PSALM

1 Koloku fu a man di no teki a rai fu den ogriwan,

iya, di no teki a pasi fu sondari

èn di no sdon nanga spotuman.

 2 Na presi fu dati a lobi a wet fu Yehovah.

Dei nanga neti a e leisi a wet fu Gado nanga wan safri sten.*

 3 A o de leki wan bon di prani na sei watra,

wan bon di e gi froktu te a ten fu en doro

èn di abi w’wiri di no e kon drei.

 4 Ma a no de so nanga den ogriwan.

Den de leki aleisibuba di a winti e wai gwe.

 5 Dati meki den ogriwan o kisi den strafu te a ten doro.

Den sondari no o de na mindri den ret’ati sma.

 6 Yehovah sabi a pasi di den ret’ati sma e waka,

ma a pasi di den ogriwan e waka o meki taki den lasi den libi.

2 Fu san ede den pipel e meki so furu dyugudyugu

èn fu san ede den sma fu grontapu e tan krutukrutu* fu wan lawlaw sani?

 2 Den kownu fu grontapu na gensman

èn den heihei man kon makandra* leki wán man

fu gens Yehovah nanga en salfuwan.*

 3 Den e taki: „Kow hari den keti fu den koti.

Meki wi lusu den t’tei fu den puru na wi skin!”

 4 A sma di e sdon na tapu en kownusturu na hemel o lafu.

Yehovah o spotu den.

 5 Na a ten dati a o taki nanga den nanga atibron.

A bigi atibron fu en o meki den frede.

 6 A o taki: „Na mi srefi poti a kownu fu mi

fu tiri na tapu Sion, a santa bergi fu mi.”

 7 Mi o ferteri san Yehovah ben taki.

A ben taigi mi: „Yu na mi manpkin.

Tide mi tron yu p’pa.

 8 Aksi mi, dan mi o gi yu den kondre fu grontapu leki gudu

èn mi o gi yu heri grontapu, so taki a kan de fu yu.

 9 Yu o broko den tiriman fu den kondre disi nanga wan isri kownutiki.

Yu o naki den broko pispisi leki den na prapi.”

10 Sobun, un kownu, sori taki un koni.

Un krutuman fu grontapu, un teki a warskow di unu kisi.

11 Dini Yehovah èn sori bigi lespeki gi en.

Prisiri èn gi en furu grani.

12 Gi a manpkin grani,* noso Gado* o kisi atibron

èn a o puru unu na pasi,

bika Gado ati e bron esi.

 3 Ma Yehovah, na yu e kibri mi.

Na yu e gi mi grani èn na yu e opo mi ede.

 4 Nanga wan tranga sten mi o kari Yehovah

èn a o piki mi kmoto fu en santa bergi. (Sela)

 5 Mi o kanti d’don èn mi o sribi.

Mi o wiki baka èn mi no o frede noti,

bika Yehovah e tan horbaka gi mi.

 6 Mi no e frede den dusundusun sma

di de teige mi èn di lontu mi na ala sei.

Na yu o naki ala den feanti fu mi na den kaak.

Yu o broko den tifi fu den ogriwan.

 3 Un musu sabi taki Yehovah o gi grani na a sma di e tai hori na en.*

Yehovah o yere te mi e kari en.

 5 Tyari ofrandi nanga wan krin ati

èn fertrow tapu Yehovah.

 7 Yu meki mi ati prisiri

moro leki den sma di abi bun furu aleisi nanga nyun win.

 8 Mi o kanti d’don èn mi o sribi bun.

Bika na yu, Yehovah, yu w’wan kan kibri mi.

5 Tye Yehovah, arki san mi e taki.

Luku fa mi e geme.

 2 Mi Kownu èn mi Gado, mi e begi yu, arki te mi e bari kari yu fu yepi mi,

bika yu na a sma di mi e begi.

 3 Yehovah, na m’manten yu o yere mi sten.

Na m’manten mi o ferteri yu san e moro mi, dan mi o wakti fu yu piki mi.

 4 Yu a no wan Gado di lobi ogridu.

Nowan ogrisma kan tron yu mati.

Yu no lobi nowan sma di e du ogri.

 6 Yu o kiri den wan di e taki lei.

 7 Ma mi o kon na ini yu oso, fu di yu sori mi bun-ati* someni leisi kba.

Mi o boigi go na a sei fu yu santa tempel,* fu di mi abi bigi lespeki gi yu.

 8 Yehovah, yu na wan Gado di e du san reti. Grantangi, kibri mi gi den feanti fu mi.

No meki noti tapu mi fu waka a pasi fu yu.

 9 Mi no man fertrow nowan sani di den feanti fu mi e taki.

Na soso ogri den e prakseri.

A gorogoro fu den de leki wan opo grebi.

Den e kori sma nanga den switi taki fu den.*

10 Ma Gado o krutu den.

Na den srefi ogri di den wani du nanga sma o miti den.

Yagi den gwe, bika den lai nanga sondu.

Na den e gens yu.

11 Ma ala den sma di e kon suku kibri na yu o breiti.

Fu ala ten den o bari fu prisiri.

Yu no o meki nowan ogrisma kon krosbei fu den

èn den sma di lobi yu nen o prisiri.

12 Yu, Yehovah, o blesi ibri sma di e du san reti.

Fu di yu lobi den, meki yu o kibri den leki fa wan bigi schild e kibri wan sma.

6 Tye Yehovah, no strafu mi nanga atibron.

No pir’ai gi mi te yu e mandi.

 3 Iya, mi bruya srefsrefi.

Tye Yehovah, o langa yu o tan wakti ete?

 4 Mi e begi yu, Yehovah, drai kon baka fu ferlusu mi.

Kibri mi, bika mi sabi taki yu lobi* mi.

 5 Te wan sma dede a no man taki fu yu.*

Suma o man prèise yu te a de na ini Grebi?*

 6 Mi kon weri fu den geme fu mi.

Heri neti mi krei, mi heri bedi nati.*

Den watra-ai fu mi sungu mi bedi.

 7 Mi krei so furu taki mi ai kon weri.

Mi ai kon dungru fu den sani di mi feanti du nanga mi.

 8 Un kmoto na mi tapu, un ogrisma,

bika Yehovah o yere fa mi e krei.

 9 Yehovah o yere te mi e aksi en fu abi sar’ati nanga mi.

Yehovah o arki a begi fu mi.

10 Ala den feanti fu mi o kisi syen èn den o bruya.

Wantronso den o lon gwe fu di den kisi syen.

 2 Noso den o priti mi pispisi leki wan lew.

Den o grabu mi tyari gwe èn nowan sma o de fu yepi mi.

 3 Tye Yehovah mi Gado, efu mi du wan ogri trutru

èn efu mi du wan sani di no bun,

 4 iya, efu mi du ogri nanga a sma di du mi wan bun,

noso efu mi fufuru den sani fu mi feanti, aladi a no du noti nanga mi,*

 5 dan meki mi feanti hari kon na mi baka fu kiri mi.

Meki a grabu mi èn trapu mi kiri.

Meki a libi mi d’don na gron nanga syen. (Sela)

 6 Mi e begi yu Yehovah, sori taki yu ati e bron èn opo.

Opo du wan sani nanga den sma di ati e bron nanga mi.

Grantangi yepi mi èn meki den sma disi kisi den strafu.

 7 Meki den pipel kon tnapu na yu lontu.

Opo feti nanga den kmoto fu hemel.

Tye Yehovah, te yu o krutu mi, dan memre a bun fasi fa mi tyari misrefi.

Memre fa mi du a wani fu yu.

Ma meki sani waka bun gi den ret’ati sma.

Bika yu na wan Gado fu retidu. Yu e ondrosuku na ati nanga den moro dipi firi fu sma.*

11 Gado na wan Krutuman di e koti krutu na wan reti fasi.

Ala dei Gado e krutu den ogrisma.

12 Efu wan sma e tan du ogri, dan Gado o srapu en fet’owru.

A o span en bo fu sutu nanga en.

13 A e sreka den fetsani fu en di e kiri sma.

A o meki den peiri fu en kon tron peiri di abi faya.

14 Luku, wan sma de nanga bere fu ala sortu ogri.

A de nanga bere fu ala sortu problema èn a pkin di a o meki na soso lei.

15 A e diki wan olo èn a e meki a kon moro dipi.

Ma a o fadon na ini a srefi olo di a diki.

16 Den ogri di a e du o drai kon na tapu en eigi ede.

Na ogri fu en o fadon leti na tapu en eigi mindri-ede.

17 Mi o prèise Yehovah fu di a e du san reti.

Mi o singi fu prèise* a nen fu Yehovah, a Moro Heiwan.

8 Yehovah wi Masra, yu nen bigi trutru na grontapu.

Yu poti a glori fu yu moro hei leki hemel srefi!*

 2 Den sani di pkin-nengre* e taki e sori a krakti fu yu.

Na so yu tapu a mofo fu den feanti fu yu

èn fu den sma di e pai ogri fu ogri.

 3 Te mi e luku yu hemel, den sani di yu meki,*

a mun nanga den stari di yu meki,

 4 dan mi e aksi misrefi: ’San na wan libisma taki yu e prakseri en?

San na a pkin fu wan libisma taki yu e sorgu en?’

 5 Yu meki a kon de pkinso moro lagi leki den engel,

yu gi en glori nanga grani.

 6 Yu poti en leki basi fu den sani di yu meki.*

Yu poti ala sani na en ondro:

 7 Ala den skapu, krabita nanga kaw,

srefi den meti fu busi,

 8 den fowru di e frei na loktu nanga den fisi di de na ini se,

iya, ala sani di e swen na ini den se.

9 Yehovah, nanga mi heri ati mi o prèise yu.

Mi o ferteri sma fu ala den bigi sani di yu du.

 2 Mi o prisiri nanga yu, iya, mi o breiti srefsrefi.

Mi o singi fu prèise* yu nen fu di yu na a Moro Heiwan.

 3 Te den feanti fu mi e hari gwe,

den o fadon èn den o dede leti na yu fesi.

 4 Yu e opo taki gi mi èn yu e gi mi leti.

Yu e sdon na tapu yu kownusturu fu krutu sma na wan reti fasi.

 5 Yu pir’ai gi den kondre fu grontapu èn yu kiri den ogriwan.

Yu figi a nen fu den puru fu ala ten, iya, fu têgo.

 6 Yu kiri den feanti fu yu. Den no de moro.

Yu pori den foto fu den.

Noiti moro sma o prakseri den feanti fu yu.

 7 Ma Yehovah na Kownu fu têgo.

A seti en kownusturu fu koti krutu na wan reti fasi.

 8 A o krutu den sma fu grontapu na wan reti fasi.

A o krutu den pipel soleki fa a fiti.

 9 Yehovah o de wan kibripresi gi den sma di trawan e pina.*

A de wan kibripresi gi den sma di de na nowtu.

10 Den sma di sabi yu nen o fertrow na yu tapu.

Noiti yu o gwe libi den wan di e suku yu, Yehovah.

11 Singi fu prèise Yehovah di e tan na Sion.

Ferteri sma fu den sani di a du.

12 A o memre den mofinawan èn a o strafu den sma di kiri den.

A no o fergiti fa den bari suku yepi na en.

13 Tye Yehovah, du bun gi mi.

Luku fa den sma di no lobi mi e pina mi.

Na yu e opo mi puru na den portu fu dede,

14 so taki mi kan ferteri sma fu den bigi sani di yu du. Mi o taki fu yu na den portu fu a foto Sion.*

Mi o prisiri taki yu ferlusu mi.

15 Den pipel fadon go na ini na olo di den srefi diki.

Den eigi futu go fasi na ini a nèt di den ben seti.

17 Den ogrisma o go na ini Grebi,*

iya, ala den sma fu grontapu di e fergiti Gado.

18 Ma Gado no o fergiti den pôtiwan

èn a howpu fu den safr’ati sma no o de fu soso.

20 Yehovah, mi e begi yu, meki den kon frede.

Meki den pipel na grontapu kon sabi taki den na libisma nomo. (Sela)

 2 Fu di den ogriwan abi bigifasi, meki den e lon baka den sma di no man yepi densrefi.

Ma den srefi ogri di den wani du nanga trawan, na dati o miti den.

 3 Na ogriwan e meki bigi fu den ogri di a wani du

èn a e blesi a sma di abi bigi-ai.*

נ [Nun]

A no e sori lespeki gi Yehovah.

 4 Fu di na ogriwan abi heimemre, meki a no wani kon sabi Gado.

A e prakseri nomo: „Gado no de.”

 5 Ala ten sani e waka bun nanga en.

Ma a no man ferstan den wet fu yu.

A e wiswasi ala den feanti fu en.

 6 A taki na ini en ati:

„Noti no kan meki mi fadon.*

Noiti ogri o miti mi.”

 7 En mofo furu nanga fluku, a e taki soso lei èn a lobi tapu skreki gi sma.

Den sani di a e taki nanga en mofo e tyari problema gi sma. Na soso hati sani a e taki.

 8 A e seti luru krosbei fu den dorpu.

A de na en kibripresi èn fu drape a e kiri wan sma di no du noti.

10 A e naki en trowe na gron.

Den sma di fadon na ini en anu no man du noti.

A sma di de na nowtu e kon suku yepi na yu.

Na yu e yepi den pkin di no abi p’pa.*

15 Broko na anu fu den sma di ogri èn di ati takru.

Dan den no o man du nowan ogri moro.

18 Yu o meki sani waka na wan reti fasi gi den pkin di no abi p’pa èn gi den sma di trawan e pina.

Dan noiti moro den sma di e libi na grontapu o meki den frede.

 2 Luku fa den ogriwan e span den bo fu den.

Kmoto fu wan dungru presi

den e sutu go na tapu den krin-ati sma.

 3 Te sma no e hori densrefi na a wet moro èn te den no e kisi strafu,*

dan san den ret’ati sma man du?”

 5 Yehovah e ondrosuku den krin-ati sma nanga den ogrisma.

Efu wan sma lobi ogri, dan Gado e teige a sma dati.

 6 A o seti val* fu kisi den ogriwan. A o meki faya nanga kroiti fadon na den tapu leki alen.

A o strafu den nanga wan faya winti.

12 Tye Yehovah ferlusu mi, bika den sma di e tai hori na yu no de moro.

Sma di e du san yu taki no de fu feni moro na mindri libisma.

 2 Na soso lei den sma e ferteri makandra.

Den tongo grati. Te den e taki sani, dan na hoigri den e hoigri.*

 3 Yehovah o koti a mofo puru fu den sma di tongo grati.

A o koti a mofo puru fu den sma di e meki bigi.

 4 Den e taki: „Wi sabi taki bun. Dati meki sma no o man du wi noti.

Wi e taki san wi wani.

Suma o man tapu wi?”

 5 „Sma e pina den mofinawan

èn den pôtisma e geme.

Dati meki mi o opo du wan sani”, na so Yehovah taki.

 6 Den sani di Yehovah e taki de soifri.

Den soifri leki solfru di sma bron seibi leisi na ini wan onfu di meki fu klei.*

 7 Yehovah, na yu o kibri den mofinawan.

Yu o kibri ibriwan fu den, so taki den ogrisma no pina den noiti moro.

 8 Fu di libisma feni en bun te trawan e du ogri,

meki na ala sei den ogriwan e waka e du san den wani.

 2 O langa mi o abi fu sdon nanga den brok’ede fu mi?

Ala dei mi e sari. O langa a sani disi o go doro?

Gi mi krakti baka, so taki mi no dede.

 4 Mi feanti no musu man taki: „Ai, mi wini en!”

 5 Mi sabi taki yu o abi sar’ati* nanga mi.

Mi ati o prisiri fu di yu o ferlusu mi.

Na soso ogri den e du. Den sani di den e du e gi groskin.

Nowan fu den e du bun.

 2 Yehovah de na hemel e luku libisma

fu si efu sma de di abi koni,

 3 Den alamala gwe libi a reti pasi.

Den alamala kruka.

Nowan fu den e du bun,

nôno, nowan fu den.

 5 Ma den o kon frede srefsrefi,

fu di Yehovah de nanga den sma di e du san reti.

 6 Un ogrisma, unu e suku fu tapu den mofinawan fu kisi san den wani,

ma Yehovah na den kibripe.

Meki Yakob prisiri, iya, meki Israel breiti

te Yehovah tyari en pipel di ben de na ini katibo, kon baka.

 2 Na a sma di e libi wan krin libi,*

di e du san bun

èn di e taki sani nanga wan krin ati.

 3 Na a sma di no e taki ogr’ati lei nanga en mofo.

A no e du nowan ogri nanga tra sma

èn a no e taki takru sani fu en mati.*

 4 Iya, a no lobi den sma di abi takru gwenti,

ma a e gi grani na den wan di abi lespeki gi Yehovah.

 5 Te a e leni sma moni, a no e aksi den rente.

A no e teki tyuku fu lei gi sma di no du ogri.

 3 Den santawan na grontapu,

den sma di musu kisi grani e gi mi furu prisiri.”

Noiti mi o tyari brudu leki ofrandi gi den gado dati.

A nen fu den no o kmoto na ini mi mofo srefi.

Mi e prisiri te mi de krosbei fu yu.

Te mi de na yu ret’anusei, dan mi o prisiri fu ala ten.

17 Yehovah, arki mi te mi e begi yu èn krutu den feanti fu mi.

Arki mi te mi e kari yu fu yepi mi.

Arki mi te mi e begi yu nanga wan krin ati.

 2 Mi e begi yu fu krutu mi na wan reti fasi.

Meki yu eigi ai si taki mi e du san reti.

 3 Yu ondrosuku mi ati, iya, te neti yu kon luku san mi e du.

Yu meki mi kon krin.*

Yu o si taki mi no prakseri fu go du ogri

èn mi no taki ogri sani nanga mi mofo.

 4 Mi sorgu taki mi no du san den ogrisma e du.

Mi du san yu taigi mi. Mi no e waka a pasi fu den fufurman.

 5 Meki mi tan waka na tapu a pasi fu yu,

so taki mi no stotu mi futu.

 7 Mi e begi yu, du bigi sani fu sori a lobi* fu yu.

Bika yu na a Ferlusuman fu den sma di e kon suku kibri na yu.

Kibri den gi den wan di e opo densrefi teige yu.

 8 Kibri mi leki a popki fu yu ai.

Kibri mi na ondro den frei fu yu.

 9 Kibri mi gi den takr’ati sma di wani du ogri nanga mi.

Kibri mi gi den feanti di e lontu mi.

10 Den ati kon tranga.*

Den e gi sma bigitaki.

11 Now den feanti fu wi lontu wi.

Den e luku efu den kan feni wan fasi fu du ogri nanga wi.*

12 Den de leki lew di e angri fu priti wan meti pispisi,

leki yongu lew di e d’don e luru wan meti.

13 Yehovah, mi e begi yu, opo go feti nanga den èn wini den.

Teki yu fet’owru, dan yu ferlusu mi fu na ogriwan.

14 Yehovah, ferlusu mi nanga yu tranga anu.

Ferlusu mi fu den sma fu a grontapu disi di e prakseri nomo san den kan kisi na ini a libi disi.

Noti no e mankeri den fu di yu e gi den bun sani.

Den e libi den gudu fu den na baka gi den furu manpkin fu den.

15 Ma mi fu mi sei, mi o tyari misrefi na wan reti fasi te mi kon na yu fesi.

Te mi wiki baka mi o breiti taki yu de na mi sei.*

Mi Gado na mi bigi ston pe mi e lon go kibri.

En na mi schild. Iya, en na a wan di e ferlusu mi nanga en krakti.* A de wan bergi pe mi kan go kibri.

 3 Mi o suku yepi na Yehovah, a sma di musu kisi glori.

A o kibri mi gi den feanti fu mi.

 4 Den t’tei fu dede ben tai mi hori.

Mi ben frede fu di den wiswasi man ben kon na mi tapu leki wan bigi frudu.

 5 Den t’tei fu Grebi* ben tai mi hori.

Dede ben seti val gi mi.

 6 Di mi ben de na nowtu, mi kari Yehovah.

Mi tan kari mi Gado fu a yepi mi.

A ben de na ini en tempel di a yere mi sten.

A yere fa mi kari en fu a yepi mi.

 7 Ne grontapu bigin seki èn a bigin beifi.

Den fundament fu den bergi ben e seki.

Den seki go-kon fu di Gado ati ben bron.

 8 Smoko ben e kmoto na en noso-olo

èn a faya di ben e kmoto na en mofo, ben e bron ala sani.

Faya krofaya ben e sutu kmoto fu en.

 9 A beni hemel kon na ondro di a saka kon.

Na ondro en futu ala sani ben dungru pikapika.

11 Dan a tapu ensrefi lontu na ini dungru.

Dungru ben tapu en lontu leki wan tenti,

leki blaka wolku di lai nanga watra.

12 Leti ben de na en lontu

èn pispisi ijs nanga krofaya di ben e bron, fadon kmoto fu den wolku.

13 Dan Yehovah meki dondru bari na hemel.

A Moro Heiwan meki sma yere en sten

èn pispisi ijs nanga krofaya di ben e bron, fadon kmoto fu hemel.

14 A sutu den peiri fu en kon na tapu den feanti fu mi èn a panya den go na ala sei.

A meki faya koti na hemel èn a bruya den.

15 A gron fu den liba ben kon de fu si.

Yehovah, den fundament fu grontapu ben kon de fu si di yu pir’ai gi den

èn di wan tranga winti kmoto na ini yu noso-olo.

16 Kmoto fu hemel a langa en anu gi mi.

A grabu mi hori, dan a hari mi puru na ini bigi watra.

17 A puru mi na ini na anu fu a tranga feanti fu mi.

A ferlusu mi fu den sma di e teige mi èn di ben tranga moro mi.

18 Den suku fu du mi ogri na a dei di problema miti mi,

ma Yehovah ben e horbaka gi mi.

19 A tyari mi go na wan presi pe nowan ogri ben kan miti mi.*

A ferlusu mi fu di a ben lobi mi.

20 Yehovah e pai mi fu a reti fasi fa mi e tyari misrefi.

A e pai mi fu di mi no du nowan ogri.*

21 Bika ala ten mi waka den pasi fu Yehovah.

Mi no du ogri, nôno, mi no gwe libi mi Gado.

22 Mi no o fergiti nowan fu den wet fu en.

Mi no o poti den na wan sei.

23 Mi o libi na wan fasi di a feni bun.

Mi o tyari misrefi na wan reti fasi.

24 Meki Yehovah pai mi fu a reti fasi fa mi e tyari misrefi.

Meki a pai mi fu di mi no du nowan ogri.

25 Te wan sma e tai hori na yu, dan yusrefi o tai hori na en.

Te wan sma e tyari ensrefi na wan reti fasi, dan yu o du sani gi en na wan reti fasi tu.

26 Te sma e libi bun, dan yu e du bun gi den.

Te sma kruka, dan yu o sori taki yu koni moro den.

27 Yu e ferlusu den mofinasma.*

Ma yu e lagi den sma di abi heimemre.

28 Yehovah, na yu e leti mi lampu.

Na a Gado fu mi e meki leti skèin gi mi te mi de na dungru.

29 Na yu e meki taki mi man lon go feti nanga den man di e roof sma.

Nanga a krakti fu Gado mi man kren wan skotu.

30 Ala ten a tru Gado e du bun.

Den sani di Yehovah e taki de soifri.

32 Na a tru Gado e gi mi krakti

èn a o krin mi pasi gi mi.

33 A e meki mi lon leki wan dia.

Na en e meki taki mi man tnapu steifi na bun hei presi.

34 A e leri mi fa fu feti.

Nanga mi anu mi man beni wan kopro bo.

35 Yu gi mi yu schild fu ferlusu mi.

Yu e horbaka* gi mi nanga yu ret’anu.

Na a sakafasi fu yu e meki mi kon bigi.

36 Yu o meki wan bradi pasi gi mi fu mi waka na tapu.

Mi futu no o grati.

37 Mi o lon baka den feanti fu mi fu kiri den.

Mi no o drai kon baka solanga mi no kiri den alamala.

38 Mi o masi den, so taki den no o man opo tnapu moro.

Den o fadon èn mi o trapu na den tapu.

39 Yu o gi mi krakti fu go na feti.

Yu o meki den feanti fu mi fadon na mi fesi.

40 Yu o meki den feanti fu mi lon gi mi.*

Den wan di e teige mi, mi o puru na pasi.*

41 Den e bari suku yepi, ma nowan sma no de fu ferlusu den.

Den e bari kari Yehovah srefi, ma a no e piki den.

42 Mi o stampu den teleki den kon de leki fini doti di winti e wai gwe.

Mi o trowe den leki tokotoko di de na mindri strati.

44 Na yere sma o yere fu mi nomo, dan den o du san mi taki.

Trakondre sma o kroipi kon na mi.

45 Den trakondre sma o las’ati.*

Beifibeifi den o kmoto na ini den fortresi* fu den.

47 A tru Gado e puru atibron tapu den feanti fu mi.

A e meki sma saka densrefi na mi ondro.

48 A e ferlusu mi fu mi feanti di ati e bron nanga mi.

A poti mi na tapu wan hei presi, so taki den feanti fu mi no kisi mi.

A puru mi na ini na anu fu a man di e du ogri.

49 Yehovah, na fu dati ede mi o prèise yu na mindri den pipel.

Mi o singi fu prèise* yu nen.

50 Gado e du bigi wondru fu ferlusu a kownu fu en.

Ala ten a e sori lobi* gi a salfuwan fu en,

iya, gi David nanga den bakapkin fu en.

19 Den sani na hemel e taki fu a glori fu Gado.

Den e ferteri fu ala den sani di en anu meki.

 2 Ibri dei den e ferteri wi wan sani

èn ibri neti den e meki wi kon sabi sani fu en.

 3 Den no abi mofo fu taki èn nowan wortu no de fu yere.

Sma no man yere den sten.

 4 Ma tòg sma kan yere a boskopu fu den na ala sei fu grontapu.

Te na den moro farawe presi fu grontapu sma kan yere san den abi fu taki.

Na ini hemel Gado seti wan tenti gi a son.

 5 A son de leki wan trowmasra di e brenki te a e kmoto na ini en kamra.

A de leki wan tranga man di e prisiri fu lon a pasi di de na en fesi.

 6 A e opo kmoto na a wan sei fu hemel

fu saka gwe te na a tra sei.

Nowan sani kan kibri gi a faya fu en.

 8 Den rai fu Yehovah bun. Den e meki na ati prisiri.

Den wet fu Yehovah bun. Den e meki na ai brenki.

10 Den diri moro gowtu,

iya, moro leki bun furu soifri gowtu.

Den switi moro oni, iya, moro leki a moro soifri oni.

11 Den de leki warskow gi yu futuboi.

Te a e hori ensrefi na den, dan a e kisi furu blesi.

13 Yepi yu futuboi fu no abi heimemre, so taki a no go du sani di no bun.

No meki heimemre tron mi basi.

Dan sma no o man feni fowtu na mi tapu.

Mi no o du bigi sondu.*

14 Meki den sani di mi e taki nanga mi mofo nanga den sani di mi e prakseri dipi na ini mi ati, de sani di yu feni bun.

Yehovah, yu na mi Stonbergi. Yu na mi Ferlusuman.

 2 Meki a seni yepi gi yu kmoto fu a santa presi

èn meki a horbaka gi yu kmoto fu Sion.

 3 Meki a memre ala den ofrandi di yu tyari gi en

èn meki a teki den bron-ofrandi fu yu nanga prisiri.* (Sela)

 4 Meki a gi yu ala san yu ati wani

èn meki a sorgu taki ala sani di yu abi na prakseri fu du, waka bun.

 5 Wi o bari fu prisiri, fu di yu ferlusu wi.

Wi o prèise a nen fu wi Gado.

A e piki en kmoto fu en santa presi na hemel.

Nanga en ret’anu a e du bigi sani fu ferlusu en.*

 7 Son sma e fertrow tapu den asiwagi fu den. Trawan e fertrow tapu den asi di den abi.

Ma wi o kari a nen fu Yehovah wi Gado.

 8 Ala den feanti fu yu naki futu èn den fadon.

Ma wi opo èn wi tan tnapu kánkan.

21 Yehovah, na fu di yu e gi a kownu krakti meki a e prisiri.

A e tan prisiri, fu di na yu e ferlusu en!

 2 San en ati ben wani, na dati yu gi en

èn san a mofo fu en ben aksi yu, na dati a kisi fu yu. (Sela)

 3 Yu blesi en nanga furu bun sani.

Yu poti wan kroon fu soifri gowtu na tapu en ede.

 4 A aksi yu wan langa libi èn na dati yu gi en tu.

Yu gi en langa libi, iya, yu gi en têgo libi.

 6 Yu meki taki a e kisi blesi fu têgo.

A e prisiri srefsrefi te a e si taki yu de nanga en.*

 7 A kownu e fertrow tapu Yehovah.

Fu di a sabi taki a Moro Heiwan o tan lobi* en, meki noiti a o fadon.*

 8 Nanga yu eigi anu yu o grabu ala den feanti fu yu.

Nanga yu ret’anu yu o grabu den wan di e teige yu.

10 Yu o kiri ala den pkin fu den puru na grontapu,

iya, den bakapkin fu den no o de moro na mindri libisma,

11 bika den ben abi na prakseri fu du yu ogri.

Den wani du ogri nanga yu, ma den no o man.

12 Yu o meki den lon gwe

te yu span yu bo fu sutu na den tapu.*

Fu san ede yu no kon yepi mi?

Fu san ede yu no e yere fa mi e bari krei?

 2 Mi Gado, heri dei mi e kari yu. Ma yu no e piki mi.

Te neti srefi mi e tan kari yu.

 3 Ma yu na wan santa Gado.

Na ala sei fu Israel sma o prèise yu.

 4 Na yu den afo fu wi ben e fertrow.

Den fertrow yu èn ibri tron baka yu ferlusu den.

 5 Na yu den kari èn den kisi kibri.

Na yu den fertrow èn den no kisi syen.

 6 Ma mi na wan woron. Mi a no wan libisma.

Sma e spotu mi èn den e wiswasi mi.

 7 Den wan di e si mi e spotu mi.

Den e seki den ede èn den e taki:

 9 Na yu puru mi na ini mi m’ma bere.

Di mi ben de na mi m’ma bobi ete, dan na yu ben meki mi firi taki noti no man psa nanga mi.

10 Na yu e sorgu mi* sensi di mi m’ma meki mi.

Sensi di mi ben de na ini mi m’ma bere, na yu na mi Gado.

11 No tan farawe fu mi, bika nowtu e kon miti mi

èn nowan tra sma de di man yepi mi.

12 Furu yongu mankaw e lontu mi.

Den tranga mankaw fu Basan kon tnapu na mi lontu.

13 Den feanti fu mi e piri den mofo fu tapu skreki gi mi.

Den de leki wan lew di e bari èn di e priti wan meti pispisi.

14 Den kanti mi trowe leki watra.

Ala mi bonyo kmoto na den skrufu.

Mi ati kon de leki kandrafatu.

A smèlter gwe na ini mi skin.

15 Mi no abi krakti moro. Mi kon de leki wan pisi broko prapi.

Mi tongo fasi na tapsei fu mi inmofo.

Yu tyari mi kon te na a mofo fu grebi.

16 Mi feanti lontu mi leki dagu.

Wan bigi grupu ogr’ati sma tapu mi lontu.

Neleki wan lew den e beti mi na mi anu nanga mi futu.

18 Den e prati mi krosi na den mindri

èn den e iti lot fu luku suma o kisi den krosi fu mi.

20 No meki a fet’owru kiri mi.

Iya, kibri a warti libi* fu mi, fu den dagu no grabu en.

21 Puru mi na ini a mofo fu a lew.

Piki mi èn kibri mi gi den tutu fu den mankaw fu a sabana.*

22 Mi o ferteri den brada* fu mi fu a nen fu yu.

Mi o prèise yu na mindri den sma di kon makandra fu anbegi yu.

24 A no du leki a no e si fa den mofinawan e pina.

A no drai en fesi gi den.

25 Mi o prèise yu na mindri den furu sma di kon makandra fu anbegi yu.

Na fesi den sma di abi bigi lespeki gi Gado, mi o du den sani di mi ben pramisi.

26 Den safr’ati sma o nyan teleki den bere furu.

Den wan di e suku Yehovah o prèise en.

28 bika Yehovah na Kownu.

Na en e tiri den pipel fu grontapu.

29 Ala den sma di abi en bun* na grontapu o nyan èn den o boigi gi Gado.

Ala sma di o tron doti te fu kba, o saka kindi boigi gi en.

Nowan fu den man hori densrefi na libi.

30 Den bakapkin fu den o dini en.

Den o ferteri den sma di o kon bakaten fu Yehovah.

 2 A e meki mi d’don na ini wei pe furu grasi e gro.

A e tyari mi go rostu na presi pe furu watra e lon.*

 4 Awinsi mi e waka na ini a lagipresi di dungru srefsrefi,

tòg mi no e frede nowan ogri,

bika yu de nanga mi.

Na yu skapuman-tiki e meki taki mi no e frede noti.*

Yu lobi oli gi mi ede.

A kan fu mi furu te na a lanki.

 6 Solanga mi de na libi, a bunfasi nanga a lobi* fu yu o de nanga mi.

Mi heri libi langa mi o tan na ini na oso fu Yehovah.

24 Na Yehovah abi grontapu nanga ala den sani di de na en tapu.

Na en abi a doti fu grontapu nanga ala den sma di e libi drape.

 3 Suma kan kren go na tapu a bergi fu Yehovah?

Suma kan tnapu na a santa presi fu en?

 4 Na a sma di no e du ogri èn di e du sani nanga wan krin ati,

di no e lei te a e sweri na ini mi nen*

èn di no e meki sweri fu kori trawan.

 5 Yehovah o blesi a sma dati.

A Gado di e ferlusu en, o tan si en leki wan ret’ati sma.

 6 Disi na den sma di e suku Gado.

Den wani dini yu, a Gado fu Yakob. (Sela)

 7 Un portu, un hari go moro na loktu.

Un doro di de someni yari kba, un bradi opo.

Meki a Kownu di abi bigi glori kon na insei!

Na Yehovah, a tranga èn makti Gado.

Na Yehovah, a Gado di e wini ala feti.

 9 Un portu, un hari go moro na loktu.

Un doro di de someni yari kba, un bradi opo.

Meki a Kownu di abi bigi glori kon na insei!

 2 Mi Gado, na yu mi e fertrow.

Mi e begi yu fu no meki mi kisi syen.

 3 Iya, nowan sma di e howpu na yu tapu o kisi syen.

Ma na den sma di e drai baka gi yu o kisi syen.

 4 Tye Yehovah, sori mi den pasi fu yu.

Leri mi fa fu waka den pasi fu yu.

 5 Meki mi waka a reti pasi fu yu èn gi mi leri,

bika yu na a Gado di e ferlusu mi.

 6 Tye Yehovah, memre taki yu na wan Gado di abi sar’ati

èn taki ala ten* yu sori a pipel fu yu taki yu lobi* den.

Mi e begi yu fu memre mi, fu di yu na wan sma di e sori lobi.*

Yehovah, no fergiti mi, fu di yu na wan bun Gado.

 9 A o yepi den safr’ati sma fu du san bun.

A o leri den safr’ati sma fa fu waka den pasi fu en.

10 Te sma e du san Gado e taigi den èn te den e hori a ferbontu fu en,

dan ala ten Yehovah e du sani fu sori taki a lobi* den èn taki a e tan horbaka gi den.

11 Tye Yehovah, prakseri a nen fu yu

èn gi mi pardon fu a bigi sondu fu mi.

13 A sma dati o si san bun

èn den bakapkin fu en o libi na grontapu fu ala ten.

14 Na den sma di abi bigi lespeki gi Yehovah kan de bun mati fu en.

Na den a e sori san a abi na prakseri fu du.

15 Ala ten mi e suku yepi na Yehovah,

bika na en o puru mi futu na ini a nèt.

16 Poti prakseri na mi èn du bun gi mi,

bika mi de mi w’wan èn nowan sma de fu yepi mi.

17 Den brok’ede fu mi kon moro furu.

Puru mi na ini a banawtu disi.

18 Poti prakseri na den banawtu nanga den problema fu mi

èn gi mi pardon fu ala mi sondu.

19 Luku omeni feanti mi abi.

Fu di den e teige mi, meki den wani du ogri nanga mi.

21 Kibri mi, bika mi e tan dini yu èn mi e du san reti.

Na tapu yu mi e fertrow.

26 Tye Yehovah, koti krutu gi mi, bika mi tyari misrefi na wan reti fasi.

Tapu Yehovah mi fertrow. Noiti mi tweifri.

 2 Yehovah, mi e begi yu fu ondrosuku mi èn fu tesi mi.

Krin den prakseri* fu mi èn krin mi ati tu.

 3 Bika ala ten mi e prakseri a lobi* di yu sori mi

èn mi e waka a reti pasi fu yu.

 4 Mi no e moksi* nanga sma di lobi lei

èn mi no e bemui nanga sma di no e sori fa den de trutru.*

 5 Mi no lobi den sma di e du takru sani

èn mi no e moksi* nanga ogrisma.

 6 Mi o wasi mi anu fu sori taki mi no du nowan ogri.

Mi o waka lontu na altari fu yu, Yehovah,

 7 fu taki yu tangi nanga wan tranga sten

èn fu ferteri sma fu ala den bigi sani di yu du.

 8 Yehovah, mi lobi na oso pe yu e tan

èn a presi pe a glori fu yu de.

 9 No kiri mi makandra nanga sondari

èn no meki mi dede makandra nanga den sma di lobi du ogri.*

10 Den e du ogri sondro fu syen

èn den lobi tyuku.

12 Mi e waka na so wan fasi taki problema no miti mi.

Mi o prèise Yehovah na mindri den furu sma di kon makandra fu anbegi en.

 2 Di den ogriman kon na mi tapu fu kiri mi,

dan na den gensman nanga den feanti fu mi naki futu èn den fadon.

 3 Awinsi wan heri legre seti kampu lontu mi,

tòg mi no o frede.

Awinsi furu sma kon feti nanga mi,

tòg mi o tan fertrow tapu Gado.

 4 Wán sani mi aksi Yehovah

èn dati na san mi wani trutru:

Mi wani tan na ini na oso fu Yehovah, solanga mi de na libi.

Mi wani si fa Yehovah bun

èn mi wani luku a tempel* fu en nanga prisiri.

 5 Bika a o kibri mi na ini a kibripe fu en te nowtu miti mi.

A o kibri mi na ini a tenti fu en di de na wan presi di tra sma no sabi.

Te na tapu wan hei stonbergi a o poti mi.

 6 Dati meki mi wini ala den feanti di lontu mi.

Mi o bari fu prisiri te mi o tyari ofrandi na a tenti fu Gado.

Mi o singi prèisesingi* gi Yehovah.

 7 Grantangi Yehovah, arki mi te mi e kari yu nanga wan tranga sten.

Du bun gi mi èn piki mi.

Yu na mi yepiman.

No gwe libi mi èn no drai yu baka gi mi, bika yu na a Gado di e ferlusu mi.

10 Awinsi mi eigi p’pa noso mi eigi m’ma gwe libi mi,

tòg Yehovah srefi o sorgu gi mi.

11 Yehovah, sori mi a pasi fu yu.

Yepi mi fu waka a reti pasi, so taki mi feanti no man du mi ogri.

12 No libi mi gi den feanti fu mi,

bika falsi kotoigi e gens mi

èn den e suku fu du mi ogri.

13 Solanga mi de na libi Yehovah o du bun gi mi.

Efu mi no ben bribi a sani disi, dan san ben o psa nanga mi?*

14 Wakti Yehovah.

Abi dek’ati èn no frede.

28 Yehovah, na yu mi e tan kari. Yu na mi Stonbergi.

Mi e begi yu fu arki mi.

Efu yu no piki mi,

dan mi o kon de leki wan dedesma.

 2 Arki mi te mi e kari yu, iya, te mi e begi yu fu yepi mi.

Arki mi te mi e opo mi anu go na a sei fu a moro santa presi na ini a tempel fu yu.

 3 No strafu mi makandra nanga den ogrisma èn nanga den sma di e du hati sani nanga trawan.

Iya, no strafu mi makandra nanga den wan di e taki switi nanga tra sma, ma na ini den ati den e prakseri soso ogri.

 4 Strafu den gi den sani di den du,

iya, gi den ogri fu den.

Strafu ibriwan fu den gi den sani di den du.

Pai den gi den ogri fu den.

 5 Bika den no e poti prakseri na den sani di Yehovah du

èn den no e broko den ede nanga den sani di a meki.

 6 Prèise Yehovah,

bika a yere den begi fu mi.

 7 Na Yehovah e gi mi krakti. A de wan schild gi mi.

Na tapu en mi e fertrow nanga mi heri ati.

Mi ati e prisiri fu di a yepi mi.

Nanga a singi fu mi, mi o prèise en.

 8 Yehovah e gi en pipel krakti.

A de wan fortresi.* A e ferlusu a salfuwan fu en.

29 Prèise Yehovah, un manpkin fu den trangawan.

Prèise Yehovah fu a glori nanga a makti fu en.

 3 A sten fu Yehovah de fu yere na tapsei fu den wolku.

A sten fu a bigi Gado de leki dondru.

 4 A sten fu Yehovah krakti.

A sten fu Yehovah moi srefsrefi.

 5 A sten fu Yehovah e koti den sedrebon trowe.

Iya, Yehovah e broko den sedrebon fu Libanon pispisi.

 6 A e meki Libanon* dyompodyompo leki wan yongu kaw.

Èn a e meki Sirion dyompodyompo leki wan yongu mankaw.

 7 A sten fu Yehovah e meki faya koti na hemel.

 8 A sten fu Yehovah e seki a sabana.

Yehovah e seki Kades-sabana.

 9 A sten fu Yehovah e meki den dia di de nanga bere skreki so te, taki den e kisi den pkin.

A sten fu en e koti wan heri busi trowe.

10 A kownusturu fu Yehovah de na tapu den bigi watra.*

Yehovah na Kownu fu ala ten.

30 Mi o prèise yu, Yehovah, bika yu ferlusu mi.

Yu no meki mi feanti prisiri di mi ben e pina.

 4 Meki den sma di e tai hori na Yehovah singi prèisesingi* gi en.

Prèise en gi a santa nen fu en.

 5 Bika te Gado ati e bron nanga wan sma, dan dati na fu wan syatu pisi ten nomo.

Ma te a lobi wan sma, dan dati na fu ala ten.

 8 Yehovah, na yu mi tan kari.

Iya, na Yehovah mi tan begi fu du bun gi mi.

11 Fosi, mi ben e sari, ma now yu e meki mi dansi fu prisiri.

Yu puru mi rowkrosi* na mi skin èn yu e meki mi prisiri.

12 Dati meki mi* o singi prèisesingi gi yu. Mi no o tan pî.

De leki wan bergi gi mi pe mi kan go kibri,

iya, wan tranga fortresi* pe mi kan feni kibri,

 3 bika yu de leki wan bigi ston nanga wan fortresi gi mi.

Yu o sori mi a pasi èn yu o tyari mi, so taki yu nen kan kisi glori.

 4 Yu o puru mi na ini a nèt di den seti gi mi,

bika yu na mi fortresi.

 6 Mi e teige den sma di e anbegi popki di no man du noti.

Ma mi e fertrow tapu Yehovah.

 7 Mi o breiti srefsrefi fu di yu du bun* gi mi

èn fu di yu si a banawtu fu mi.

Yu sabi heri bun fa mi e pina.

 8 Yu no gi mi abra na den feanti fu mi.

Ma yu meki mi tnapu na wan presi pe nowan ogri kan miti mi.*

10 Mi libi furu nanga sari nanga geme.

Mi no abi krakti moro fu di mi sondu.

11 Ala den feanti fu mi e wiswasi mi.

Den birtisma fu mi e wiswasi mi moro srefi.

Den mati fu mi e frede mi.

Te den e si mi na strati den e lon gi mi.

12 Den no e prakseri mi moro. Den fergiti mi neleki fa sma e fergiti den dedewan.

Mi kon de leki wan broko prapi.

13 Mi yere den takru sani di furu sma e ferteri fu mi.

Na ala sei sma de di e meki mi frede.

Den e bondru kon na wán

fu luku fa den kan kiri mi.

Meki den ogriwan kisi syen.

Meki den tan pî na ini Grebi.*

18 Tapu a mofo fu den wan di e ferteri lei.

Fu di den abi heimemre, meki den e gi den ret’ati sma bigitaki èn den e wiswasi den.

20 Yu o kibri den krosbei fu yu,

so taki sma no du den ogri.

Yu o kibri den na ini a tenti fu yu,

so taki sma no kon feti nanga den.*

21 Blesi fu Yehovah,

bika a sori taki a lobi* mi di mi ben de na ini wan foto di feanti ben lontu na ala sei.

Yehovah e kibri den wan di e tan dini en.

Ma a e gi ala sma di abi heimemre hebi strafu.

24 Un sma di e wakti Yehovah nanga pasensi,

abi dek’ati èn no frede.

 2 Koloku fu a sma di Yehovah no krutu te a meki wan fowtu.

Koloku fu a sma di no e prakseri fu bedrigi trawan.

 5 Te fu kba mi ferteri yu sortu sondu mi du.

Mi no kibri mi fowtu gi yu.

 6 Dati meki ibri sma di e tai hori na yu o begi yu,

bika now den kan feni yu ete.

 7 Yu na wan kibripe gi mi.

Yu o kibri mi te mi de na nowtu.

 9 No du leki wan asi noso wan buriki di no abi ferstan.

Den meti disi tranga-ede so te, taki soso te yu poti wan t’tei na den mofo yu o man dwengi den.

Na a fasi disi nomo den o kon na yu.”

10 Na ogriwan abi furu problema.

Ma te wan sma e fertrow tapu Yehovah, dan Gado o sori en taki a lobi* en.

11 Un ret’ati sma, prisiri nanga Yehovah èn breiti srefsrefi.

Bari fu prisiri, ala un krin-ati sma.

 2 Prei poku tapu harpu fu taki Yehovah tangi.

Meki poku gi en nanga bigi harpu.

 3 Singi wan nyun singi gi en.

Prei a harpu so bun leki un man èn bari fu prisiri,

 4 bika den sani di Yehovah e taki de tru.

Yu kan fertrow ala den sani di a e du.

 6 Na taki Yehovah taki nomo ne hemel kon de.

Na bro a bro nomo ne ala den sani* na hemel kon de.

 7 A e poti wan dan fu hori a watra fu se na wán.

A e poti a watra fu a krasi se na ini maksin.

 9 Na taki a taki, ne ala sani kon de.

Na taki a taki nomo, dan ala sani tnapu steifi na den presi.

10 Yehovah bruya den sma fu grontapu so taki den no man du san den abi na prakseri.

A gens den pipel, so taki den no man du san den wani du.

11 Ma san Yehovah besroiti, na dati o psa ala ten.

Ala ten a e du san a abi na prakseri.

12 Koloku fu den sma di abi Yehovah leki Gado.

Iya, koloku fu a pipel di a teki leki a gudu fu en.

13 Yehovah e luku kmoto fu hemel.

A e si ala libisma.

14 Kmoto fu a presi pe a e tan,

a e luku ala den sma di e libi na grontapu.

15 Na Gado meki na ati fu libisma.

A e ondrosuku ala den sani di den e du.

16 A no a bigi legre fu wan kownu o meki taki a kisi ferlusu.

A no fu di wan tranga man abi furu krakti meki a o tan na libi.

17 No denki taki asi man tyari ferlusu kon.*

Awinsi fa den tranga, tòg den no man yepi sma.

18 Luku, Yehovah e poti prakseri na den sma di e lespeki en.

A e poti prakseri na den sma di e wakti en, fu sori den taki a lobi* den.

19 A e poti prakseri na den fu den no dede

èn fu hori den na libi na ini angriten.

21 Na en e meki wi ati prisiri.

Wi poti wi fertrow na ini en santa nen.

22 Tye Yehovah, sori wi taki yu lobi* wi.

Na yu wi e wakti fu yepi wi.

34 Mi o prèise Yehovah ala ten.

Mi o tan gi en grani.

 2 Mi o prèise Yehovah gi den sani di a du.

Den safr’ati sma o yere èn den o prisiri.

 3 Gi Yehovah glori makandra nanga mi.

Meki wi alamala prèise en nen.

 5 Koloku fu den sma di e fertrow na en tapu,

bika noiti den o kisi syen.

 7 Na engel fu Yehovah de lontu ala den sma di e lespeki Gado

èn a e ferlusu den.

 8 Tesi èn si taki Yehovah bun.

Koloku fu a sma di e go suku kibri na en.

 9 Lespeki Yehovah, un alamala di e dini en,*

bika den wan di e lespeki en no e mankeri noti.

10 Srefi den yongu lew* angri e kiri son leisi,

ma den sma di e suku yepi na Yehovah no o mankeri noti.

11 Un kon mi manpkin, un arki mi.

Mi o leri unu fa fu abi lespeki gi Yehovah.

12 Efu yu lobi a libi

èn efu yu e angri fu si soso bun ten,

13 dan sorgu taki yu no taki ogri nanga yu mofo*

èn yu* no taki sani fu bedrigi sma.

14 No du ogri moro, ma du san bun.

Suku freide èn du muiti fu feni en.

15 Den ai fu Yehovah e si den sma di e du san reti

èn den yesi fu en e yere te den e bari suku yepi na en.

16 Ma Yehovah e drai baka gi den wan di e du ogri.

A o figi den puru na grontapu, so taki nowan sma no memre den moro.

17 Den ret’ati sma bari kari Yehovah èn a yere den.

A puru den na ini ala den nowtu fu den.

18 Yehovah de krosbei fu den sma di las’ati.

A e ferlusu den wan di brokosaka.

19 A sma di e du san reti abi furu problema,

ma Yehovah e lusu den alamala gi en.

20 A e kibri ala den bonyo fu a sma disi,

so taki nowan fu den broko.

21 Ogri o miti den ogrisma èn den o dede.

Den wan di no lobi den ret’ati sma o kisi strafu.

22 Yehovah e kibri a libi fu den futuboi fu en.

Nowan fu den sma di e lon go kibri na en o kisi strafu.

35 Yehovah, mi e begi yu, opo taki gi mi na fesi den wan di e gens mi.

Feti nanga den sma di e feti nanga mi.

 2 Teki yu pkin schild* nanga yu bigi schild

èn opo kon yepi mi.

 5 Meki den kon de leki aleisibuba di winti e wai gwe.

Meki na engel fu Yehovah yagi den gwe.

 6 Meki a pasi fu den kon dungru èn grati

te na engel fu Yehovah e hari go na den baka.

 7 Bika mi no du noti nanga den, ma tòg den seti wan nèt fu kisi mi.

Mi no du noti, tòg den diki wan olo fu meki mi fadon go na ini.

 8 Meki ogri miti den sondro taki den ben ferwakti dati.

Meki a srefi nèt di den ben seti gi mi fanga den.

Meki den dede te den fadon go na ini a nèt.

 9 Ma mi o prisiri nanga Yehovah.

Mi o prisiri fu di na en ferlusu mi.

Na yu e ferlusu den mofinawan fu den sma di tranga moro den.

Na yu e kibri den mofinawan nanga den pôtiwan gi den sma di e pina den.”

11 Ogr’ati kotoigi e lei gi mi na fesi krutu.

Den e aksi mi sani di mi no sabi.

12 Den pai mi ogri fu bun.

Den e meki mi firi leki wan sma fu mi dede.

13 Ma te den ben siki, mi ben e weri rowkrosi.*

Wan heri pisi ten mi ben e pina misrefi fu di mi no ben e nyan.*

Te Gado no ben e arki den begi fu mi,

14 mi ben e waka lontu leki wan sma di e row. Mi ben e firi leki wan mati fu mi noso mi eigi brada dede.

Mi ben e sari neleki fa wan sma e sari te a lasi en m’ma.

15 Ma di mi kisi problema den ben e prisiri èn den kon makandra.

Iya, den kon makandra fu luku fa den kan du mi ogri.

Den tan taki ogr’ati lei fu mi.

16 Den ogrisma e spotu mi.*

Den e luku mi nanga atibron.

Ferlusu mi fu di den e du ogri nanga mi.

Iya, puru a warti libi fu mi na ini a mofo fu den yongu lew.*

18 Dan mi o prèise yu na mindri ala den sma di kon makandra.

Mi o prèise yu te mi de na mindri furu sma.

19 Sma tron mi feanti sondro fu mi du den wan sani. No meki den prisiri te ogri miti mi.

Mi no du nowan ogri, ma tòg sma de di e teige mi. No meki den spotu mi.

20 Den no e taki switi nanga sma.

A wan-enkri sani di den abi na prakseri,

21 Den e opo den mofo fu lei gi mi.

Den e taki: „Ai! Kisi en moi! Nanga wi eigi ai wi si san psa.”

23 Mi e begi yu, opo! Wiki èn koti krutu gi mi.

Yehovah mi Gado, krutu a tori fu mi na wan reti fasi.

24 Yehovah mi Gado, krutu mi na wan reti fasi fu di yu na wan Gado di e du san reti.

No meki den prisiri fu na ogri di miti mi.

26 Meki ala den sma di breiti taki ogri miti mi, kisi syen.

Meki den fesi fadon.

27 Ma meki den wan di breiti taki mi e du san reti bari fu prisiri.

Meki den tan taki:

28 Mi o taki* fu a retidu fu yu

èn heri dei mi o prèise yu.

36 Dipi na ini na ati fu na ogrisma wan sten e taigi en fu du ogri.

A no abi nowan lespeki gi Gado.

 2 A e kori ensrefi taki a betre moro tra sma.

Dati meki a no e si den fowtu fu en èn a no e hati en taki a du den.

 3 A e taki sani nanga en mofo fu hati trawan èn fu kori den.

A no sabi moro fa fu du bun.

A e teki wan pasi di no bun.

A no e wai pasi gi ogri.

 5 Yehovah, a bun-ati* fu yu e doro te na hemel.

Den bun sani di yu e du furu so te, taki den e doro te na den wolku.

 6 A retidu fu yu de leki den bigi bergi.*

Den wet fu yu de leki den dipi presi pe furu watra de.

 8 Den e nyan den bere furu nanga den moro bun sani* na ini yu oso.

Yu gi den furu bun sani. Iya, a de neleki den e dringi fu wan liba di abi furu watra.

 9 Yu na a sma di e gi libi.

Na a leti fu yu e meki taki wi man si leti.

10 Tan sori bun-ati* gi den wan di sabi yu

èn tan du san reti gi den wan di e dini yu nanga den heri ati.

11 No meki a futu fu den heimemre sma masi mi.

No gi den ogriwan na okasi fu meki mi tron wan loweman.

12 Luku! Den ogrisma fadon.

Sma pusu den trowe na gron èn den no man opo.

37 No ati bron te sma e du ogri.

No dyarusu tapu ogrisma.

 2 Neleki grasi den o drei gwe es’esi

èn neleki grun grasi den o pori gwe.

 3 Fertrow tapu Yehovah èn du san bun.

Tan libi na grontapu èn du sani nanga wan krin ati.

 4 Prisiri nanga Yehovah,

dan a o gi yu san yu ati wani.

 5 Poti yu libi na ini Yehovah anu.

Fertrow na en tapu, dan ensrefi o yepi yu.

 6 Neleki fa a leti fu son de krin fu si na m’manten, na so a o meki ala sma si den bun di yu e du.

A o meki a retidu fu yu skèin, neleki fa son e skèin na mindridei.

 7 Tan pî te yu de na fesi Yehovah

èn wakti en nanga pasensi.

No nyan yu niri

te sma e du den ogri di den e sdon e prakseri.

 8 No ati bron èn no rigeri moro.

No mandi èn no go du ogri.*

 9 Bika Gado o kiri den ogrisma,

ma den sma di e howpu tapu Yehovah o kisi grontapu.

10 Ete wan syatu pisi ten èn den ogriwan no o de moro.

Yu o luku pe den ben de fosi,

ma den no o de moro.

11 Ma den safr’ati sma o kisi grontapu

èn den o abi furu prisiri fu di freide o lai.

12 Na ogriwan e sdon prakseri fa a kan du ogri nanga den ret’ati sma.

Te a e si den a e kuku fu atibron.*

13 Ma Yehovah o lafu en,

bika a sabi taki a sma dati o dede wan dei.

14 Den ogriwan hari den fet’owru èn den span den bo

fu meki den pôtiwan nanga den sma di e pina fadon,

iya, fu kiri den wan di e waka a reti pasi.

15 Ma den fet’owru fu den o boro den eigi ati.

Den bo fu den o broko.

16 Awinsi wan ret’ati sma no abi furu sani,

tòg dati moro bun leki den gudu fu furu ogrisma.

17 Den anu fu den ogrisma o broko,

ma Yehovah o horbaka gi den ret’ati sma.

18 Yehovah sabi san e miti den sma di e du san reti*

èn a o gi den wan gudu di o tan fu ala ten.

19 Den no o kisi syen te problema miti den.

Den o abi nofo n’nyan te angriten de.

20 Ma den ogriwan o dede gwe.

Den feanti fu Yehovah o drei gwe leki a grasi fu moi weigron.

Den o wai gwe leki smoko.

21 Den ogriwan lobi leni sondro fu pai baka,

ma den ret’ati sma e du bun gi trawan èn den lobi fu gi sma sani.

22 Den sma di Gado blesi o kisi grontapu,

ma a o kiri den wan di a fluku.

23 Te wan sma e libi na wan fasi di e prisiri Gado,

dan Yehovah o sori en a pasi di a musu waka.

24 Awinsi a sma dati stotu en futu, a no o fadon na gron,

bika Yehovah e hori en anu.*

25 Mi ben yongu, now mi kon owru.

Ma noiti mi si taki Gado gwe libi wan ret’ati sma.

Noiti mi si taki den pkin fu en e waka e suku n’nyan.

26 Ala ten a ret’ati sma e leni sma iniwan sani di den abi fanowdu.

Dati meki den pkin fu en o kisi blesi.

27 No du ogri, ma du san bun.

Dan yu o tan libi na grontapu fu ala ten.

28 Yehovah lobi te sani e waka na wan reti fasi.

Dati meki a no o gwe libi den sma di e tai hori na en.

A o kibri den fu ala ten.

Ma a o kiri den pkin fu den ogrisma.

29 Den ret’ati sma o kisi grontapu

èn fu têgo den o libi drape.

30 A mofo fu a ret’ati sma e taki koni sani

èn a tongo fu en e taki sani di reti.

31 A wet fu a Gado fu en de na ini en ati.

Te a e waka a no o grati fadon.

32 Den ogrisma e seti luru gi den ret’ati sma

èn den e suku fu kiri den.

33 Ma Yehovah no o libi den ret’ati sma gi den ogrisma

èn a no o strafu den te den kon na fesi krutu.

34 Howpu tapu Yehovah èn tan waka a pasi fu en,

dan a o gi yu a grani fu libi na grontapu.

35 Mi si fa a libi ben e go bun gi den ogr’ati sma.

Den ben de leki wan bigi bon di e gro na ini bun doti.

36 Ma fosi yu denki den dede gwe èn den no ben de moro.

Mi suku den, ma mi no feni den.

37 Hori den sma na ai di e du bun*

èn luku san den krin-ati sma e du,

bika na ini a ten di e kon sani o waka bun gi den.

38 Ma ala den sma di e du sondu o dede.

Te fu kba den ogriwan no o de moro.

39 Yehovah e ferlusu den ret’ati sma.

En na a fortresi* fu den te den de na nowtu.

A o ferlusu den fu den ogriwan èn a o kibri den,

bika na en den e lon go suku kibri.

38 Yehovah, mi e begi yu, no strafu mi te yu ati e bron

èn no pir’ai gi mi te yu abi bigi atibron.

 2 Bika den peiri fu yu boro go dipi na ini mi skin

èn yu anu de hebi na mi tapu.

 4 Den fowtu fu mi furu so te, taki den psa mi ede.

Den de leki wan hebi lai na mi tapu, iya, den hebi tumsi fu tyari.

 5 Den soro fu mi e tingi èn den e pori

fu di mi du dondon sani.

 6 Mi las’ati èn mi e firi brokosaka.

Heri dei mi e waka lontu e sari.

 7 Mi heri inbere e faya.

Mi heri skin siki.

 8 Mi no man firi noti moro èn mi e firi brokosaka srefsrefi.

A pen na ini mi ati hebi so te, taki mi wani bari.

 9 Tye Yehovah, yu sabi san mi wani.

Mi no ben man kibri den geme fu mi gi yu.

10 Ala mi ati e naki. Mi krakti gwe libi mi

èn mi ai kon dungru.

11 Den mati fu mi no wani moksi nanga mi fu di mi e siki

èn den sma di sabi mi bun e tan farawe fu mi.

12 Den sma di wani kiri mi e seti val gi mi

èn den wan di e suku fu du mi ogri e taki lei fu mi.

Heri dei den e sdon prakseri fa den kan bedrigi mi.

13 Ma neleki wan dofu sma, mi ben e gi den dofusei.

Neleki wan babaw sma, mi no ben e opo mi mofo fu taki.

14 Mi ben e du leki mi no ben e yere den

èn mi no ben opo mi mofo fu piki den.

15 Bika na yu mi ben e wakti, Yehovah

èn yu piki mi, Yehovah mi Gado.

16 Mi taki: „No meki den lafu mi.

No meki den wiswasi mi efu mi futu grati.”

17 Fu di bijna mi ben fadon

èn soso pen mi ben abi.

18 Ne mi ferteri yu sortu fowtu mi meki.

Mi ben e broko mi ede fu di mi ben sondu.

19 Ma den feanti fu mi tranga* èn den abi furu makti.*

Mi no ben du den noti, ma tòg moro nanga moro sma e teige mi.

20 Den ben e pai mi ogri fu bun.

Mi ben e du bun, ma den ben e gens mi.

22 Tye Yehovah, kon yepi mi es’esi

fu di na yu e ferlusu mi.

39 Mi taki: „Mi o luku bun fa mi e waka,

so taki mi no sondu nanga mi mofo.

Mi o tai mi mofo tapu, so taki mi no taki noti.

Mi o du disi solanga ogrisma de krosbei fu mi.”

 2 Mi no ben e taki noti moro, iya, mi tan pî.

Srefi bun sani mi no ben e taki moro,

ma mi ben e abi furu pen.*

 4 „Tye Yehovah, yepi mi fu kon sabi a kba fu mi libi

èn o langa mi abi fu libi ete.

Dan mi kan kon sabi o syatu mi libi de.

 5 Luku, yu gi mi wan syatu ten nomo fu libi.

Gi yu a libi fu mi no langa srefsrefi.

 9 Mi ben tan pî.

Mi no ben man opo mi mofo srefi,

bika na yu ben e du den sani disi nanga mi.

11 Yu e strafu libisma gi den fowtu fu den, fu di yu wani taki den waka a yoisti pasi.

Yu e pori den gudu fu den, neleki fa woron* e nyan krosi.

12 Yehovah, grantangi, arki a begi fu mi.

Arki fa mi e kari yu fu yepi mi.

bika mi de leki wan trakondre sma gi yu.

Iya, mi de leki wan sma di kon tan wan syatu pisi ten nomo,* neleki den afo fu mi.

13 No luku mi nanga atibron moro,

so taki mi kan prisiri baka fosi mi dede gwe.”*

40 Nanga mi heri ati mi ben e howpu tapu* Yehovah.

A poti yesi arki* mi èn a yere fa mi ben e bari suku yepi.

 2 A puru mi na ini wan peti pe watra e kuku kon na tapu.

A puru mi na ini a fisti tokotoko.

Dan a poti mi tnapu na tapu wan stonbergi.

A meki mi tnapu steifi.

 3 Baka dati a leri mi wan nyun singi,

wan prèisesingi gi a Gado fu wi.

Furu sma o si san Gado du èn den o kisi bigi lespeki gi en.

Den o fertrow tapu Yehovah.

 4 Koloku fu a sma di e fertrow tapu Yehovah

èn di no e suku yepi na den heimemre sma noso den sma di e bribi lei.*

 5 Yehovah mi Gado, yu du furu sani.

Iya, yu du kfalek moi sani gi wi

èn ala ten baka yu e prakseri wi.

Nowan sma de leki yu.

Awinsi mi ben o wani ferteri sma fu ala den sani di yu du,

tòg mi no ben o man, bika den furu tumsi.

 6 Yu no ben wani* den meti di wi ben e srakti leki ofrandi nanga den tra sortu ofrandi fu wi.

Ma yu opo mi yesi, so taki mi ben kan yere yu.

 8 Gado, mi e prisiri* fu du a wani fu yu.

A wet fu yu de dipi na ini mi ati.

Iya, mi no e hori mi mofo.

Yehovah, yu sabi dati heri bun.

Mi abi so furu sondu, taki mi no man si pe mi e go.

Den furu moro den w’wiri na mi ede.

Dati meki mi las’ati.

14 Meki ala den sma di e suku fu kiri mi, kisi syen.

Broko den saka.

Meki den sma di e prisiri te ogri miti mi, drai gwe baka.

Meki den fesi fadon.

16 Ma meki ala sma di e suku yu, breiti.

Iya, meki den prisiri nanga yu.

17 Mi no abi nowan sma fu yepi mi èn mi pôti.

Yehovah, poti prakseri na mi.

Yu na mi Yepiman èn yu na mi Ferlusuman.

Mi Gado, no kon lati.

41 Koloku fu a sma di e yepi den mofinawan.

Yehovah o ferlusu en te problema miti en.

Sma na grontapu o taki dati a de wan koloku sma.

Noiti yu o gi en abra na den feanti fu en.

 3 Yehovah o yepi en te a e d’don siki na tapu en bedi.

A o sorgu en te a de na tapu en sikibedi.

A e luku sortu ogri fu mi a kan go taki.

Dan te a e go na dorosei, a e ferteri ala sma.

 7 Ala den sma di e teige mi e taki mi tori.

Den e luku fa den kan du mi ogri. Den e taki:

 8 „Wan bigi ogri miti en.

Fa a d’don drape, a no o opo moro.”

 9 Srefi a bun mati fu mi di mi ben e fertrow,

iya, a sma di ben e nyan mi n’nyan, e suku fu du mi ogri.*

10 Yehovah, mi e begi yu, du bun gi mi èn meki mi opo,

so taki mi kan pai den baka.

12 Fu di mi du san yu taki, meki yu horbaka gi mi.

Yu o prisiri nanga mi fu ala ten.

13 Prèise Yehovah, a Gado fu Israel.

Prèise en fu têgo.

42 Neleki fa wan dia e angri fu go dringi watra na den liba,

na so mi e angri fu mi Gado.

 3 Dei nanga neti mi e krei. Den watra-ai fu mi kon de leki n’nyan gi mi.

Heri dei den feanti fu mi e aksi mi: „Pe a Gado fu yu de now?”

 4 Mi e sari te mi e prakseri fa sani ben de fosi.

Fosi, mi ben gwenti waka nanga a bigi grupu sma.

Mi ben gwenti waka na den fesi fu go na a oso fu Gado.

Wi ben e bari fu prisiri èn wi ben e singi fu taki Gado tangi.

Wi ben de leki wan bigi grupu sma di ben e hori wan fesa.

Mi o wakti Gado,

bika mi sabi taki wan ten o kon taki mi o prèise mi Bigi Ferlusuman baka.

Dati meki mi e prakseri yu

te mi de na a kondre pe Yordan-liba e lon, te mi de na a ede fu Hermon-bergi

èn te mi de na tapu Misar-bergi.*

 7 Mi e yere a b’bari fu watra,

a b’bari fu a watra di e saka kon na ondro.

 8 Na deiten Yehovah o sori mi taki a lobi* mi

èn na neti mi o singi fu en. Mi o begi a Gado di e gi mi libi.

10 Den feanti fu mi e spotu mi so te, taki mi e firi en te na ini mi bonyo.*

Heri dei den e aksi mi: „Pe a Gado fu yu de now?”

Mi o wakti Gado,

bika mi sabi taki wan ten o kon baka taki mi o prèise mi Bigi Ferlusuman, a Gado fu mi.

43 Gado, mi e begi yu, koti krutu gi mi.

Opo taki gi mi na fesi wan pipel di no tai hori na yu.

Meki den sori mi a pasi.

Meki den tyari mi go na yu santa bergi èn na a tabernakel fu yu.

 4 Mi o kon na a altari fu Gado.

Mi o kon na fesi Gado di e gi mi furu prisiri.

Mi o wakti Gado,

bika mi sabi taki wan ten o kon baka taki mi o prèise mi Bigi Ferlusuman, a Gado fu mi.

44 Gado, nanga wi yesi wi yere fu yu.

Den afo fu wi ferteri wi

san yu du na ini a ten fu den,

iya, san yu du langa ten psa.

 2 Yu yagi den tra pipel

èn yu meki den afo fu wi tan na ini a kondre fu den pipel dati.

 3 A no nanga den eigi fet’owru den afo fu wi teki a kondre abra.

A no fu di densrefi ben tranga so, meki den kon fri,

ma na fu di yu abi bigi makti, fu di yu tranga èn fu di yu e du bun.

Yu du disi, fu di yu lobi den.

 4 Gado, yu na mi Kownu.

Meki Yakob wini ala den feanti fu en.*

 5 Na yu o gi wi krakti fu wini den feanti fu wi.

Na ini yu nen wi o trapu den wan di e opo densrefi teige wi.

 6 Mi no e fertrow tapu a bo fu mi

èn mi fet’owru no o meki mi wini a feti.

 7 Na yu kibri wi gi wi feanti.

Yu meki den sma di e teige wi, kisi syen.

 8 Heri dei wi o gi Gado glori

èn wi o prèise en nen fu têgo. (Sela)

 9 Ma now yu gwe libi wi èn yu gi wi syen.

Yu no e hari go feti makandra nanga den legre fu wi.

10 Ibri leisi yu e meki wi lon gi den feanti fu wi.

Den sma di e teige wi e teki san den wani.

11 Yu gi wi abra na den feanti fu wi. Den kiri wi leki skapu.

Yu panya wi go na ala sei fu grontapu.

12 Yu seri yu pipel gi wan lawlaw moni.

Yu no meki nowan winst srefi.

13 Yu meki wi tron sma di trawan e spotu.

Ala sma na wi lontu e lafu wi èn den e wiswasi wi.

14 Yu meki den sma fu den tra kondre koti odo gi wi.

Den sma fu den tra kondre e seki den ede.

15 Heri dei mi e firi syen.

Soso syen e kisi mi.

16 Na mi feanti e taki sani fu wiswasi mi èn den e kosi mi,

fu di den wani puru atibron na mi tapu.

17 Awinsi ala den sani disi psa nanga wi, tòg wi no fergiti yu

èn wi no broko a ferbontu fu yu.

18 Wi no drai baka gi yu

èn wi futu no kmoto na a pasi fu yu.

19 Ma yu meki wi lasi a strei na a presi pe den sabanadagu e tan.

Yu meki wi sari so te, taki a ben de neleki bigi dungru tapu wi.

20 Efu wi no e kari a nen fu wi Gado moro

noso efu wi e opo wi anu go na loktu fu begi wan tra gado,

21 dan na Gado srefi o kon sabi disi,

22 Na fu yu ede meki ala ten baka sma e kiri wi.

Den e teki wi leki skapu di den e tyari go srakti.

25 Sma meki wi fadon go na gron.

Iya, wi fadon langalanga na gron.

 3 Yu di abi makti, tai yu fet’owru na yu seibere.

Weri grani nanga glori leki krosi na yu skin.

 4 Go wini den feanti fu yu nanga a glori fu yu.

Rèi yu asi èn feti gi sani di tru.

Feti gi den sma di abi sakafasi èn gi retidu.

 5 Mi Kownu, den srapu peiri fu yu e meki sma fadon dede na yu futusei.

Den e boro go na ini na ati fu den feanti fu yu.

 6 Gado na yu kownusturu fu ala ten, iya, fu têgo.

Nanga a kownutiki fu yu kownukondre yu e tiri na wan reti fasi.

 8 Ala den krosi fu yu e smeri leki mirre-oli, aluwe-udu nanga kasia.

Sma e prei poku na ini a bigi kownu-oso di den meki kon moi nanga ivoor. Te yu e yere a poku disi, yu e prisiri.

10 Mi umapkin, poti prakseri èn arki bun.

Fergiti den sma fu yu nanga a famiri fu yu p’pa.

11 Dan Kownu o lobi yu fu di yu moi,

bika en na yu masra.

Sobun, boigi gi en.

12 Na umapkin fu Tirus o kon nanga wan kado.

Den moro gudu man o kon na yu fu di den wani taki yu feni den bun.

13 Na umapkin fu Kownu de na ini kownu-oso* èn a moi srefsrefi.

Den moi en krosi* nanga gowtu titei.

15 Ala sma o breiti èn den o de nanga bigi prisiri te den e tyari den yongu uma kon drape.

Dan den o go na ini na oso fu Kownu.

46 Gado na wan kibripresi gi wi èn a e gi wi krakti.

Ala ten wi kan feni yepi na en te wi de na nowtu.

 2 Dati meki wi no o frede, awinsi grontapu ben o kenki

noso awinsi den bergi ben o seki so te, taki den broko fadon èn sungu gwe na ini a dipi se.

 3 Wi no o frede, awinsi a watra fu a se krasi èn e kuku skuma kon na tapu,

iya, awinsi a krasi se e meki den bergi seki. (Sela)

 4 Wan liba de èn den kriki fu en e meki a foto fu Gado prisiri.

Iya, den e meki a moro santa presi prisiri. Dati na a santa tabernakel fu a Moro Heiwan.

 6 Den kondre ben e bruya èn den kownukondre fadon.

Di a opo en sten, grontapu bigin smelter.

 7 Yehovah di e tiri den legre de nanga wi.

A Gado fu Yakob de leki wan bergi pe wi kan lon go kibri. (Sela)

 8 Un kon luku san Yehovah du.

Un kon luku sortu bigi sani a du na grontapu.

A e broko den bo èn den lansri a e broko pispisi.

Den fetwagi* a e bron na ini faya.

Na mi den pipel fu den kondre o gi bigi grani.

Na mi den sma fu grontapu o gi glori.”

11 Yehovah di e tiri den legre de nanga wi.

A Gado fu Yakob de leki wan bergi pe wi kan lon go kibri. (Sela)

 2 Yehovah, a Moro Heiwan, bigi srefsrefi.*

En na a bigi Kownu di e tiri heri grontapu.

 3 A e meki wi wini den pipel fu tra kondre.

A e meki wi basi den sma fu den kondre.

 4 Ensrefi o gi wi wan kondre leki gudu.

A gudu disi e gi Yakob, di a lobi, furu prisiri. (Sela)

 5 Sma ben e bari fu prisiri di Gado opo go na a kownusturu fu en.

Sma ben e bro tutu* di Yehovah opo go na a kownusturu fu en.

 7 Bika Gado na Kownu fu heri grontapu.

Un singi prèisesingi èn sori taki un koni.

 9 Den tiriman fu den kondre kon na wán

makandra nanga a pipel fu a Gado fu Abraham.

48 Yehovah bigi èn ala sma musu prèise en na ini a foto fu wi Gado,

na tapu en santa bergi.

 2 Sion-bergi, di de te na noordsei, hei èn a moi.

Ala sma na grontapu e prisiri nanga a bergi disi,

iya, nanga a foto fu a Bigi Kownu.

 3 Na ini den toren fu a foto disi,

Gado meki sma sabi taki en na wan kibripresi.*

 4 Luku, den kownu kon na wán.

Makandra den hari go feti nanga a foto.

 6 Leti drape den bigin beifi.

Hebi pen naki den neleki wan uma di de fu meki wan pkin.

 8 Wi ben yere san Gado ben du èn now wisrefi si.

Wi si san psa na ini a foto fu Yehovah di e tiri den legre, iya, a foto fu wi Gado.

 9 Gado, na ini a tempel fu yu

wi e denki dipi fu a bun-ati* fu yu.

10 Gado, sma na ala sei sabi yu nen èn den e prèise yu

te na den farawe presi fu grontapu.

11 Meki Sion-bergi prisiri.

Meki den foto* fu Yuda breiti, fu di yu krutu sani na wan reti fasi.

12 Un waka lontu Sion.

Teri omeni toren a abi.

Ondrosuku den fortresi* fu en,

so taki unu kan ferteri den bakapkin fu unu san unu si,

Un alamala di e libi na grontapu, un kaka un yesi arki,

 2 iya, ala libisma,

guduwan nanga pôtiwan.

 3 Nanga mi eigi mofo mi o taki koni sani.

Na soso dipi tori mi o sdon prakseri.

 4 Mi o poti yesi arki wan odo.

Mi o prei harpu fu tyari a kibritori fu mi kon na krin.

 5 Fu san ede mi musu frede te problema e miti mi,

noso te den takr’ati sma e lontu mi fu du mi ogri?

 6 Yu abi sma di e fertrow tapu den gudu fu den

èn di e dyaf taki den abi bun furu gudu.

 7 Ma nowan fu den kan ferlusu wan tra sma

èn den no man pai Gado fu bai a sma disi kon fri.

 8 (A paiman di musu pai fu bai wan sma baka hei so te,

taki noiti wan libisma o man pai en.)

 9 Den no man pai Gado fu meki a sma libi fu têgo èn fu no meki a go na ini grebi.

10 Den e si taki srefi den koniwan e dede

èn taki srefi den donwan nanga den wan di no abi ferstan e dede gwe.

Den abi fu libi den gudu fu den na baka gi tra sma.

11 Na ini den ati den e winsi taki den oso fu den kan tan fu ala ten

èn taki den pkin nanga bakapkin fu den kan kisi den oso fu den.

12 Ma awinsi libisma abi biginen, tòg den no man tan na libi fu ala ten.

Neleki fa den meti e dede, na so den e dede tu.

13 Disi e psa nanga den sma di no abi ferstan

èn nanga den wan di e waka na den baka èn di lobi den dondon sani di den e taki. (Sela)

Dede o de a skapuman fu den.

Na m’manten den ret’ati sma o tiri den.

Noti fu den o tan abra.

Den no o tan na ini moi oso, ma na ini Grebi* den o tan.

15 Ma Gado o puru mi na ini na anu* fu Grebi.

A o hari mi puru fu drape. (Sela)

16 No frede te yu si taki wan sma e kon gudu,

noso te en oso e kon moro moi dei fu dei.

17 Bika te a dede a no man tyari noti gwe.

A no man tyari den gudu fu en go nanga en.

20 Awinsi wan sma abi biginen, efu a no e ferstan a sani disi,

a o dede gwe leki den meti.

50 Yehovah, a Gado di hei moro ala tra gado,* opo taki.

Fu owstusei te go miti west-sei

a e kari den sma fu grontapu kon.

Leti na en fesi wan bigi faya e bron

èn wan bun bigi winti e wai na en lontu.

 4 A e kari hemel nanga grontapu kon,

so taki a kan krutu a pipel fu en. A e taki:

 5 „Tyari den wan di tai hori na mi, kon na mi,

iya, den wan di e tyari wan ofrandi fu sori taki den meki wan ferbontu nanga mi.”

 6 Hemel e taki fu a retidu fu Gado,

bika na Gado na Krutuman. (Sela)

 7 „Mi pipel, un arki, dan mi o taki.

Israel, mi o taki sortu ogri unu du.

 8 A no fu den srakti-ofrandi fu yu, meki mi e pir’ai gi yu.

Mi no e pir’ai gi yu fu den bron-ofrandi di yu e tyari gi mi ibri tron baka.

 9 Mi no abi fu teki nowan mankaw fu yu

èn mi no abi fu teki nowan bokoboko puru na ini yu koi.

10 Bika na mi abi ala den busimeti.

Srefi den meti na tapu ala den bergi na fu mi.

11 Mi sabi ibri fowru di e libi na den bergi.

Ala den meti di de na a sabana na fu mi.

12 Efu angri ben e kiri mi, mi no ben o taigi yu,

bika grontapu nanga ala sani di de na en tapu na fu mi.

13 Mi no e nyan a meti fu mankaw

èn mi no e dringi a brudu fu bokoboko.

14 Gi Gado tangi leki wan ofrandi

èn du san yu pramisi a Moro Heiwan.

15 Kari mi te yu de na nowtu.

„Sortu reti yu abi fu ferteri sma fu den wet fu mi?

Sortu reti yu abi fu taki fu a ferbontu fu mi?

17 Yu no lobi en srefsrefi te mi e gi yu rai

èn noiti yu e poti prakseri na san mi e taki.*

18 Te yu e si wan fufurman, dan yu e feni en bun taki a e fufuru.*

Yu e moksi nanga sma di e waka gi den trowpatna.

19 Na soso ogri yu e taki nanga yu mofo.

Yu e taki sani fu bedrigi sma.

20 Yu e sdon nanga trawan e taki ogri fu yu eigi brada.

Yu e gi yu eigi brada pornen.

21 Di yu du den sani disi mi no taki noti.

Dati meki yu ben denki taki mi de leki yu.

Ma now mi o strafu yu

èn mi o tyari den fowtu fu yu kon na krin.

22 Unu di no e arki Gado, grantangi, un poti prakseri na a sani disi,

so taki mi no priti unu pispisi. Bika nowan sma o man ferlusu unu.

23 A sma di e gi mi tangi leki ofrandi, e gi mi glori.

Èn a sma di e tan du san reti

o si fa mi o ferlusu en.”

 2 Wasi mi kon krin fu den fowtu fu mi

èn meki mi kon krin fu den sondu fu mi.

 3 Bika mi sabi sortu fowtu mi meki

èn ala ten mi e prakseri a sondu di mi du.

 4 Na a fosi presi mi sondu teige yu.*

Mi du sani di yu no feni bun.

Dati meki yu abi leti fu krutu mi

èn yu e koti krutu na wan soifri fasi.

 5 Nanga sondu mi m’ma meki mi.

Mi ben abi sondu kba di mi bigin gro na ini mi m’ma bere.

 6 Yu e prisiri taki mi abi wan krin ati.

Poti koni go dipi na ini mi ati.

 7 Puru mi sondu,* so taki mi kan kon krin.

Wasi mi, so taki mi kan kon weti moro snew.

 8 Meki mi yere fa sma e bari fu prisiri,

so taki den bonyo di yu ben masi kan prisiri baka.

 9 No luku* den sondu fu mi

èn figi ala mi fowtu puru.

10 Gado, mi e begi yu, meki mi kon abi wan krin ati

èn meki mi kisi wan nyun denki di o yepi mi fu tan du san yu taki.

11 Mi e begi yu, no trowe mi kmoto na yu fesi

èn no puru yu santa yeye na mi tapu.

12 Meki mi prisiri baka, neleki fa mi ben prisiri di yu ben ferlusu mi.

Meki mi kisi na angri fu du a wani fu yu.

13 Mi o meki den sma di e sondu kon sabi den pasi fu yu,

so taki den kan drai kon baka na yu.

14 Mi Gado, mi Ferlusuman, no meki mi abi brudu-paiman moro,

so taki mi tongo kan taki nanga prisiri fu den reti sani di yu e du.

15 Yehovah, mi e begi yu, opo mi mofo,

so taki mi kan ferteri sma fu a glori fu yu.

16 Bika yu no wani ofrandi, noso mi ben o tyari en gi yu.

Iya, yu no e prisiri nanga bron-ofrandi.

17 Den ofrandi di Gado lobi, na den sani di sma e du fu sori taki den e sari trutru.

Mi Gado, yu no o drai yu baka gi* wan sma di brokosaka noso wan sma di las’ati.

18 Mi e begi yu fu du bun gi Sion, fu di yu na wan bun Gado.

Bow den skotu fu Yerusalem baka.

19 Dan fosi yu o prisiri nanga den ofrandi di sma e tyari gi yu nanga wan krin ati.

Yu o prisiri nanga bron-ofrandi èn nanga tra sortu ofrandi.

Iya, dan fosi sma o bron mankaw leki ofrandi na tapu yu altari.

 2 Yu tongo srapu leki wan nefi.

Yu e taki sani di e tyari problema kon èn yu e bedrigi sma.

 3 Yu lobi san ogri moro leki san bun.

Yu lobi ferteri lei moro leki fu taki san tru. (Sela)

 4 Yu di abi wan tongo di e kori sma,

yu lobi taki sani fu du trawan ogri!

 5 Gado o broko yu puru fu têgo.

A o grabu yu èn a o srepi yu puru na ini yu tenti.

A o rutu yu puru na ini a kondre fu den libiwan. (Sela)

 6 Den ret’ati sma o si disi èn den o ferwondru.

Den o lafu na ogri sma.

 7 Den e taki: „A sma disi no e si Gado leki en kibripresi.*

Ma a e fertrow tapu den furu gudu di a abi.

A denki taki den ogri di a e du o yepi en.”

 8 Ma mi o de leki wan bigi olèifbon na ini na oso fu Gado.

Mi abi a fertrow taki Gado o sori mi bun-ati* fu ala ten, iya, fu têgo.

 9 Mi o prèise yu fu ala ten, fu di yu opo du wan sani.

Mi o fertrow tapu yu nen fu di yu nen bun.*

Mi o du disi makandra nanga den sma di e tai hori na yu.

Den no e du san reti. Na soso ogri den e du. Den sani di den e du e gi groskin.

Nowan fu den e du bun.

 2 Ma Gado de na hemel e luku libisma

fu si efu sma de di abi koni, iya, fu si efu wan sma de di e suku Yehovah.

 3 Den alamala drai baka gi Gado.

Den alamala kruka.

Nowan fu den e du bun,

nôno, nowan fu den.

 5 Ma den o kon frede srefsrefi.

Noiti ete den ben frede so.*

Bika Gado o panya den bonyo fu den sma di e kon feti nanga Israel.

Meki Yakob prisiri, iya, meki Israel breiti

te Yehovah tyari en pipel di ben de na ini katibo, kon baka.

54 Mi Gado, ferlusu mi èn gi yu nen glori.

Opo taki gi mi, bika yu abi a makti fu du dati.

 2 Mi Gado, arki a begi fu mi.

Poti prakseri na den sani di mi e taki.

 3 Bika sma di mi no sabi srefsrefi wani du mi ogri.

Ogr’ati sma e suku fu kiri mi.

 4 Gado na mi yepiman.

Yehovah de nanga den sma di e horbaka gi mi.

 5 A o pai den feanti fu mi baka gi na ogri di den e du.

Puru den na pasi,* soleki fa yu pramisi.

 7 Ibri leisi baka yu e puru mi na nowtu.

Mi o si fa den feanti fu mi o lasi a strei.

55 Gado grantangi, arki a begi fu mi.

No tapu yu yesi te mi e begi yu fu abi sar’ati nanga mi.*

Den brok’ede fu mi e meki mi ati de na dyompo

èn mi no sabi san mi musu du.

 3 Den feanti fu mi e taki dati den o du ogri nanga mi

èn den ogrisma e kwinsi mi.

Den e tan poti hebi na mi tapu

fu di den ati e bron nanga mi èn fu di den e teige mi.

 4 Soso pen mi e firi na ini mi ati

èn mi e frede taki mi o dede.

 5 Mi e frede, iya, mi e beifi.

Mi heri skin e beifi.

 8 Mi ben o lon go na wan presi pe mi kan kibri.

Mi ben o go kibri gi a tranga winti nanga a draiwinti.”

 9 Yehovah, bruya den. No meki den du san den abi na prakseri,*

bika na soso ogri nanga trobi mi si na ini a foto.

10 Dei nanga neti den e waka lontu na tapu den skotu fu a foto.

Na soso ogri nanga problema de na ini a foto.

11 Ogri lai drape.

Den strati furu nanga sma di e kwinsi trawan èn di e bedrigi sma.

12 A no wan feanti e gi mi pornen,

noso mi ben o man teki en.

A no wan feanti e suku fu du mi ogri,

noso mi ben kan go kibri gi en.

13 Ma na wan libisma leki mi e du den sani disi nanga mi.

Mi eigi mati di mi sabi bun.

14 Mi nanga en ben de bunbun mati.

Wi ben gwenti waka go na a oso fu Gado, makandra nanga furu tra sma.

Meki den saka go na ini Grebi* libilibi,

bika na soso ogri den e prakseri.

16 Ma mi o bari kari Gado.

Na Yehovah o ferlusu mi.

17 Te neti, te m’manten nanga brekten mi e broko mi ede èn mi e geme.*

Èn Gado e yere mi sten.

18 A o ferlusu mi èn a o kibri mi libi te sma kon feti nanga mi,

bika den sma di kon feti nanga mi furu srefsrefi.

19 Gado di e sdon na tapu en kownusturu sensi owruten,

o yere èn a o strafu den. (Sela)

Den sma di no abi lespeki gi Gado

no o wani kenki.

20 A* go feti nanga sma di e libi bun nanga en.

A broko a ferbontu di a meki nanga mi.

21 Den wortu fu en grati moro botro,

ma na soso feti a e prakseri.

Den wortu fu en switi,*

ma den de leki srapu fet’owru.

22 Trowe yu hebi na tapu Yehovah,

dan a o horbaka gi yu.

 2 Heri dei mi feanti de na mi baka, leki meti di e suku fu beti mi.

Furu heimemre sma e feti nanga mi.

 4 Mi e prèise Gado fu den sani di a pramisi.

Tapu Gado mi e fertrow. Mi no e frede noti.

 5 Heri dei den e suku problema gi mi.

Na soso ogri den e prakseri fu du nanga mi.

 6 Den e seti luru fu du mi ogri.

Den e luku sortu pasi mi e teki

èn den e howpu taki den kan feni wan fasi fu kiri mi.

10 Mi e fertrow tapu Gado, mi e prèise en fu den sani di a taki.

Mi e fertrow tapu Yehovah, mi e prèise en fu den sani di a taki.

11 Tapu Gado mi e fertrow. Mi no e frede noti.

12 Mi Gado, mi abi fu du san mi pramisi yu.

Mi o tyari ofrandi gi yu fu taki yu tangi.

13 Yu hori mi na libi.

Yu sorgu taki mi no fadon.

Dati meki mi de na libi èn mi man dini yu, mi Gado.

57 Mi Gado, du bun gi mi, mi e begi yu, du bun gi mi,

bika na yu mi lon kon suku kibri.

Na ondro den frei fu yu mi e kibri, teleki ala problema psa gwe.

 2 Mi kari Gado, a Moro Heiwan,

iya, mi kari a tru Gado di e lusu den problema fu mi.

 4 Mi de na mindri lew.

Mi no man tra fasi leki fu d’don na mindri libisma di de leki ogri meti di wani nyan mi.

Den tifi fu den na lansri nanga peiri

èn a tongo fu den na wan srapu fet’owru.

 5 Mi Gado, sori a glori fu yu na hemel.

Meki a glori fu yu de fu si na heri grontapu.

 6 Den feanti fu mi seti wan nèt pe mi e waka.

Mi brokosaka trutru.

Den diki wan olo gi mi,

ma na den srefi fadon go na ini. (Sela)

 7 Mi o tan lobi yu nanga mi heri ati, mi Gado,

mi o tan lobi yu nanga mi heri ati.

 9 Yehovah, mi o prèise yu na fesi den pipel.

Mi o singi prèisesingi* gi yu na fesi den sma fu difrenti kondre.

10 A lobi* fu yu bigi so te, taki a e doro te na hemel.

Den bun sani di yu e du furu so te, taki den e doro te na den wolku.

11 Mi Gado, sori a glori fu yu na hemel.

Meki a glori fu yu de fu si na heri grontapu.

 2 Nôno, na soso ogri unu e denki na ini un ati.

Unu e waka e du bigi ogri na grontapu.

 3 Den ogrisma teki a takru pasi* sensi di den m’ma meki den.*

Den trangayesi, den e lei sensi den gebore.

 4 A vergif fu den de leki a vergif fu takru sneki.

Den dofu leki a kobrasneki di e tapu en yesi.

 5 A no wani arki a sten fu a sma di kroi en,

awinsi a sma dati sabi bonu.

 8 Meki den de leki wan pakro di e smèlter gwe te a e waka.

Meki den de leki wan pkin di dede na ini en m’ma bere èn di no si a leti fu a son.

 9 Den meki wan faya nanga makabon. Ma fosi a patu fu den kon faya,

Gado o meki wan tranga winti wai den grun tiki nanga den drei tiki gwe.

10 A ret’ati sma o prisiri, fu di a si taki Gado strafu den ogriwan.

A o waka na ini a brudu fu den ogrisma.

59 Mi Gado, mi e begi yu, ferlusu mi fu na anu fu den feanti fu mi.

Kibri mi gi den sma di e opo kon feti nanga mi.

 2 Ferlusu mi fu den sma di e du hati sani nanga trawan.

Puru mi na ini na anu fu den wan di e du ogri.*

 3 Den e seti luru fu kiri mi.

Den sma di tranga e suku fu du mi ogri.

Yehovah, mi no gens nowan sma èn mi no du nowan sondu, ma tòg den e du den sani disi nanga mi.

 6 Ibri neti den e drai kon baka.

Den e waka lontu na ini a heri foto e blaf leki dagu.

 7 Na soso ogri den e taki nanga den mofo.

Den mofo de leki fet’owru.

Den e taki: „Suma e arki wi?”

 8 Ma yu, Yehovah, yu o lafu den.

Yu o spotu ala den pipel fu den tra kondre.

 9 Gado, yu na mi krakti. Na yu mi o wakti fu yepi mi,

bika yu na mi kibripresi.*

10 A Gado di sori mi bun-ati* o kon yepi mi.

Gado o meki mi prisiri fu di den feanti fu mi lasi a strei.

Gebroiki a krakti fu yu fu meki den wakawaka lontu fosi.

Meki den fadon, Yehovah, yu di de a schild fu wi.

12 Bika den sondu nanga den mofo.

Meki a bigifasi fu den tron wan val gi den,

fu di den abi a gwenti fu kosi èn fu bedrigi trawan.

13 Kiri den nanga bigi atibron.

Kiri den, so taki den no de moro.

Meki den sabi taki na Gado e tiri Yakob èn taki na en e tiri heri grontapu. (Sela)

14 Meki den drai kon baka na neti.

Meki den waka lontu na ini a heri foto e blaf leki dagu.

15 Meki den waka lontu fu suku wan sani fu nyan.

No meki den nyan den bere furu èn no meki den feni wan presi fu sribi.

16 Ma mi, mi o singi fu a krakti fu yu.

Na m’manten mi o prisiri fu ferteri sma fu a bun-ati* fu yu,

bika yu na mi kibripresi,

iya, wan presi pe mi kan lon go te mi de na nowtu.

17 Gado, yu na mi krakti. Mi o singi prèisesingi* gi yu,

bika yu na mi kibripresi, a Gado di sori mi bun-ati.*

 4 Opo* wan fraga go na loktu fu sori den sma di e lespeki yu

taki den musu lowe gi den peiri fu den feanti. (Sela)

 5 Ferlusu wi nanga yu ret’anu. Piki wi.

Na so den sma di yu lobi o kisi kibri.

„Mi o prisiri srefsrefi. Mi o meki mi pipel kisi Sikem leki gudu.

Mi o marki Sukot-lagipresi fu prati en gi a pipel fu mi.

 7 Gilead na fu mi èn Manase na fu mi tu.

Efrayim na mi helm.*

Yuda na a tiriman-tiki fu mi.

10 A no yu di gwe libi wi?

Yu no e hari go feti makandra nanga a legre fu wi moro.

11 Mi e begi yu, yepi wi te wi de na nowtu,

bika wi sabi taki libisma no man ferlusu wi.

12 Na Gado o gi wi krakti.

Na en o masi den feanti fu wi nanga en futu.

 2 Awinsi mi de na a moro farawe presi fu grontapu,

mi o bari kari yu te mi ati no man teki en moro.*

 3 Bika yu na mi kibripresi,

iya, wan tranga toren pe mi kan go kibri gi den feanti fu mi.

 4 Fu ala ten mi o tan na ini yu tenti.

Mi o kibri na ondro den frei fu yu. (Sela)

 6 Yu o meki a kownu libi langa.

A o libi so langa, taki a o si en pkin, en granpkin nanga den bakapkin fu en granpkin.

 7 Fu ala ten en kownusturu o de* na Gado sei.

Sori en bun-ati* èn sori taki yu e du ala ten san yu pramisi, so taki a kan kisi kibri.

 8 Dan mi o singi prèisesingi* fu gi yu nen glori fu têgo.

Ibri dei mi o du san mi sweri fu du.

 2 En na mi stonbergi èn a e ferlusu mi. Na en mi e lon go kibri.*

Mi no o fadon te mi stotu mi futu.

 4 Den e span anu fu naki en puru fu a hei posisi fu en.

Den lobi ferteri lei.

 5 Nanga pasensi mi o wakti Gado,

bika na en e gi mi howpu.

 6 En na mi stonbergi èn a e ferlusu mi. Na en mi e lon go kibri.

Mi no o stotu mi futu.

 9 A libi fu libisma syatu leki wan blo.

Yu no man fertrow libisma.

10 No denki taki sani o waka bun nanga unu te unu e bedrigi sma.

No prakseri taki unu o kisi wini te unu e roof sma.

12 Yehovah, yu e sori sma bun-ati.*

Yu e pai ibri sma gi den sani di den e du.

Di mi ben de na ini wan kondre di drei èn pe noti e gro, wan kondre pe watra no de,

dan na soso angri mi ben e angri fu abi yu na mi sei.

 2 Mi si yu na ini a santa presi.

Mi si a krakti nanga a glori fu yu.

 3 A bun-ati* fu yu betre moro a libi srefi.

Mi eigi mofo o prèise yu.

 4 Mi o blesi yu mi heri libi langa.

Te mi o opo mi anu go na loktu fu begi, mi o kari yu nen.

 5 Mi e firi bun fu di yu gi mi den moro bun sani.*

Nanga prisiri mi e opo mi mofo fu singi prèisesingi gi yu.

 6 Te mi e d’don na tapu mi bedi, mi e prakseri yu.

Mindrineti mi e denki dipi fu yu.

 7 Yu na mi yepiman.

Te mi de na ondro den frei fu yu mi e bari fu prisiri.

 8 Mi e tan krosbei fu yu.

Yu e hori mi steifi nanga yu ret’anu.

 9 Ma den sma di e suku fu kiri mi,

o saka go te na den moro dipi olo fu grontapu.

10 Sma o kiri den nanga fet’owru.

Den o tron n’nyan gi den sabanadagu.

Ibri sma di e sweri na Gado o prèise en,

bika a o tapu a mofo fu den sma di e taki lei.

 2 Kibri mi gi den ogrisma di e sdon prakseri fa den kan du ogri nanga mi.

Kibri mi gi a bigi ipi sma di e kon na mi tapu fu du mi ogri.

 3 Den srapu den tongo neleki wan fet’owru.

Den ogr’ati sani di den e taki de leki peiri di den e sutu.

 4 Kmoto fu den kibripresi den e sutu na tapu sma di no du nowan ogri.

Sondro fu den sma ferwakti dati den e sutu na den tapu. Den no e frede noti.

 5 Na soso ogri den e prakseri fu du.*

Den e taki fa den o seti val gi trawan.

 6 Den e prakseri sortu tra ogri den kan du.

Den no e ferteri nowan sma fa den o du den ogri fu den.

Nowan sma kan sabi san de na ini den ati.

 7 Ma Gado o sutu na den tapu.

Fosi yu denki wan peiri o gi den mankeri.

 8 Den eigi mofo* o meki den fadon.

Ala sma di e si den o seki den ede.

 9 Dan ala libisma o kon frede.

Den o ferteri san Gado du.

Iya, den o kon ferstan den sani di Gado du.

10 Den ret’ati sma o breiti nanga den sani di Yehovah du gi den èn den o suku kibri na en.

Den sma di ati krin o prèise en.

65 Mi Gado, sma o prèise yu na Sion-bergi.

San wi ben sweri fu du gi yu, na dati wi o du.

 3 Den fowtu fu mi furu so te, taki mi no man tyari den.

Ma yu e tapu den sondu fu wi.

 4 Koloku fu a sma di yu kari fu kon krosbei na yu.

A sma dati o tan na ini den fesdyari fu yu oso.

Wi o kisi nofo fu den bun sani di de na ini na oso fu yu,

iya, na ini a santa tempel* fu yu.

 5 Yu o piki wi na wan fasi di e meki sma kisi bigi lespeki gi yu.

Yu o du sani na wan reti fasi.

Mi Gado di e ferlusu wi,

sma na heri grontapu èn na den moro farawe presi fu a se e fertrow na yu tapu.

 6 Nanga a krakti fu yu,* yu seti den bergi steifi.

Yu* abi bun furu makti.

 7 Yu* e meki den bigi skwala fu a krasi se kon tiri.

Yu e tapu a bigi b’bari di den pipel e meki.

 8 Den sma di e libi na den moro farawe presi fu grontapu o ferwondru te den si den sani di yu e du.

Yu o meki den sma di e libi na owstusei fu grontapu te go miti west-sei bari fu prisiri.

 9 Yu e sorgu gi grontapu.

Yu meki grontapu kon gudu èn yu meki furu sani gro na en tapu.

Yu furu den liba nanga watra.

Yu e meki n’nyan gro gi libisma,

bika dati na a fasi fa yu seti grontapu.

10 Den pkin gotro na mindri den bedi yu e furu nanga watra. Yu e nati a gron di sma plugu fu meki a doti sdon.

Iya, yu e meki alen fadon fu safu a doti. Yu e meki den pransun gro bun.

11 Yu blesi a yari neleki na wan kroon yu poti na en tapu.

Ala sei pe yu e psa furu sani e gro.

12 Den weigron di de na den sabana lai grun grasi.

Ala den pkin bergi e prisiri.

13 Den weigron lai nanga skapu

èn den lagipresi abi furu aleisi.

Fu di yu abi furu krakti,

meki den feanti fu yu o beifi te den de na yu fesi.

 4 Ala pipel fu grontapu o boigi gi yu.

Den o singi prèisesingi gi yu,

iya, den o singi prèisesingi gi yu nen.” (Sela)

 6 A meki a se kon tron drei gron.

Nanga futu den abra a liba.

 8 Un pipel, prèise a Gado fu wi.

Meki sma yere taki unu e prèise en.

 9 A e hori wi na libi.

A no e gi pasi taki wi fadon.*

10 Mi Gado, yu ondrosuku wi.

Yu meki wi kon krin, neleki fa sma e bron solfru fu krin en.

11 Yu tyari wi go fasi na ini wan nèt.

Yu poti wan hebi na wi tapu.*

12 Yu meki libisma rèi abra wi.*

Wi psa faya nanga watra.

Ma yu tyari wi go na wan presi pe wi feni rostu.

13 Mi o kon na ini yu oso fu tyari meti leki bron-ofrandi.

San mi ben sweri fu du gi yu, na dati mi o du.

14 Mi o du san mi ben pramisi

èn mi o du san mi ben taki nanga mi mofo di mi ben de na nowtu.

15 Mi o tyari den moro fatu meti leki bron-ofrandi gi yu.

Mi o bron manskapu leki smoko-ofrandi.

16 Un alamala di abi bigi lespeki gi Gado, un kon arki.

Mi o ferteri unu san a du gi mi.

17 Mi ben opo mi mofo kari en

èn mi prèise en nanga mi mofo.

18 Efu na ini mi ati mi ben prakseri fu du hati sani nanga trawan,

dan Yehovah no ben o arki mi.

19 Ma Gado arki mi.

A poti prakseri na a begi fu mi.

20 Blesi fu Gado di no tapu en yesi gi den begi fu mi

èn di e sori mi bun-ati.*

67 Gado o du bun gi wi èn a o blesi wi.

A o sori wi taki a e prisiri nanga wi. (Sela)

 2 Na so sma na heri grontapu o kon sabi en pasi

èn ala pipel o sabi taki na en e ferlusu sma.

 3 Mi Gado, meki sma prèise yu.

Meki ala sma prèise yu.

 4 Meki den sma fu den difrenti kondre prisiri.

Meki den bari fu di den breiti, bika yu o krutu ala sma na wan reti fasi.

 5 Mi Gado, meki sma prèise yu.

Meki ala sma prèise yu.

 6 Grontapu srefi o meki n’nyan.

Gado, iya, wi Gado, o blesi wi.

 7 Gado o blesi wi

èn te na den moro farawe presi fu grontapu sma o lespeki en.

68 Meki Gado opo du wan sani. Meki den feanti fu en panya go na ala sei.

Meki den sma di no lobi en lon gi en.

 2 Yagi den gwe neleki fa winti e wai smoko gwe es’esi.

Neleki fa faya e meki kandrafatu smèlter,

na so den ogrisma musu dede gwe na fesi Gado.

 3 Ma meki den ret’ati sma prisiri.

Meki den de nanga bigi prisiri na fesi Gado,

iya, meki den breiti srefsrefi.

 5 Gado di de na ini en santa tanpresi, na wan p’pa gi den pkin di no abi p’pa moro.

A de wan krutuman di e opo taki gi den uma di masra dede kba.

 6 Gado e sorgu taki den sma di de den w’wan abi wan oso fu tan.

A e fri den sma di de na straf’oso èn a e meki sani go bun nanga den.

 7 Mi Gado, di yu ben e tiri* a pipel fu yu,

iya, di yu ben e waka psa na ini a sabana (Sela)

 8 grontapu seki.

Gado meki alen fadon* kmoto fu hemel.

Iya, a Gado fu Israel meki a Sinai-bergi disi seki.

 9 Mi Gado, yu meki taki wan bigi alen fadon.

Di yu pipel* ben weri yu gi den krakti baka.

10 Den ben e tan na ini den tenti fu yu.

Na fu di yu na wan bun Gado, meki yu ben sorgu gi den mofinawan.

11 Yehovah taigi en pipel san den musu du.

Den uma di e ferteri a bun nyunsu na wan bigi legre.

13 Un man, aladi unu ben e d’don na mindri den kampufaya,*

tòg unu o kisi wan doifi di abi solfru na en heri frei.

Wan pisi fu en frei na fu gowtu.*

14 Di na Almaktiwan yagi den kownu kmoto na ini a kondre,

dan snew fadon na Salmon.*

15 Na Gado ben meki a bergi fu Basan.*

A bergi fu Basan abi furu ede èn den hei.

16 Fu san ede yu e dyarusu so, yu bergi di abi furu ede?

Fu san ede yu e dyarusu tapu a bergi di Gado teki* fu libi na tapu?

18 Yu opo go na loktu.

Yu tyari mansma gwe leki strafman.

Wi Gado Yehovah,* yu teki den leki kado,

iya, srefi den tranga-ede sma yu teki fu kan tan na den mindri.

19 Prèise Yehovah, di e tyari a lai fu wi ala dei.

En na a tru Gado di e ferlusu wi. (Sela)

20 A tru Gado na wan Gado di e ferlusu sma.

Na Yehovah, a Moro Hei Masra, e puru sma na dede.

21 Iya, Gado o naki na ede fu en feanti broko pispisi.

A o naki na ede broko fu iniwan sma di e tan* du sani di no bun.

22 Yehovah taki: „Mi o tyari den kmoto na Basan.

Mi o puru den na ini den dipi presi fu se,

23 so taki yu kan waka na ini a brudu fu yu feanti

èn taki den dagu fu yu kan leki a brudu fu den.”

24 Gado, sma si fa yu e waka leki winiman na fesi a bigi grupu.

Mi Gado, mi Kownu, den si fa yu nanga den sma di wini a strei e waka go na ini a santa presi.

25 Den singiman e waka te na fes’sei. Den sma di e prei poku e waka na den baka.

Na mindrisei yu abi den yongu uma di e naki tamboerijn.

26 Prèise Gado na mindri den sma di kon na wán.

Prèise Yehovah, unu di kisi libi fu a P’pa fu Israel.

27 Luku Benyamin drape, a moro yonguwan di e wini den pipel.

Luku den granman fu a lo fu Yuda nanga den sma fu den di e bari fu prisiri.

Luku den granman fu a lo fu Seibulon nanga den granman fu a lo fu Naftali.

29 Den kownu o tyari kado kon gi yu,

fu gi grani na yu tempel na ini Yerusalem.

30 Strafu den busmeti di e libi na mindri warimbo,

iya, strafu ala den mankaw nanga den pkin fu den.

Meki den pipel boigi gi yu èn meki den tyari pispisi solfru kon.*

31 Sma o tyari kopro sani kmoto fu Egepte.*

Den sma fu Kus o hasti fu tyari kado gi Gado.

32 Un kownukondre fu grontapu, un singi gi Gado.

Un singi prèisesingi* gi Yehovah. (Sela)

A e tiri Israel

èn a krakti fu en de na ini den wolku.

En na a Gado fu Israel,

di e gi a pipel fu en krakti nanga makti.

Mi kon de na ini dipi watra.

Bigi watra srepi mi tyari gwe.

 3 Mi bari so furu, taki mi kon weri.

Mi no abi sten moro.

 4 Mi no du nowan ogri.

Ma tòg den sma di e teige mi furu moro leki den w’wiri na mi ede.

Den sma di wani puru mi na pasi,

den takr’ati feanti fu mi, kon furu srefsrefi.

 5 Gado, yu sabi den dondon sani di mi du.

Den fowtu fu mi no kibri gi yu.

 6 Yehovah di e tiri den legre èn di de a Moro Hei Masra,

mi e begi yu, no meki den sma di e wakti yu kisi syen fu mi ede.

Gado fu Israel,

no meki den sma di e kon suku yepi na yu kisi syen fu mi ede.

 7 Na fu yu ede meki mi teki a koskosi fu sma.

Mi kisi bigi syen.

 8 Mi eigi brada no sabi mi moro.

Den pkin fu mi eigi m’ma e si mi leki wan trakondre sma.

 9 A lobi di mi abi gi yu oso de leki wan faya di e bron na ini mi.

A srefi fasi fa sma e kosi yu, na so den e kosi mi.

10 Mi ben e saka misrefi èn mi ben faste.*

Ma srefi fu a sani dati den ben e spotu mi.

11 Di mi weri rowkrosi,*

sma bigin koti odo gi mi.

12 Den sma di e sdon na den portu e taki mi tori.

Drunguman e meki singi fu mi.

13 Yehovah, arki a begi fu mi

na wan ten di yu feni bun.

Yu na wan Gado di abi furu lobi.*

Sobun, piki mi èn sori taki yu na mi ferlusuman trutru.

14 Puru mi na ini a tokotoko.

No meki mi saka go moro dipi.

Ferlusu mi fu den sma di e teige mi.

Puru mi na ini a dipi watra.

15 No meki bigi watra srepi mi tyari gwe.

No meki mi sungu go na ini a dipi se.

No meki a peti* swari mi.

Yu abi furu sar’ati. Mi e begi yu, poti prakseri na mi.

17 No drai yu fesi gi yu futuboi.

18 Kon na mi èn ferlusu mi.

Puru mi na a anu fu mi feanti.

Mi ben e howpu taki wan sma ben o sari mi, ma nowan sma no ben de.

Mi ben e howpu taki sma ben o kon trowstu mi, ma mi no feni nowan sma.

21 Na presi fu dati, den gi mi vergif* fu nyan.

Di watra kiri mi, den gi mi asin fu dringi.

22 Meki a fesa* fu den tron wan krafana gi den

èn meki a gudu fu den tron wan val fu fanga den.

23 Meki den ai fu den kon dungru, so taki den no man si.

Meki den futu* tan beifi.

24 Puru atibron na den tapu.

Meki den firi a bigi atibron fu yu.

25 Meki a kampu fu den* tron wan brokopresi.

No meki nowan sma tan na ini den tenti fu den.

26 Bika den e hari go na baka den sma di yu ben naki.

Den e tan taki fu a pen fu den sma di yu ben gi mankeri.

27 Meki den sondu fu den kon moro furu.

No si den leki ret’ati sma.

28 Figi a nen fu den puru na ini a buku fu libi.

No skrifi a nen fu den makandra nanga a nen fu den ret’ati sma.

30 Mi o singi fu prèise a nen fu Gado.

Mi o gi en glori èn mi o taki en tangi.

31 Disi o gi Yehovah moro prisiri leki te mi ben o gi en wan mankaw,

iya, a o prisiri moro leki te mi ben o gi en wan yongu mankaw di abi tutu.

33 Bika Yehovah e arki den pôtisma

èn a no o fergiti den sma fu en di de na strafu.

34 Meki hemel nanga grontapu prèise en.

Meki a se nanga ala sani di e libi na ini prèise en tu.

35 Gado srefi o ferlusu Sion

èn a o bow den foto fu Yuda baka.

Dan a pipel fu en o go libi drape èn a kondre o kon de fu den.

36 Den bakapkin fu den futuboi fu en o kisi a kondre dati leki gudu

èn den wan di lobi a nen fu en o libi drape.

70 Mi Gado, mi e begi yu, ferlusu mi.

Yehovah, kon yepi mi es’esi.

 2 Meki den sma di e suku fu kiri mi, kisi syen.

Broko den saka.

Meki den sma di e prisiri te ogri e miti mi, drai gwe baka.

Meki den fesi fadon.

 4 Ma meki ala sma di e suku yu, breiti.

Iya, meki den prisiri nanga yu.

 5 Mi no abi nowan sma fu yepi mi èn mi pôti.

Mi Gado, kon yepi mi es’esi.

Yu na mi Yepiman nanga mi Ferlusuman.

Yehovah, mi e begi yu, no kon lati.

 3 Kon de leki wan stonbergi* gi mi

pe mi kan go kibri ala ten.

Taigi sma fu kon yepi mi,

bika yu na mi stonbergi èn mi fortresi.*

 4 Mi Gado, puru mi na a anu fu den ogrisma.

Puru mi na a anu fu den sma di no e du san reti èn di e pina mi.

 5 Moro Hei Masra Yehovah, na yu e gi mi howpu.

Tapu yu mi e fertrow sensi di mi yongu.

 6 Tapu yu mi fertrow sensi di mi gebore.

Yu na a sma di puru mi na ini mi m’ma bere.

 7 Furu sma ferwondru di den si san psa nanga mi.

Ma yu na mi tranga fortresi.

 8 Nanga mi mofo mi e prèise yu.

Heri dei mi e gi yu glori.

 9 No trowe mi gwe te mi kon owru.

No gwe libi mi te mi e kon swaki.

10 Mi feanti e taki mi tori

èn den sma di e suku fu kiri mi, kon makandra fu taki san den o du nanga mi.

11 Den e taki: „Gado gwe libi en.

13 Meki den sma di e gens mi

kisi syen èn meki den dede.

Meki den sma di wani taki ogri miti mi

kisi syen èn meki den fesi fadon.

14 Ma mi fu mi sei o tan wakti yu.

Mi o prèise yu moro leki fosi.

15 Mi mofo o taki fu den reti sani di yu du.

Heri dei mi o taki fa yu ferlusu mi,

aladi mi no man teri omeni leisi yu du dati.

16 Moro Hei Masra Yehovah,

mi o ferteri sma fu a bigi makti fu yu.

Mi o ferteri den fu a retidu fu yu, iya, a retidu fu yu w’wan.

17 Mi Gado, yu gi mi leri sensi di mi ben yongu

èn te now ete mi e ferteri sma fu den bigi sani di yu du.

Gi mi na okasi fu ferteri den sma di musu kon ete fu a krakti* fu yu.

Iya, gi mi na okasi fu ferteri ala den sma di musu kon ete fu a bigi makti fu yu.

19 Gado, a retidu fu yu e doro te na hemel.

Yu du furu bigi sani.

Mi Gado, suma de leki yu?

20 Yu gi pasi taki furu nowtu nanga ogri miti mi.

Ma mi e begi yu fu gi mi krakti baka.

Puru mi na ini den moro dipi olo* fu grontapu.

21 Meki mi kisi moro grani.

Lontu mi èn trowstu mi.

22 Dan mi o prei poku fu prèise yu, mi Gado,

fu di ala ten yu e du san yu pramisi.

Santawan fu Israel,

mi o prei harpu èn mi o singi fu prèise yu.

23 Mi o bari fu prisiri te mi e singi prèisesingi gi yu,

fu di yu kibri mi libi.

24 Heri dei mi o taki* fu a retidu fu yu,

bika den sma di e suku fu kiri mi o kisi syen èn den fesi o fadon.

72 Mi Gado, leri a kownu den wet fu yu

èn leri a manpkin fu a kownu fu du sani na wan reti fasi, neleki yu.

 2 Meki a opo taki gi yu pipel na wan reti fasi.

Meki a du san reti te a e opo taki gi den mofinawan.

 3 Meki den bergi tyari freide* kon gi a pipel.

Meki den pkin bergi tiri den na wan reti fasi.

 4 Meki a* opo taki* gi den mofinawan fu a pipel.

Meki a ferlusu den pkin fu den pôtiwan.

Meki a kiri den wan di e bedrigi den.

 5 Den o abi bigi lespeki gi yu solanga a son de

èn solanga a mun de,

iya, fu ala ten.

 6 A kownu o de leki alen di e fadon na tapu wan presi pe sma mai grasi,

iya, leki hebi alen di e nati a gron.

 7 Te a o tiri, den ret’ati sma o de leki grun grasi di e opo kon.

Freide o de na ala sei, solanga a mun de.

 8 A o tiri fu a wan se te go miti a tra se,

fu Eufraat-liba te go miti den moro farawe presi fu grontapu.

 9 Den sma di e libi na a drei sabana o boigi gi en.

Den feanti fu en o leki a doti nanga den tongo.

11 Ala den kownu o boigi gi en.

Ala den pipel fu grontapu o dini en.

12 Bika a o ferlusu den pôtisma di e bari suku yepi.

A o ferlusu den mofinasma nanga iniwan sma di no abi yepiman.

13 A o sari den mofinasma nanga den pôtisma

èn a o ferlusu den pôtisma.

14 A o ferlusu den fu den sma di e kwinsi den èn fu den sma di e du ogr’ati sani nanga den.

A brudu fu den o de wan warti sani gi en.

Meki sma tan begi gi en.

Heri dei sma musu blesi en.

16 Furu n’nyan o kon de na grontapu.

Srefi na tapu den ede fu den bergi n’nyan o lai.

A n’nyan di a kownu o koti o furu leki den bon di e gro na Libanon

èn den sma di e libi na ini den foto o kon furu leki a grasi fu grontapu.

17 Meki a nen fu en tan fu ala ten.

Meki a kisi biginen moro nanga moro.

Na en o meki taki sma kisi blesi.

Meki den pipel fu ala kondre winsi soso bun gi en.

18 Prèise Yehovah Gado, a Gado fu Israel,

bika na en w’wan e du bigi sani.

19 Meki sma prèise a bigi nen fu en fu ala ten.

Meki a glori fu en furu heri grontapu.

 2 Ma mi, bijna mi kmoto na a reti pasi.

Bijna mi grati fadon.

 3 Bika mi ben kon dyarusu tapu den sma di abi bigifasi.*

Mi ben e dyarusu di mi si a switi libi fu den ogrisma.

 4 Den sma disi no e pina fosi den dede.

Den e nyan bun èn den gosontu.*

 5 Den no abi brok’ede leki tra sma

èn den no e pina leki fa tra sma e pina.

 6 Dati meki bigifasi kon de leki wan keti na den neki.

Ogridu kon de leki wan krosi na den skin.

 7 Den fatu so te, taki den ai e pusu kon na doro.

Den kon abi moro leki san den ben dren fu kisi.

 9 Den e dyaf fu di den denki taki den hei leki hemel.

Den e waka lontu na grontapu e taki ala sortu sani nanga den mofo.

10 Dati meki a pipel fu Gado e waka baka den ogrisma disi

èn den ogrisma e kanti bun furu watra gi den fu dringi.

13 Na fu soso mi du muiti fu abi wan krin ati.

Na fu soso mi wasi mi anu fu sori taki mi no du nowan ogri.

14 Heri dei a sani disi ben e moro mi.

Ibri m’manten baka Gado ben e pir’ai gi mi.

15 Ma efu mi ben o taki fu den sani disi,

dan mi no ben o du bun nanga a pipel fu yu.

16 Mi ben pruberi fu ferstan a sani disi,

ma a ben muilek gi mi.

17 Ma di mi go na ini a moi santa presi fu Gado,

mi kon sabi fa sani ben o waka nanga den bakaten.

20 Yehovah, leki wan dren di wan sma e fergiti te a wiki,

na so yu o fergiti* den tu te yu wiki.

21 Mi ben kon abi bita-ati.

Te na ini mi ati* mi firi pen.

22 Mi no ben man denki krin moro èn mi no ben man ferstan san ben e psa.

Gi yu mi ben kon de leki wan meti di no abi ferstan.

23 Ma now mi e fertrow yu ala ten.

Yu grabu mi hori na mi ret’anu.

24 Yu e gi mi rai fu sori mi fa mi musu waka.

Bakaten yu o meki mi kisi glori.

26 Awinsi mi heri skin nanga mi ati kon swaki, tòg mi o fertrow tapu Gado nanga mi heri ati.

En na mi stonbergi èn fu ala ten en na a gudu fu mi.