Gado Wortoe abi libi
Sortoe begi Gado e arki?
Joe sa herken na tafereel disi foe Jezus d e begi na ini na djari foe Gethsémané. Den man di didon e sribi krosbé foe en, na en apostel Petrus, Jakobus nanga Johannes. Jezus ben sabi foe den bijbel profétitori dati sma ben sa kiri en makandra nanga ogri man. Tokoe a e begi: „Tata, efoe joe wani, teki na beker disi poeroe dan foe mi [Gado wani dati Jezus sa ondrofeni sjen èn sa dede]. Ma no mi wani moe psa ma di foe joe.” — Luk. 22:42; Jes. 53:12
Dati ben de wan kefarlek moeilek neti gi Jezus. A bijbel e taki: Nla ini hebi sari a ben kon, a ben go doro nanga en begi moro faja; èn en sweti ben tron leki dropoe broedoe, di ben fadon na doti (Luk. 22:44). Gado ben jere den begi foe Jezus?
Na apostel Paulus sondro degedege ben abi na sani disi na ini prakseri di a ben skrifi: „Kristus ben seni nanga tranga babari èn watra-ai begi èn sosrefi toe tranga begi go gi na Sma di ben kan ferloesoe en poeroe foe na dede, èn a ben jere en na wan boen fasi foe na frede foe en gi Gado.” — Hebr. 5:7.
Ija, Gado ben jere den begi foe Jezus. Loekoe na réde di ben gi foe dati: „Foe na frede foe en gi Gado.” jezus ben abi wan gesontoe frede foe no meki Gado kisi ati-bron. ’Mi e doe alaten den sani di e plisi en’ A ben taki (Joh. 8:29). Ija, Jezus ben lobi en hemel Tata èn a ben doe alaten en wani. A bijbel e taki a tori disi nanga leti dati „awasi san wi e aksi akroederi en wani, a e jere wi.” — 1 Joh. 5:14
Fa Gado ben piki den begi foe Jezus? We a no ben ferloesoe Jezus poeroe foe na situwasi dati. Den ben kisi Jezus, den behandel en leki wan takroe ogri man èn den gi en abra na wan takroe dede. Ma loekoe pikinso na a prenki. Disi e sori fa Jezus ben kisi tranga foe kakafoetoe gi na situwasi. Aladi a ben e begi, so a bijbel e taki, „wan èngel foe hemel ben sori ensrefi na en èn ben gi en tranga”. — Luk. 22:43; 1 Kor. 10:13.
Wi kan leri wan prenspari les foe na bijbeltori disi: Efoe wi wani sote dati Gado jere wi begi dan wi moe gi jesi na en wet. Na bijbel e taki krin: „San wi e aksi toe, wi e kisi foe en, foe di wi e hori en komando èn wi e doe den sani di de switi na ini en ai” (1 Joh. 3:22). Disi wani taki dati wi moe wroko na a sani di wi e begi foe en. Wi moe sori Gado nanga jepi foe wi wroko dati wi e mène troetroe san wi e taki. Wi e doe disi?