Yesaya
53 Suma e bribi a sani di den yere fu wi?*
Suma si a krakti* fu Yehovah?
2 Sma* o si en leki wan pransun di bigin gro èn leki wan rutu na ini wan drei kontren.
A no gersi wan heihei sma èn a no kisi glori.
Gi wi a no gersi wan kfalek sma.*
A de neleki a tapu en fesi, so taki wi no man si en.*
Sma spotu en èn wi no teri en.
4 Iya, a tyari den siki fu wi
èn a teki den pen fu wi na en tapu.
Ma tòg wi si en leki wan sma di abi wan takru siki, di nyan pina èn di Gado strafu.
5 Den dyuku en fu di wi sondu.
Den pina en fu den ogri di wi du.
A kisi strafu, so taki sani kan waka bun gi wi.
A kisi soro, so taki wi kan kon betre.
6 Wi alamala ben e waka lontu leki lasi skapu.
Ibriwan fu wi ben e teki en eigi pasi.
Ma Yehovah meki a tyari den sondu fu wi alamala.
7 A ben hebi srefsrefi gi en èn a meki sma pina en.
Tòg a no opo en mofo.
A ben de leki wan pkin skapu di den e tyari go srakti
èn leki wan skapu di no e bari na fesi den sma di e koti skapu-w’wiri .
A no ben opo en mofo srefsrefi.
8 Fu di den no krutu en na wan reti fasi, meki den grabu en tyari gwe.
Suma prakseri srefi fu sortu famiri a kmoto?*
Den kiri en puru na mindri libisma.
Den naki en* fu di mi pipel sondu.
9 Den ben gi en wan grebi* pe den e beri ogriman.
Di a dede den beri en pe den e beri guduman.*
Ma a no ben du nowan ogri
èn a no ben taki nowan sani fu bedrigi sma.
10 A ben de a wani fu Yehovah fu* meki a nyan pina èn fu meki a kon siki.
Ma efu yu gebroiki en libi leki wan pardon-ofrandi,
dan a o si den pkin fu en èn a o libi moro langa.
A o du ala san Yehovah feni bun.*
11 A nyan pina, ma a o si den bun bakapisi fu dati.
Fu di a sabi someni sani, meki a ret’ati sma disi di de mi futuboi,
o yepi furu sma fu tron ret’ati sma tu.
A o teki den sondu fu den na en tapu.
12 Dati meki mi o gi en wan gudu neleki furu tra sma.
Nanga den tranga man a o prati den gudu fu den feanti,
fu di a dede gi sma
èn den ben si en leki wan sondari.
A tyari den sondu fu furu sma
èn a tron wan sma di e opo taki gi sondusma.