Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • my tori 11
  • A fosi alenbo

Felem no de na a pisi disi.

Sorry, wan sani no go bun di wi pruberi fu drai a felem.

  • A fosi alenbo
  • Mi buku nanga Bijbel tori
  • A srefi sortu tori
  • Aiti sma tan na libi
    Moi les di yu kan leri fu Bijbel
  • Wan bigi watra pori grontapu—A o pasa baka?
    Teki leri fu a Bigi Leriman
  • Wan Warskow fu Fositen
    Yu Kan De Gado Mati!
  • Libisma e pasa a Frudu libilibi
    San na a boskopu fu Bijbel?
Moro sani
Mi buku nanga Bijbel tori
my tori 11

TORI 11

A fosi alenbo

YU SABI san ben de a fosi sani di Noa ben du, di en nanga en osofamiri ben komoto na ini na ark? A ben tyari wan ofrandi noso presenti gi Gado. Na tapu a prenki yu kan si fa a e du disi. Noa ben tyari a presenti disi fu meti fu taki Gado tangi, dati a ben kibri en osofamiri gi a bigi frudu.

Yu prakseri taki Yehovah ben breiti nanga a presenti? Iya, a ben breiti srefisrefi! Dati meki a ben pramisi Noa, taki noiti moro a sa pori grontapu nanga wan frudu.

Heri esi a heri gron ben kon drei, èn Noa nanga en osofamiri ben bigin wan nyun libi na dorosei fu na ark. Gado ben blesi den èn ben taigi den: ’Un musu kisi furu pikin. A nomru fu unu musu kon moro bigi teleki sma e libi na heri grontapu.’

Ma bakaten, te sma ben sa yere fu a bigi frudu, den ben kan kon frede, taki so wan frudu ben sa kon baka. Dati meki Gado ben gi wan marki di ben sa memre sma na en pramisi, taki noiti moro a sa sungu heri grontapu. Yu sabi san ben de a marki dati? A ben de wan alenbo.

Furu tron wan alenbo de fu si te son e skèin, baka te alen kon. Alenbo kan abi furu moi kloru. Yu si wan kaba? Yu e si a wan na tapu a prenki?

Disi na san Gado ben taki: ’Mi e pramisi taki noiti moro ala sma nanga meti sa dede na ini wan frudu. Mi e poti mi alenbo na ini den wolku. Èn te na alenbo sori ensrefi, mi sa si en èn memre a pramisi disi fu mi.’

Sobun, te yu si wan alenbo, na san a musu memre yu? Iya, na a pramisi fu Gado, taki noiti moro a sa pori grontapu nanga wan bigi frudu.

Genesis 8:18-22; 9:9-17.

Aksi fu studeri

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma