Biginwortu fu pisi 14

Den fosi Kresten preiki a bun nyunsu fu a Kownukondre te na den moro farawe presi fu grontapu. Yesus sori den pe den ben musu preiki èn a du wan wondru fu meki den preiki na ini difrenti tongo. Yehovah gi den deki-ati nanga a krakti fu horidoro awinsi sma ben e frufolgu den hebi.

Yesus meki na apostel Yohanes si wan fisyun pe a si a glori fu Yehovah. Na ini wan tra fisyun a si fa a Kownukondre fu hemel wini Satan èn fa a tyari wan kaba kon na a tiri fu en. Yohanes si Yesus e tiri leki Kownu makandra nanga 144.000 sma. Yohanes si tu fa heri grontapu tron wan paradijs pe freide de èn pe ala sma e anbegi Yehovah leki wán famiri.