Psalm

137 Na sei den liba fu Babilon wi ben e sdon.

Wi bigin krei di wi prakseri Sion.

2 Na den populier-bon di ben de drape*

wi anga den harpu fu wi.

3 Na drape den sma di ben e hori wi na ini katibo aksi wi fu singi gi den.

Den sma di ben e spotu wi, aksi wi fu singi gi den fu meki den firi prisiri. Den ben taki:

„Un singi wan fu den singi fu Sion gi wi.”

4 Fa wi kan singi a singi fu Yehovah

na ini wan tra kondre?

5 Yerusalem, a ben o moro bun taki mi ret’anu no man du noti,*

na presi taki mi fergiti yu.

6 A ben o moro bun taki mi tongo fasi na tapsei fu mi inmofo,

na presi taki mi fergiti yu.

Iya, meki dati psa nanga mi efu mi no si Yerusalem

leki a moro prenspari sani di musu gi mi prisiri.

7 Yehovah, mi e begi yu,

memre san den Edomsma taki na a dei di Yerusalem fadon.

Den ben taki: „Broko a foto! Broko en te na gron!”

8 Babilon, heri esi sma o pori yu.

Koloku fu a sma di o pai yu baka

nanga den srefi sani di yu du nanga wi.

9 Koloku fu a sma di o grabu den pkin fu yu

èn di o naki den kiri na wan bigi ston.