A Wortoe foe Gado abi libi
Foe san-ede sma e doe ogri sani?
NA MAN DI DE na fesi, di e feti krosibé foe na skotoe, na Uría. Kownoe David foe Israël ben skrifi Joab, en edeman foe feti: „Poti Uría a fesi pe den moro hebi aanval foe feti de èn oenoe moe hari oensrefi komoto foe en èn a moe naki trowe na gron èn dede.” — 2 Sam. 11:15.
Uría ben de wan boen, loyaal man. Fa a ben kon dan dati David di ben de sosrefi toe wan dienstknegti foe Jehovah, nanga en heri froestan ben wani dati Uría ben moe dede?
Wi sa kisi jepi foe froestan disi te wi e lési den bijbelvers di e kon now: „Ogrisani no kan tesi Gado, èn sosrefi toe a no e tesi wan sma. Ma ibriwan sma e kisi tesi foe di en égi lostoe e hari en èn e kori en. Bakadati na lostoe e tjari, te a meki froktoe, sondoe; na sondoe foe en sé, te a doe, e tjari dede kon”. — Jak. 1:13-15.
Ma fa, joe sa aksi kande, na bodoi disi e jepi wi foe froestan san-ede David ben sorgoe taki Uría ben dede? Foe kisi na piki disi, wi moe go loekoe den omstandigheid di meki dati David ben wani dati Uría dede.
Wan dé, di Uría ben gwe, David toevallig ben si komoto foe na daki foe en oso dati na moi oema foe Uría Bathseba ben e wasi ensrefi. San David doe? A tan loekoe. Foe doe a doe disi a gi pasi dati na lostoe foe abi seks-demakandra nanga Bathseba ben bigin teki en ati abra. Gado no ben de na sma di ben tesi ofoe kori David. Nono, David égi lostoe ben hari èn kori en.
Te foe kaba na lostoe na ini David ben kon so krakti dati a ben meki den tjari Bathseba na ini en paleisi. Drape a ben abi seks demakandra nanga en. Di bakaten ben kon na krin dati Bathseba ben kisi bere èn David no ben kan hori moro langa a soetadoe foe den foe den kibri, a seti sani dati Uría ben kan dede na ini na feti.
A de troe dati a sondoe foe David no ben meki a ben lasi a boen ati foe Gado alaten èn dati a no ben kroetoe en dati a moe dede. Disi ben kon foe di David ben abi opregti beraw èn Jehovah ben sori en sari-ati (Ps. 51:1-14). Tokoe na ondrofeni disi e jepi wi foe ferstan dati sma foeroetron e doe fowtoe sani di den abi fowtoe lostoe ofoe takroe lostoe na ini den ati. Soboen, wi moe leri foe David ondrofeni dati wi moe lon komoto na a pasi foe situwasi, so toe activiteit nanga ontspanning di kan wiki „seks lostoe.” — Kol. 3:5; 1 Thess. 4:3-5.