Markus skrifi en

16 Di Sabat-dei psa, dan Maria Magdalena, Salome nanga Maria, a m’ma fu Yakobus, bai switismeri sani fu lobi gi Yesus skin. 2 Fruku m’manten na a fosi dei fu a wiki, di son ben opo kba, den doro na a grebi. 3 Den taigi makandra: „Suma o lolo a ston puru gi wi na a mofo fu a grebi?” 4 Ma di den opo den ede luku, den si taki a ston ben lolo puru kba aladi a ben bigi srefsrefi. 5 Di den go na ini a grebi, wan yonguman ben e sdon na a ret’anusei na ini a grebi. A ben weri wan langa weti krosi. Di den uma si en, den skreki srefsrefi. 6 A taigi den: „No skreki. Mi sabi taki unu e suku Yesus fu Nasaret di sma ben spikri na wan postu. Ma a no de dya. A opo baka. Luku a presi pe den ben poti en. 7 Go taigi den disipel fu en nanga Petrus: ’A de na pasi e go na Galilea. Unu o si en drape, soleki fa a ben taigi unu.’” 8 Di den kmoto na ini a grebi, den lon gwe. Den ben e beifi èn den no ben man bribi san den si. Den no taigi nowan sma wan sani, fu di den ben e frede.*