Psalm

125 Den sma di e fertrow tapu Yehovah

de leki Sion-bergi di sma no man seki,

ma di e tnapu steifi fu ala ten.

 2 Neleki fa bergi de lontu Yerusalem,

na so Yehovah de lontu a pipel fu en,

now èn fu ala ten.

 3 Den ogrisma* no o tiri den ret’ati sma fu ala ten,

noso den ret’ati sma kan bigin* du ogri tu.

 4 Tye Yehovah, du bun gi den bun sma,

iya, gi den sma di ati krin.

 5 Ma Yehovah o strafu den sma di gwe libi a reti pasi fu go du ogri.

A o strafu den makandra nanga den sma di e du ogri.