Psalm

Gi a fesiman fu den pokuman: A musu prei tapu sani di gersi harpu. Wan psalm fu David.

61 Mi Gado, arki mi te mi e kari yu fu yepi mi.

Grantangi, poti prakseri na a begi fu mi.

2 Awinsi mi de na a moro farawe presi fu grontapu,

mi o bari kari yu te mi ati no man teki en moro.*

Tyari mi go poti na tapu wan hei stonbergi.

3 Bika yu na mi kibripresi,

iya, wan tranga toren pe mi kan go kibri gi den feanti fu mi.

4 Fu ala ten mi o tan na ini yu tenti.

Mi o kibri na ondro den frei fu yu. (Sela)

5 Bika yu yere san mi sweri fu du.

Mi Gado, yu gi mi a gudu di yu e gi sma di e lespeki yu nen.

6 Yu o meki a kownu libi langa.

A o libi so langa, taki a o si en pkin, en granpkin nanga den bakapkin fu en granpkin.

7 Fu ala ten en kownusturu o de* na Gado sei.

Sori en bun-ati* èn sori taki yu e du ala ten san yu pramisi, so taki a kan kisi kibri.

8 Dan mi o singi prèisesingi* fu gi yu nen glori fu têgo.

Ibri dei mi o du san mi sweri fu du.