A Ben Poti den linga Baka na den Finga fu Den

„LUKU den finga fu mi. ¿Yu e si wan difrenti?” Wan man ben langa en anu go na wan uma di de wan Kotoigi fu Yehovah. A sisa ben luku na anu èn wantewante a ben si taki a trowlinga fu a man ben komoto na en anu. A man ben fruteri taki en nanga en wefi no ben man libi bun nanga makandra moro. Fu dati ede den ben bosroiti fu broko a trow. „¡Nôno!” a Kotoigi ben taki. „Teki a buku disi èn leisi en. A o yepi yu nanga yu trowlibi.” Nanga den wortu disi a ben gi a man wan eksemplaar fu a buku Sabi di e tjari joe go na têgo libia di abi en gron na tapu Bijbel.

Baka wan tu dei, a man ben go baka na a Kotoigi na wan prisiri fasi. A ben sori a sisa na anu fu en. A leisi disi a ben weri en trowlinga. A ben fruteri a sisa taki en nanga en wefi ben leisi a Sabi-buku èn taki den ben koloku now srefisrefi. A buku ben poti den linga baka na den finga fu den trutru.

A rai di Bijbel e gi kan yepi wan masra nanga a wefi fu en fu sori makandra trutru lobi. Disi de so bika a skrifiman fu Bijbel a no wan tra sma moro leki wi Kriaman, di e taki: „Mi, Yehovah, na yu Gado, a Sma di e leri yu fu gi [yusrefi] wini, a Sma di e meki yu go na tapu a pasi di yu musu waka.”​—Yesaya 48:17.

[Futuwortu]