Lobi di tranga moro leki di foe wan mama

MAMA e gowe libi den watrawatra beibi foe den na baka, na ondrogron loko station, na poebliki toilet, noso na strati di druk srefisrefi. Son tron doti-wagi-man feni srefi na ini doti-emre, jongoejongoe beibi di kon swaki foe a krei di den e krei foe den mama foe den kon na den. Akroederi O Estado de S. Paulo, „kefal pe den e gowe libi beibi na baka na strati e feni presi moro nanga moro”. A no de foe taki, dati a jongoe mama sa sari foe a bosroiti di a teki baka ten. Ma tokoe, a e gowe libi en beibi na baka, ala di dati kan meki a pikin foe en lasi en libi srefi.

Kande joe e aksi joesrefi: ’Fa wan mama kan denki srefi foe gowe libi en beibi na baka foe a pikin abi wan tamara di no de seiker?’ Bijbel e gebroiki so wan sortoe sari situwâsi leki wan agersitori foe meki wan bigi kontrari kon de foe si ini a firi di wi Kriaman abi gi den wan di de foe en: „Wan oema kan frigiti en pikin di a abi na bobi, so taki a no ben sa firi sari-ati gi a manpikin foe en bere? Srefi den oema disi kan frigiti, ma misrefi no sa frigiti joe.” — Jesaja 49:15.

Foe troe, moro leki iniwan libisma mama, Gado abi dipi lobi gi wi èn a e sori firi gi den nowtoe foe wi. A no abi trobi efoe joe na wan jongoe sma noso wan bigisma, awansi nanga sortoe problema kande joe e toeka, joe no de joe wawan. A Kriaman foe joe wani jepi joe èn a wani foe sani waka boen gi joe. Foe taki en nanga den wortoe foe a psalm singiman: „Efoe mi eigi papa nanga mi eigi mama ben gowe libi mi, dan Jehovah srefi ben sa teki mi.” — Ps 27:10.

Na heri grontapoe den e tjari den tijdschrift A Waktitoren nanga Ontwaakt! kon na doro foe gi sma sabi foe „a wan-enkri troe Gado”, Jehovah nanga en Manpikin, Jesus Krestes, wan sani di kan wani taki têgo libi gi den sma di e teki en nanga warderi. — Johanes 17:3.