Psalm

Un futuboi fu Yehovah, un prèise en.

Prèise a nen fu Yehovah.

 2 Meki sma prèise a nen fu Yehovah,

now èn fu ala ten.

 3 Fu owstusei te go miti west-sei

sma musu prèise a nen fu Yehovah.

 4 Yehovah hei moro ala den pipel fu grontapu.

A glori fu en psa hemel srefi.

 5 Suma de leki Yehovah wi Gado

di e libi* te na a moro hei pisi fu hemel?

 6 A e saka ensrefi fu luku hemel nanga grontapu.

 7 A e opo a mofinawan puru na doti.

A e opo a pôtiwan puru na ini na asisi-olo,*

 8 fu meki a sdon nanga den heihei sma.

Iya, a e meki a sdon nanga den heihei sma fu a pipel fu en.

 9 A e meki na uma di no ben man meki pkin

tron wan m’ma di e prisiri èn di abi pkin* na ini en oso.