Psalm

Wan singi fu David.

101 Mi o singi fu a bun-ati* fu yu èn fu yu retidu.

Na gi yu Yehovah, mi o singi prèisesingi.*

2 Mi o du sani nanga koni èn mi o tyari misrefi na wan reti fasi.

O ten yu o kon yepi mi?

Srefi te mi de na ini mi oso, mi o du a wani fu yu nanga mi heri ati.

3 Mi no o meki mi ai si sani di no fiti.*

Mi no lobi den sani di sma e du te den gwe libi a reti pasi.

Mi no wani abi noti fu du nanga den sani dati.

4 Mi no e bemui nanga sma di e prakseri sani di no bun.

Mi no e du* nowan ogri.

5 Mi e tapu a mofo fu iniwan sma di e kon ferteri ogr’ati lei fu en mati kibrikibri.

Mi no man nanga sma di abi heimemre noso di abi bigifasi.

6 Mi e poti prakseri na den ret’ati sma fu grontapu.

Na den o tan nanga mi.

Den wan di e tyari densrefi na wan reti fasi o dini mi.

7 Nowan bedrigiman o tan na ini mi oso

èn nowan leiman o tnapu na mi fesi.

8 Ibri m’manten mi o tapu a mofo fu ala den ogriwan fu grontapu.*

Mi o puru ala ogrisma na ini a foto fu Yehovah.