Wan „toemoesi aparti” kongres ben kisi prèise

WAN radio boskopoeman na ini Lima, Peru, ben tweifri serjoesoe efoe den Jehovah Kotoigi ben de boen sma. Ma baka di a ben fisiti wan foe den distriktkongres foe den, a denki foe en ben kenki srefisrefi. Foe taki en leti, a ben naki en ati so kefalek taki a ben taki wan toe boen sani na radio gi den arkiman foe en. A sani di e kon now na wan toe pisi foe sani di a ben taki:

„A kongres ben de troetroe toemoesi aparti. No wán pisi papira no ben de na gron èn no wan seriman no ben de na ini a birti. A verkeer no ben fasi no wan leisi. Feifi doesoen nanga toe hondro sma ben go na a stadium tapoe den eigi kostoe, ibriwan foe den ben abi wan emre, wan pisi broko-krosi, wan doekoe foe figi finidoti, wan sani foe poeroe doti, wan sisibi, wan bosro, handschoen, èn soposani foe wasi èn foe bosro a presi. Te sani ben moesoe ferfi, dan den ben ferfi en. Èn foe pe a moni e komoto? Na densrefi e kon nanga a moni! Te den kisi foe jere taki wan sani moesoe doe, dan wantewante den alamala e soetoe den anoe go na ini den saka foe gi moni. A san di mi e taigi joe djaso, a Katolik Kerki e sribi na ini den tori disi. Mi wani fristeri den Jehovah Kotoigi èn den sma di orga a sani disi di ben feni presi. Èn nanga mi heri ati mi wani taigi den ’Meki Gado jepi oenoe èn blesi oenoe.’ ”

Na ini den foto na heri grontapoe na ini a jari disi, Jehovah Kotoigi sa abi a „Libi fa Gado wani”-distriktkongres. Joe sa de drape?

[Prenspari pisi na tapoe bladzijde 32]

„No wán pisi papira no ben de na gron”