Nyan bun fu têgo fu a libi na grontapu!
A brochure disi meki fu yepi yu fu sabi suma meki grontapu nanga ala den sani di de na tapu. Yu o si taki Gado, di meki grontapu, abi wan nen. Na ini a brochure disi, wi sa sori tu fu san ede Gado meki libisma èn fa yu kan prisiri fu têgo fu a libi na grontapu.
Wi howpu taki den furu prenki sa yepi yu fu frustan den sani disi moro bun. Yu o kisi wini trutru te yu e leisi den bijbeltekst di skrifi na furu fu den prenki. Na so fasi, yu sa man leisi wan tu fu den moi sani di Gado pramisi na ini Bijbel. Yu sa kon sabi tu san Gado wani taki yu musu du fu man kisi den sani disi di a pramisi.
Kande yu wani gebroiki a brochure disi tu fu yepi tra sma. Efu yu abi pikin, dan yu kan gebroiki en fu yepi den fu kon leri sabi Gado. Efu yu e libi na ini wan kondre pe furu bigisma no sabi leisi, dan yu kan gebroiki den prenki fu yepi den fu kon sabi san Gado abi na prakseri, so taki densrefi kan yepi tra sma tu.
Wi e howpu trutru taki yu sa kisi furu blesi te yu e studeri den sani di skrifi na ini a brochure disi, èn taki yu o man sori trawan srefi san den musu du fu man libi fu têgo dyaso na grontapu.