Wan fesa di joe no mag misi

„Ibri boen presenti nanga ibri boen kado” e kon foe Gado, wi hemel Tata (Jakobus 1:17). A moro bigi presenti di Gado gi a sondoe libisma famiri, na foe di a ben sorgoe taki den kan kisi kibri èn kon boen baka nanga jepi foe en wan-enkri gebore Manpikin, Jesus Krestes. A dede di Jesus dede leki wi Loesoe-paiman, e meki taki wi man kisi têgo libi na ini wan paradijs na grontapoe. Na ini Lukas 22:19, wi e kisi a komando foe memre a dede foe en.

Jehovah Kotoigi e gi joe a switi kari foe poti prakeri na tapoe a komando foe Jesus makandra nanga den. Na alajari fesa disi sa feni presi baka te son dongo na a dei di de a srefi leki 14 Nisan tapoe a moenkalender foe bijbel, èn a sa de toedewroko 2 april 1996. Skrifi a dei disi, so taki joe no sa frigiti en. Jehovah Kotoigi di e libi na a presi pe joe e libi, kan froeteri joe soifri pe a konmakandra presi de èn san sa de a ten.