Den Mati fu Gado E Du San Bun

Te yu abi wan mati di yu e warderi èn di yu e lespeki, dan yu e pruberi fu de leki en. „Yehovah bun èn opregti”, na so Bijbel e taki (Psalm 25:8). Wi musu de bun èn opregti, te wi wani de Gado mati. Bijbel e taki: „De sma di e waka baka na eksempre fu Gado, leki lobi pikin; tan lobi makandra” (Efeisesma 5:1, 2). Dya na wan tu fasi fu du dati:

Yepi tra sma. „Meki wi du bun gi ala sma.”​—Galasiasma 6:10.

Wroko tranga. „Meki a sma di e fufuru, no fufuru moro, ma na presi fu dati meki a go wroko tranga, fu di a e du bun wroko nanga en anu.”​—Efeisesma 4:28.

Tan krin na skin sei èn tyari yusrefi na wan lespeki fasi. „Meki wi krin wisrefi fu ibri doti fu skin èn fu a yeye, èn meki wi suku fu kon santa dorodoro, fu di wi abi frede gi Gado.”​—2 Korentesma 7:1.

Handri nanga den osofamiri memre fu yu nanga lobi èn lespeki. „Meki . . . ibriwan fu unu . . . lobi en wefi soleki fa a lobi ensrefi; na a tra sei, a wefi musu abi bigi lespeki gi en masra. Un pikin, un gi yesi na un papa nanga mama.”​—Efeisesma 5:33–6:1.

Sori taki yu lobi tra sma. „Meki wi tan lobi makandra, bika lobi e kon fu Gado.”​—1 Yohanes 4:7.

Gi yesi na den wet fu a kondre. „Meki ibri sili saka ensrefi na ondro [lanti] . . . Gi ala sma san den musu kisi: na a sma di e aksi belasting, a belasting.”​—Romesma 13:1, 7.