A boen fasi fa sma e tjari densrefi e tjari prèise kon

A KORANTI La Gazzetta del Mezzogiorno foe Italia ben prèise Jehovah Kotoigi bika den ben tjari na artikel „Matera — Stad met unieke grotwoningen” kon na doro. Na artikel disi ben de na ini na Ontwaakt! tijdschrift foe 8 juli 1997 di ben prati na foeroe presi na ini foeroe tongo. Ontwaakt! e vertaal now na ini 81 tongo èn moro leki 19 miljoen eksemplaar e prati na heri grontapoe. A koranti ben taki dati Ontwaakt! ben doro a moro hei nomroe na ini a zomer disi ini a tori „foe meki reklame di e horibaka gi a historia goedoe nanga a kunst di a foto [Matera] abi.”

A koranti ben prèise den Kotoigi foe a „Bribi na ini Gado Wortoe”-distriktkongres ede di den ben hori na ini Matera na ini 1997. Na artikel ben taki dati den Kotoigi ben man „tjari 4000 sma go na a XXI Settembre Stadion foe a foto na ini a zomer èn ala di a son ben faja srefisrefi; den krin a sport centrum, ferfi en baka, èn meki den prenspari presi foe a centrum disi (spesroetoe den toilet presi), sondro foe aksi moni, foe di densrefi ben pai foe bai materiaal di ben de fanowdoe”.

Jehovah Kotoigi e doe moeiti foe de boen kompe (Mateus 22:37-39). Den e waka so srefi baka a bijbel froemane: „Tan tjari oensrefi na wan boen fasi na mindri den nâsi, so taki . . . leki wan bakapisi foe den boen wroko foe oenoe, di den ben si nanga den eigi ai, den kan gi glori na Gado na a dei te a sa ondrosoekoe sani.” — 1 Petrus 2:12.