Psalm

142 Mi opo mi sten fu kari Yehovah fu a yepi mi.

Mi opo mi sten fu begi Yehovah fu a du bun gi mi.

 2 Mi e ferteri en san e moro mi

èn mi e ferteri en den nowtu fu mi

 3 te mi las’ati.

Den feanti fu mi seti wan val

na a pasi pe mi gwenti waka.

 4 Luku go na a ret’anusei fu mi, dan yu o si

taki nowan sma e broko en ede nanga mi.*

Mi no abi nowan presi pe mi kan lon go kibri.

Nowan sma e prakseri mi.

Mi taki: „Yu na mi kibripe.

Yu na ala san mi abi* na ini a kondre fu den libiwan.”

 6 Mi e begi yu, poti prakseri na den fayafaya begi fu mi,

bika mi kon de na ini bigi nowtu.

Ferlusu mi fu den sma di e du ogri nanga mi,

bika den tranga moro mi.

 7 Mi e begi yu, puru mi na ini a straf’oso pe mi de,

so taki mi kan prèise yu nen.

Meki den ret’ati sma kon tnapu na mi lontu,

fu di yu e du bun gi mi.