„Wan Koloku Masra fu wan Kefalek Bun Wefi”

SON leisi wan tu sma e kosi Yehovah Kotoigi krinkrin taki den e broko trowlibi fu tra sma. Ma furu bun trowlibi pe wán patna nomo de wan Kotoigi fu Yehovah e sori taki disi no tru kwetikweti. Te wi e gebroiki a rai fu Bijbel na ini na osofamiri libi, dan dati e meki koloku trowlibi, soleki fa a brifi disi di ben poti na ini wan Fransi koranti e sori.

„Pikinmoro 28 yari kaba, mi de a koloku masra fu wan kefalek bun wefi di de wan Kotoigi fu Yehovah. A kweki den feifi pikin fu mi, èn tu fu den pikin no ben de fu en, nanga a srefi sorgu èn furu lobi. Nownowde mi de wan driktoro fu wan bisnis di abi 45 wrokoman, èn mi kan gi yu a dyaranti taki mi wefi ben yepi mi furu fu meki mi wroko waka bun. Na fu dati ede, di mi ben si taki wan artikel na ini a koranti di mi e leisi ala dei, ben taki dati Yehovah Kotoigi de wan kefar gi a Lot-et-Garonne kontren, meki mi ben bosroiti fu gi yu wan krakti buweisi.”

A brifi e taki tu: „Den no e smoko, den no e drungu. ¿Dati na wan kefar? Den na Kresten di e frudrage sma èn di no e dwengi sma fu teki den wet fu den. Na presi fu dati, den na wan eksempre na tapu furu kontren. . . . Den no abi noti fu du nanga doti moni tori èn den no e seri drug. Den no e du wan seryusu pramisi taki den no sa abi seks, èn mi kan gi yu a dyaranti taki den e libi wan normaal libi. . . .

Ma yu ben kan aksi mi: Fu san ede yusrefi no de wan Kotoigi fu Yehovah dan? Bika wan Kresten bribi nanga a hori di yu musu hori yusrefi na moreel markitiki de fanowdu, èn den sani disi no de fu feni makriki na furu sma.”