Psalm
Gi a fesiman fu den pokuman. Wan Gitit.* Wan singi fu David.
8 Yehovah wi Masra, yu nen bigi trutru na grontapu.
Yu poti a glori fu yu moro hei leki hemel srefi!*
2 Den sani di pkin-nengre* e taki e sori a krakti fu yu.
Na so yu tapu a mofo fu den feanti fu yu
èn fu den sma di e pai ogri fu ogri.
3 Te mi e luku yu hemel, den sani di yu meki,*
a mun nanga den stari di yu meki,
4 dan mi e aksi misrefi: ’San na wan libisma taki yu e prakseri en?
San na a pkin fu wan libisma taki yu e sorgu en?’
5 Yu meki a kon de pkinso moro lagi leki den engel,
yu gi en glori nanga grani.
7 Ala den skapu, krabita nanga kaw,
srefi den meti fu busi,
8 den fowru di e frei na loktu nanga den fisi di de na ini se,
iya, ala sani di e swen na ini den se.
9 Yehovah wi Masra, yu nen bigi trutru na grontapu!