„Di Mi Go na a Kownukondre Zaal”

Laura,a wan studenti fu na universiteit, ben kisi a wroko fu go na wan konmakandra na ini wan kerki èn a ben musu skrifi fa a ben feni en. A ben bosroiti fu go na Yehovah Kotoigi, èn a ben kari a pisi di a ben skrifi: „Di mi go na a Kownukondre zaal.” Sortu difrenti Laura ben si na den Kotoigi? Dya na wan tu fu den furu sani di a ben kari.

Den pikin: „Ala den pikin ben de na ini a srefi kamra pe den bigisma ben de. Na ini ala den kerki pe mi go, den pikin e gowe libi a papa nanga a mama fu den èn den musu go na Sondeskoro.”

Wánfasi na mindri den ras: „Moro furu a de so, taki kerki e hari memre fu wán sortu ras noso fu wán etnisch grupu kon . . . Ma ala den Yehovah Kotoigi ben e sidon makandra èn den no ben e sidon na ini pikinpikin grupu.”

Den lobi fu ontfanga sma: „Furu sma ben kon taki nanga mi. . . . Son sma ben aksi mi srefi efu mi ben e studeri Bijbel nanga wan sma. Toku mi no ben abi a firi taki den ben dwengi mi. Den . . . ben meki misrefi teki a bosroiti.”

Den no e piki moni: „Wan sani di ben fruwondru mi trutru ben de taki no wan sma ben aksi wan bijdrage. . . . Den kerki pe mi go ben aksi bijdrage na ini den klas fu den pikin srefi.”

So wan 90.000 gemeente fu Yehovah Kotoigi de na heri grontapu. Fu san ede yu no e go na a Kownukondre zaal na ini yu birti?

[Futuwortu]