Psalm
Wan singi fu den sma di e kren go na a foto.*
120 Mi bari kari Yehovah di mi ben de na nowtu
èn a piki mi.
2 Tye Yehovah, ferlusu mi fu den sma di e lei nanga den mofo,
iya, fu den wan di e taki sani nanga den mofo fu kori sma.
3 Yu di e taki sani nanga yu mofo fu kori sma,
yu sabi sortu strafu yu o kisi? Yu sabi san Gado o du nanga yu?
4 A o strafu yu nanga den srapu peiri fu wan tranga fetiman
èn nanga faya krofaya di meki fu na udu fu sabana bon.
5 A hebi gi mi, fu di mi go libi na Meisek.
Mi e libi na ini tenti na mindri den sma fu Keidar.
6 Mi e libi tumsi langa
nanga sma di no lobi freide.
7 Mi wani freide, ma te mi e taki nanga den,
na soso feti den wani feti.