Blesi fu a sma di e kon na ini Yehovah nen!’”+