Psalm
Gi a fesiman fu den pokuman: A musu prei leki a poku di nen „No kiri mi”. Wan psalm fu David. Wan Miktam.* David skrifi en di Saul seni wan tu man fu hori wakti na en oso, fu di Saul ben wani kiri en.
59 Mi Gado, mi e begi yu, ferlusu mi fu na anu fu den feanti fu mi.
Kibri mi gi den sma di e opo kon feti nanga mi.
2 Ferlusu mi fu den sma di e du hati sani nanga trawan.
Puru mi na ini na anu fu den wan di e du ogri.*
3 Den e seti luru fu kiri mi.
Den sma di tranga e suku fu du mi ogri.
Yehovah, mi no gens nowan sma èn mi no du nowan sondu, ma tòg den e du den sani disi nanga mi.
4 Mi no du noti, ma tòg den e feti fu kon du mi ogri.
Mi e begi yu, opo te mi e kari yu èn poti prakseri na mi.
5 Yu, Yehovah, a Gado di e tiri den legre, na a Gado fu Israel.
Mi e begi yu, wiki èn luku san den pipel fu den tra kondre e du.
No abi sar’ati nanga den ogr’ati sma di e konkru trawan. (Sela)
6 Ibri neti den e drai kon baka.
Den e waka lontu na ini a heri foto e blaf leki dagu.
8 Ma yu, Yehovah, yu o lafu den.
Yu o spotu ala den pipel fu den tra kondre.
10 A Gado di sori mi bun-ati* o kon yepi mi.
Gado o meki mi prisiri fu di den feanti fu mi lasi a strei.
11 No kiri mi feanti ete, so taki mi pipel no fergiti den sani di yu du.
Gebroiki a krakti fu yu fu meki den wakawaka lontu fosi.
Meki den fadon, Yehovah, yu di de a schild fu wi.
12 Bika den sondu nanga den mofo.
Meki a bigifasi fu den tron wan val gi den,
fu di den abi a gwenti fu kosi èn fu bedrigi trawan.
13 Kiri den nanga bigi atibron.
Kiri den, so taki den no de moro.
Meki den sabi taki na Gado e tiri Yakob èn taki na en e tiri heri grontapu. (Sela)
14 Meki den drai kon baka na neti.
Meki den waka lontu na ini a heri foto e blaf leki dagu.
15 Meki den waka lontu fu suku wan sani fu nyan.
No meki den nyan den bere furu èn no meki den feni wan presi fu sribi.
bika yu na mi kibripresi,
iya, wan presi pe mi kan lon go te mi de na nowtu.