Wan ten sa kon taki wi no sa si den sani disi moro?

AWANSI PE wi e go na ini a ten disi, wi e si prenki foe feanti fasi, trobi, nanga orlokoe. Ma a no de a marki foe a tijdschrift disi foe kari moro foe den takroe njoensoe di joe sabi kaba. Na presi foe dati, a spesroetoe tijdschrift disi sa meki joe kon sabi no moro mendri leki toe troetori di e gi trowstoe. Fosi, taki owroeten profeititori na ini bijbel troetroe ben taki na fesi foe foeroe foe den takroe njoensoe foe a ten foe wi di e skreki wi; a di foe toe, taki a srefi profeiti boekoe disi e taki na fesi foe wan dei te den sortoe prenki disi, soleki a wan di sori djaso, sa de fositen sani. No wan orlokoe moro. No wan bom moro, no wan sma di e kibri soetoe den feanti, no wan landmijn, noso terrorisme. No wan pikin di no abi papa nanga mama èn di abi hebi pen, noso no wan loweman di no abi oso. Wan grontapoe foe troetroe vrede di e switi na ati. Joe ben sa wani si a ten disi? Wi e gi joe a tranga foe ondrosoekoe san bijbel abi foe taki. Joe kan feni moro trowstoe na ini bijbel, leki oiti joe ben prakseri taki joe kan feni.