„No bribi den”

● „Sma e kiri tra sma, èn tog den e taki ete dati den de kristen. No bribi den”, na so Steve Whysall, staf-skrifiman foe na (koranti) Vancouver Sun ben ferklari. A ben taki dati na ogridoe di sma e doe ofoe di sma e tanapoe na baka, di taki den de kristen, de kontrari den leri foe Jezus, di ben taki: „Nanga disi alasma sa sabi taki dati oenoe de mi discipel, efoe oenoe abi lobi gi makandra.” — Joh. 13:34, 35.

Baka di a taki foe den ogridoe na mindri Loomsoe nanga anitrisma ini Noord-Ierland, na sani dati na Kerki e jepi dictator, na inquisitie nanga tra ogridoe foe den sma di e kari densrefi kristen, Whysall ben taki: „Dati sma e go ibri sonde na kerki, e gebroiki a bijbel èn sma di e doe a srefi e lontoe den, no wani taki, dati den de kristen. Jezus Kristus ben taki: ’Kroetoe wan bon na a froktoe foe en’”. Whysall ben taki toe: „Soema ben taki oiti dati den sma di e doe den ogri sani disi, de kristen? O, joe e taki, na den gevestigde kerki e taki disi. We, soema ben taki oiti dati den gevestigde kerki de kristen? Na so na paus ben blesi Mussolini, èn bewijsi de dati tra paus ini na ten di psa ben doe sani di e afrontoe libisma. Soboen, soema taki dati den de kristen? Nowan kristen kan stré nanga wan tra kristen — dati ben sa de a srefi leki wan man di e feti nanga ensrefi. Troe kristen de brada nanga sisa ini Kristus . . . èn den no ben sa doe makandra noiti, ja noiti pen foe espresi.” A ben taki moro fara dati „troe kristen” ini ten foe feti „e sori lobi nanga harmonie nanga wanfasi gi makandra”.