Jezus libi nanga diniwroko

Koiri di ben meki go na Jeruzalem

A TRON lente (pikin dréten). Èn gi na osofamiri foe Jozef èn a de ooktoe so gi den mati nanga famiri foe den na ten doro gi na ala jari koiri go na Jeruzalem foe njan na Pascha. Leki fa na gwenti de dan span de efoe den e bigin na a reis foe den foe so wan 100 kilometer. Jezus de now twarfoe jari èn nanga spesroetoe belangstelling a e loekoe foe na kon foe na fesa.

Gi Jezus nanga en famiri na Pascha no e kaba ini wan dé. Den e tan ooktoe gi na sébi dé fesa foe brede sondro swa di e kon a baka, èn di den e si leki wan pisi foe a Paschafesa. Na heri koiri komoto foe a libipresi foe den, Nazareth, nanga a tan foe den na ini Jeruzalem e teki soboen sowan toe wiki. Ma a jari disi den e tan moro langa foe di wan sani ben psa nanga Jezus.

Na moeilekheid e kon a krin te den e drai go baka na oso komoto foe Jeruzalem. Jozef nanga Maria e teki dati Jezus de na a groepoe famirman nanga mati nanga soema den e meki na reis. Ma te den stop foe sribi a no e kon na den èn den e go soekoe en na a gezelschap di e reis nanga den. A no de no wan presi foe feni. Foe dat’ede Jozef nanga Maria e drai go baka na Jeruzalem foe go soekoe en.

Na heri dé den e soekoe ma foe soso. Ooktoe tapoe na di foe toe dé den no man foe feni en. Te foe kaba den e go na a tempel. Drape den e si Jezus na ini wan foe den zaal. A sidon a mindri foe den djoe leriman e arki na den èn a e poti aksi gi den.

’Pikin, foe san-ede joe doe disi nanga oenoe’, Maria e aksi. ’Joe papa nanga mi ben skreki sref’srefi èn ben e soekoe joe alape!’ Jezus ben ferwondroe dati den no ben sabi pe a ben de toe feni. ’Foe san-ede oenoe ben moesoe soekoe mi?’, a e aksi. ’Oenoe no ben sabi dati mi moe de dja na ini na oso foe mi Tata?’

Jezus no e ferstan fa a kan dati en papa nanga mama no sabi disi. Moro fara Jezus e go nanga en papa nanga mama na oso baka èn a tan saka ensrefi na den ondro.

A e tan gro na ini sabi èn na ini gro na skinfasi èn na ini boenati na Gado èn na libisma. Ija, foe en pikinnengre jari kaba Jezus de wan toemsi boen eksempre, no wawan di a ben feti na baka jeje belang, ma ooktoe di a ben sori respeki gi en papa nanga mama. Lukas 2:40-52; 22:7.

◆ Sortoe reis Jezus ben meki na ini na lente (pikin dréten) alaten nanga en famiri èn o langa na koiri foe den e teki?

◆ San ben psa na tapoe na reis di Jezus ben de twarfoe jari?

◆ Sortoe eksempre Jezus ben gi jongoesma na ini a ten disi?