Kownoekondre prékiman e froeteri

Jehovah ’e meki sani gro’ ini Fidji

JEHOVAH blesi de krin foe si tapoe den getrow kownoekondreprékiman di e doe den wroko tapoe den moi eilanti foe Fidji. Nownow joe abi 1049 kotoigi foe Jehovah tapoe den eilanti, wan gro foe 10 procent te joe teki disi gersi nanga a jari a fesi. Den ben prani èn gi watra èn Gado ben sorgoe dati sani ben gro. — 1 Kor. 3:6, 7.

Wan foe den 68 sma di ben teki dopoe na a kongres di psa ben de 9 jari sonde-skoro-meester. A ben kon foe wan osofamiri di ben lobi go na kerki. Toe kotoigi ben miti en na a oso foe oso wroko èn „baka langa takmakandra èn foeroe go-baka, te foe kaba wan studie ben opo na en”. Baka toe moen bijbelstudie a saka a wroko foe en leki sonde-skoromeester èn a ben teki dopoe baka wan jari. A ben taki, aladi a ben broko broko den wortoe foe Paulus: „Oenoe ben jere kande foe mi faja wroko ini na falsi anbegi, di mi ben abi bigi faja gi den gwenti foe mi fostentata. Ma now mi feni na waarheid èn mi prisiri foe kan dini Jehovah makandra nanga oenoe.” — Teki gersi nanga Galacia 1:13, 14.