Psalm

Wan singi fu den sma di e kren go na a foto.

130 Tye Yehovah, mi e bari kari yu fu di mi de na ini bigi problema.

2 Yehovah mi e begi yu, arki mi sten.

Poti yesi arki den begi fu mi.

3 Yah,* efu na fowtu yu ben e luku,*

dan suma ben o man tnapu na yu fesi Yehovah?

4 Bika na yu e gi sma pardon trutru,

so taki sma kan sori bigi lespeki gi yu.*

5 Mi e wakti Yehovah. Nanga mi heri ati mi e wakti en.

Mi e fertrow tapu den pramisi fu en.

6 Mi e wakti Yehovah,

moro leki waktiman di e wakti fu m’manten doro,

iya, moro leki waktiman di e wakti fu m’manten doro.

7 Meki Israel tan wakti Yehovah,

bika Yehovah e sori sma bun-ati.*

A e ferlusu sma nanga en bigi krakti.

8 A o ferlusu Israel fu ala den sondu fu den.