Kownukondre preikiman e ferteri
Wan granman e opo taki gi den kotoigi
A WAN sani di e gi dek’ati fu sabi dati ini a grontapu disi heisma de ete di lobi eerlekheid nanga geregtigheid èn di na fesi fu ala sma e opo taki gi den fasi disi. Wan eksempre fu disi de fu wan granman ini wan Afrikan kondre pe a wroko fu Yehovah Kotoigi de ondro skotu di lanti poti. Na tori e ferteri wi:
„No so langa psa kaba difrenti kerki grupu, na mindri suma yu ben abi den katholiek, presbiteriaan, pinksterbribiman nanga so moro fara, ben hori wan interkerki kongres ini wi foto. Na granman ben kisi wan kari fu taki nanga a kongres leti bifo a kongres ben sa tapu. Leki wan fruwondru sani gi ala sma di ben de drape a ben taigi den, dati den ben mu teki wan eksempre na a eerlek fasi èn den heimarkitiki fu Yehovah Kotoigi èn ben taki moro fara dati efu ibriwan sma ben sa de leki Yehovah Kotoigi vrede ben sa de ini a kondre.
Na tra dei prenspari memre fu den kerki di ben de ne tapu a kongres, ben go na a paleisi fu a granman disi. Den ben taki dati den no e agri srefsrefi nanga a pisi fu a taki fu na granman na ini san a ben prijse den Kotoigi èn den ben aksi en efu a no ben sabi dati na ini a kondre fu na sei fu lanti ben poti gi Yehovah Kotoigi. A granman piki dati a sabi dati ma a ben taki gi den dati a no ben abi nowan sani fu taki fu Yehovah Kotoigi. A ben go moro fara nanga den wortu: ’Ini ala den yari di mi de granman, noiti wan dei a psa dati wan kotoigi fu Yehovah kon na fesi a krutu-bangi fu mi di a ben gi ensrefi abra na wan sondu. Ma efu wan sma e fufuru kasaba fu wan pranasi, dan nofotron a fufuruman de wan katholiek. Efu nyamsi fufufru dan a sma di du a ogri dati na wan presbiteriaan. Memre fu yu kerki ben doti mi kondre nanga a puru fu bere èn toku nowan enkri kotoigi fu Yehovah kon na fesi mi krutubangi fu den sortu fu ogri disi. Den wet fu Gado no e tapu den sortu du disi, ofu den kerki no do moro langa ferplekti fu hori a wet fu Gado? Den kerki fesiman ben tanapu nanga babaw mofo.
Bakaten na granman ben kari sma di ben de takiman fu Yehovah Kotoigi kon na en. A ben gi den dek’ati fu luku bun tapu densrefi, sodati syen no ben sa tyari kon tapu na nen fu na Gado fu den èn tapu di fu ensrefi, fu di en leki granman ben opo taki gi Yehovah Kotoigi.”
Na tori e ferteri dati nownow furu nyun sma teki a sei fu na waarheid. Wán kotoigi e taki dati no so langa psa kaba a ben kan opo wan bijbelstudi na dri edeman fu na kontren, na mindri suma na granman de, èn ala dri e fisiti now den komakandra fu Yehovah Kotoigi.
Yehovah Gado e poti prakseri na tapu den sma di lobi waarheid nanga regtvaardikifasi èn di e opo taki gi den belang fu en dienstknegti. — Mattéus 10:42.