Yesaya
12 Na a dei dati yu musu fu taki:
„Mi e taki yu tangi, Yehovah.
Yu ati ben bron nanga mi,
ma safsafri yu ati kon kowru baka, dan yu trowstu mi.
2 Luku fa Gado ferlusu mi!
Mi e fertrow na en tapu èn mi no e frede.
Bika Yah* Yehovah gi mi krakti èn a kibri mi.
Na en tron mi ferlusuman.”
3 Nanga bigi prisiri unu o puru watra
na ini a peti fu ferlusu.
4 Na a dei dati unu o taki:
„Un taki Yehovah tangi! Kari en nen!
Meki den pipel sabi san a du.
Ferteri taki en nen bigi trutru.
5 Singi prèisesingi gi Yehovah,* bika a du ala sortu kfalek sani.
Heri grontapu musu kon sabi dati.