Hosea
5 „Arki, un priester
èn poti prakseri, un Israelsma.
Meki den sma na ini na oso fu Kownu yere tu,
bika un alamala o kisi krutu.
Unu de leki wan val gi den sma na Mispa
èn leki wan net di bradi na tapu Tabor.
3 Mi sabi Efrayim
èn Israel no man kibri gi mi.
Ma now yu e huru, Efrayim.
Israel doti ensrefi.
4 Den sani di den e du meki taki den no man drai kon baka na a Gado fu den.
Hurulibi de na den prakseri ala ten
èn den no e teri Yehovah.
5 Na a bigifasi fu Israel e krutu en.
Israel nanga Efrayim fadon fu di den sondu.
Yuda srefi fadon makandra nanga den.
6 Den tyari den skapu nanga den kaw fu den leki ofrandi gi Yehovah,
ma tòg a no feni den bun.
A gwe libi den.
Na ini wán mun nomo den o dede gwe* nanga den sani fu den.*
8 Bro wan tutu na Gibeya èn wan trompet na Rama!
Meki b’bari na Bet-Afen neleki te sma e go na feti. Benyamin, wi de na yu baka!
9 Efrayim, sma o skreki te den si san psa nanga yu na a dei di yu kisi strafu.
Mi ferteri den lo fu Israel san o psa nanga den trutru.
10 Den granman fu Yuda e bedrigi trawan neleki den sma di e fufuru wan pisi fu a gron fu a sma di e tan na den sei.*
Neleki watra mi o kanti mi atibron na den tapu.
11 Sma e pina Efrayim. Nanga reti den masi en
fu di a ben de nomonomo fu suku yepi na en feanti.
13 Efrayim ben si taki a siki èn Yuda ben si taki a abi wan butsweri.
Dati meki Efrayim go na Asiria èn a seni kari wan makti kownu.
Ma a kownu srefi no ben man dresi unu.
A no ben abi nowan dresi gi a butsweri fu unu.
Mi o priti den na pispisi, dan mi o tyari den gwe.
Nowan sma o man ferlusu den.
15 Mi o gwe. Mi o drai go baka na mi presi èn mi o tan drape, teleki den pai fu den ogri di den du.
Dan den o kon suku mi.
Te ogri e miti den, den o suku mi.”